العودة   منتديات المصطبة > الأقسام العامة > منتدى المواضيع العامة

منتدى المواضيع العامة أهم المواضيع والقضايا العامة التى تشغل الرأى وتهدف إلى نشر الفائدة للجميع


1 
محمد احمد بركة

السلام عليكم ورحمة الله وبركاتة

كل عام وانتم بخير

ويااارب شهر خير ومغفرة علينا كلنا يارب

بقالى فترة ظهور متقطع كدا متهيقلى معظمكم عارف ظروفى
بس النهاردة رجعتلكم ومعايا مفجأة وحجات جميلة لآعضاء اجمل


رمضان ميحلاش الا باللمة
وكل سنة كنا بنلعب ونعمل مسابقات ونتلم كلنا بيت واحد وعيلة واحدة

علشان كدا قررنا نعمل مسابقة تجمعنا كلنا
اتكلمت مع الاداؤة ولقيت كل الدعم والتشجيع والمساندة فتوكلت على الله

المسابقة هتطول معانا شوية
بس كلة بتمنة ههههههههههههههههه



فكرة المسابقة

مسابقة عامة اسئلة رياضية , سياسية , ادبية , ثقافية ,ترفيهية ,فنية الخ ...
هتبقى عبارة عن فرق علشان نقوى روح الجماعة والعيلة بينا

كل فريق عايزينة من 3 اعضاء مش اقل ولا اكتر من كدا
اللى عايز يشارك هيدخل ويسجل انة مشارك لو مع فريق او حد تانى اوك

ولو مش لاقى حد ممكن احنا نجمع الافراد ونكونهم فرق
بحيث فى الاخر مطلوب معانا عدد فرق زى ما يكون بس كل فريق 3 اعضاء

هنعمل نظام دورة
مثال

لو عندنا 4 فرق
يبقى هنعمل قرعة بينهم

والفريق الاول هيلاعب التانى والفايز بينهم هيلاعب اللى هيكسب من التالت والرابع وفى النهاية يفضل معانا فريق واحد فايز
متهيقلى كدا وصلت !


نظام المسابقة

هنجمع عدد الفرق مهما كان العدد مش مشكلة
وهنعمل بينهم قرعة ونظام الفايز متأهل والخسران هردلك
وهنعمل جدول نحدد يوم كل فرقتين يتسابقوا فية والساعة

وطاقم اشراف المسابقة هيكون موجود فى الساعة دى وننزل الاسئلة للفرقتين فى توبيك خاص
وفى خلال وقت معين هنحددة بعدين مطلوب ان كل فريق يكون مسلم اجاباتة لآى حد من اشراف المسابقة
وعلية هيتم فرز الاجابات الصحيحة وتحديد الفريق الفايز
وهنفضل نصفى الفرق لغاية ما نوصل لفرقتين فى النهائية
ويكون بينهم مسابقة نهائية فى ليلة القدر تفصل بينهم وتخرجلنا الفايز بالمسابقة الرمضانية الكبرى للمصطبة 2012



الجوايز بقى


المركز الآول
لكل عضو فى الفريق الفايز كارت شحن فئة 150 جنية ايون مية وخمسين اقرأ صح هههههههه
وشهادة تكريم من الادارة ولقب تحت الاسم ان شاء الله
المركز التانى
لكل عضو فى الفريق
كارت شحن فئة 50 جنية
وشهادة تكريم من الادارة
__________________________________________________ ____________

وهنفتح باب تسجيل الاعضاء والفرق الراغبين فى المشاركة من دلوقت ولغاية يوم السبت الساعة 12 منتصف الليل
واى استفسارت انا موجود مع حضراتكم
وفى خلال سعات هيكون موجود طاقم اشراف المسابقة اللى هيكون ليا الشرف انى اشتغل معاه
ورمضان كريم على حضراتكم
والكل كسبان معانا ان شاء الله
وفى مفاجأت هتحصل طول وقت المسابقات
شاركو معانا
وانتظروا من كل جديد




5 
Wana Maly

تمام يا محمد
بالتوفيق لجميع الفائزين ان شاء الله

وصحيح فيه ملحوظة صغيرة
الجايزة لحد دلوقتى 150 لكل عضو فى الفريق الاول و50 لكل عضو فى الفريق التانى واحتمال كبير من هنا لحد اخر يوم فى المسابقة قبل اعلان نتيجة الفائز ممكن الجايزة تزيد شوية يعنى الفريق الاول بدل ما ياخد 450 للـ 3 اعضاء هيبقى 600 يعنى لكل عضو 200


بالنسبة للفريق الاول ممكن المبلغ يتحولهم بريد مش شرط تحويل رصيد او كروت شحن يعنى
اما التيم التانى الفائز ان شاء الله هيبقى كارت شحن فئة 50 لكل عضو فى الفريق

تحياتى ،



Powered by vBulletin® Copyright ©2000 - 2017, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.