العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات


الحمد لله كله بيعدي ( ^__^)

21 شهر بالظبط مسافر ممممممم اتعلمت فيهم كتيــــــــــــــــــر اوى اتعلمت الصبر اتعلمت اشيل مسئولية نفسى اتعلمت اصحى لشغلى لوحدى محدش يصحيني اتعلمت اعمل اكل لنفسى مستناش حاجه من حد اتعلمت

منتدى الحب والرومانسية


1 
S α ү з D

21 شهر بالظبط مسافر
ممممممم
اتعلمت فيهم كتيــــــــــــــــــر اوى
اتعلمت الصبر
اتعلمت اشيل مسئولية نفسى
اتعلمت اصحى لشغلى لوحدى محدش يصحيني
اتعلمت اعمل اكل لنفسى مستناش حاجه من حد
اتعلمت اغسل واكوى واهتم بنفسى اكتر من الاول



اتعلمت ازاى افكر واحكم عقلى قبل قلبى فـ دنيتي
عرفت ان الدنيا مش وردية ولا كل حاجه بتيجي بسهولة
اتأكدت ان ابويا بيتعب × القرش اللى كان بيجيلى وانا نايم × البيت
اتعلمت احافظ على قرشي عشان بتعب فيه
شوفت ناس كتير وجنسيات اكتر
اتعلمت كلام غريب مكنتش عمرى اسمع عنه
كنا لما نشوف حد بيقلب لسانه بنضحك الحمد لله كله بيعدي ( ^__^)
دلوقتى بقيت انا اللى بقلب لسانى وكلامى مع جنسيات معينه عشان يفهمني الحمد لله كله بيعدي ( ^__^)
اتعلمت انى اكون انا بشخصيتي وطبعي مع الناس
اكسبهم بأسلوبى وطريقة التعامل
عرفت قيمة امى واخواتى وصحابى

امى اللى الدنيا بما فيها متعوضش لحظه ابصلها او تحضنى فيها
اخويا اللى بفضفضله وبنصحه بيسمعلى مبخافش منه


عرفت ناس كتير منهم الصادق والكداب والجدع والشهم
وقليل الاصل والمنافق وابن الناس والبيئة
النضيف والوسخ وكلٌ على شاكلته يكون
اقتنعت فعلا ان كل اناء ينضح بما فيه
ناس حبتنى وناس الله اعلم
ناس تعرفنى بجد وناس وقت اللزوم
ناس دخلت جوايا وناس لسه متعرفنيش
ناس وناس وناس وهيا دى الحياة
تعليم × تعليم
تعب وكد وشقا وعناء
لكن لما تلاقى تعبك بتاخد عليه الاجر بتبقى مبسوط اوى

عاوز حياتى تبقى Original مش Copy لحياة حد تانى
بقيت اعرف اخد قرار وامشي عليه
بقيت نسبة كبيرة من شخصية كنت راسمها لنفسى من زمان
بقيت مسئول × شغلى عن حاجات مكنتش اسمع عنها
لما تدخل جوه الشئ غير لما تبصله من بره
لما تعبت شيلت مسئولية نفسى وبقيت اجى على نفسى كتير
عشان اكل العيش مفيش فيه لعب ولا استسلام للتعب
فى حساب لان فعلا كل حاجه بحساب

انا مش ملاك ولا كاتب بوست عشان اترسم بيه ادام حد
ولا قايل كلمتين عشان الفت بيهم النظر
انا لقيت ده جوايا كتبته وطلع زى ما طلع محسبتلوش


لسه هتعلم وهشوف تانى والدرس عمره ما هيخلص

والحمد لله
كله بيعدي
(^__^)


من وحي احساسى



2 
renad rohy


سبحان الله
حياه وبنعشها ولازم نتعلم منها
الايام مش بتعدي بسهوله ولا زي الهوى عدى وفات
هما شويه برد حسينا بيهم وعدوا لا اثر لهم في حياتنا
لا عايشين عشان نتعلم
عايشين عشان ناخد عبر وعظات من حياتنا
لازم نعرف قيمه الام والاب وقد ايه هما بيتعبوا عشانا
ونصيحه الاخ والاخت والصديق الوفي
وقد ايه تحمل المسئوليه ده شيئ جميل بتحس بقيمتك وبكيانك

عايشين عشان نتعلم

ربنا يسعدك في الدنيا والآخرة
ويعينك يارب
وتعيش وتتعلم




3 
S α ү з D

اقتباس: المشاركة الأصلية كتبت بواسطة renad rohy  مشاهدة المشاركة

سبحان الله
حياه وبنعشها ولازم نتعلم منها
الايام مش بتعدي بسهوله ولا زي الهوى عدى وفات
هما شويه برد حسينا بيهم وعدوا لا اثر لهم في حياتنا
لا عايشين عشان نتعلم
عايشين عشان ناخد عبر وعظات من حياتنا
لازم نعرف قيمه الام والاب وقد ايه هما بيتعبوا عشانا
ونصيحه الاخ والاخت والصديق الوفي
وقد ايه تحمل المسئوليه ده شيئ جميل بتحس بقيمتك وبكيانك
عايشين عشان نتعلم

ربنا يسعدك في الدنيا والآخرة
ويعينك يارب
وتعيش وتتعلم



اكيد طبعا كلنا عايشين عشان نتعلم
وفعلا مبنحسش بقيمة الحاجه الا لما نبعد عنها
زى منا حسيت بقيمة امى واخواتى لما بعدت وسافرت
بس مهما كان الظروف هيا الدنيا كده لازم تحطنا × مواقف تتعبنا
عشان لما نرتاح نحمد ربنا على نعمته

ربنا يتقبل منك الدعاء واياكى خيرٌ منه يارب
ميرسى اوى على مرورك وردك الجميل



4 
أحبُكَ ربى

كلماتك جميلة ومؤثرة اووووووووى ياسيد وكل العادة بحس فيها الصدق

يمكن عشان طالعة بعفوية ويمكن تانة لانها كلمات خارجة من قلب صادق

مش هتفرق كتير بصراحة معاك حق فى كل اللى قلته والله أسأل ان يرزقك الرضا


عندى كلام كتير نفسى اقوله بس مش عارف اعبر عنه .

وكله هيعدى ان شاء الله


5 
snow white

لما تدخل جوه الشئ غير لما تبصله من بره


كلااااااااااااااامك كله صح
وطول ما احنا عايشين بنتعلم



ربنا يرزقك ويرزقنا القناعه والرضا اللهم امين









أدوات الموضوع
انواع عرض الموضوع


مواضيع متشابهة مع: الحمد لله كله بيعدي ( ^__^)
تشقق الجلد للحامل ، اسباب تشقق الجلد ، اعراض تشقق الجلد من قسم منتدى الطب والصحة
صور كلمة ( الحمد لله ) /// كروت الحمد لله مزخرفه /// تواقيع كلمه الحمد لله 2013 من قسم صور 2016 جديدة
ليه الارنب مش بيعدى من قدام القهوة ......................؟؟؟؟؟ من قسم المهيسين فى الأرض
كيفية المحافظة علي الجلد في الصيف 2014 - طرق الحفاظ علي الجلد في الصيف2014 - خطورة الصيف على الجلد 2014 من قسم منتدى الطب والصحة
تجاعيد الجلد ، أساب و علاج تجعد الجلد wrinkling of skin من قسم منتدى الطب والصحة

الساعة الآن 01:45 AM.


Powered by vBulletin® Copyright ©2000 - 2016, Jelsoft Enterprises Ltd.
Search Engine Optimization by vBSEO ©2011, Crawlability, Inc.
المواد المنشورة فى منتديات المصطبة لا تُعبر بالضرورة عن وجهة نظر إدارة الموقع وإنما تُعبر عن وجهة نظر كاتبها.