العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"


قصيدة الشهيد ، اجمل قصيدة حزينة عن الشهيد مكتوبة 2014

قصيدة الشهيد للشاعر عبد الرحمن يوسف القرضاوى كان يا ما كان كان فى شهيد فاكرينه مات واقف يتفرج علينا من سكات يدخل علينا زى نور المشربيه ويزيدله شوقتا من حديث

منتدى الشعر والخواطر


1 
5Lik Fe 7aLk

قصيدة الشهيد للشاعر عبد الرحمن يوسف القرضاوى


كان يا ما كان

كان فى شهيد فاكرينه مات

واقف يتفرج علينا من سكات

يدخل علينا زى نور المشربيه

ويزيدله شوقتا من حديث الذكريات

يسمع دموع الأمهات

حمال أسيه

والصبر غيه

صوت المظاهره يلهمه

طالع لجنة ربنا على سلمه

والكام رصاصه الدفيانين جواه معدتش بتألمه

أيوه ماعدتش بتألمه

الأ اما واحد صاحبه يبكى عليه ويتشحتف بكلمة زى

* الله يرحمه *

---------------------------------

خلفتى يا مصر ومن خلف شهيد ما مات

سبع تلاف عام مواكب خير بتتوالى

خلفتى فرحه وفرحه غيرنا لسا ما جات

خلفتى كلمه لأمه لسا قواله

خلفتى راجل بيهزم جيش من الأوغات

نعلى بأفعلنا ونفوسنا ما تتعالى

بننحسب بالغلط فى لستة الأموات

وأحنا اللى ما عشنا فوق ظهر الوجود عاله

---------------------------------

كان ياما كان كان فى شهيد

كانت نهايته أو بدايته لما يوم حفروا القتال

خلف شهيد كانت حكايته لما يوم عبروا الطريق

خلف شهيد عاش كالراجل

حربه أسمها اللقمه الحلال

كان فى شهيد عايز سؤال

مين اللى ماسك دفة المركب وحادف ليه شمال ؟؟؟؟؟!!!!

مين اللى خرب مركبك يا مصر ???

مين اللى داس الكوخ برجل القهر ???

--------------------------------------

كان ياما كان كان فى شهيد رافع علامة النصر

يوم كان فى عباره ويوم كان فى القطر

وليله بايت فى الدويقه جوا بيت من سخر

وليله جوا القسم أو فى المعتقل راضى وسعيد

خالد سعيد عاش كالراجل بسيد بلال

----------------------------------

كان ياما كان كان فى شهيد

خلف شهيد جاور شهيد

كان جد جده كمان شهيد

صاحب شهيد ناسب شهيد

جوز بناته الخمسه لولاد الجيران

طلعوا ولاد عم الشهيد

جابم شهيد

عاشم وما عاشوا يقاوموا القتل فى الطوابير

ماشين على المسامير

والكل بيعظم سلام لعصابة الخنازير

والظلم فاض

هات طوبه ياض

داخلين علينا البلطجيه طوال عراض

راكبين جمال شبه القراض

هات طوبه ياض

حصلى دغرى عند عبد المنعم رياض

بتقولى عبد المنعم رياض !!!!!!!

مش قولتلك

كان فى شهيد خلف شهيد

طب ايه الجديد

ربك يريد

أنت الشهيد اللى جنبك ضى

واخد 3 رصاصات على شومه ماقولت الأى

زينة ولاد الحى

وانتاى الشهيده عروسه ملهاش زى

انت الشهيد وقصدتى ماشى فى موكبك بتزك

أنت اليقين لأمه عاشت عمرها بتشك

ماشى فى طريقك محترم والكل ماشى يعك

نزلتنا بأسلوبك أنت لزحمة الميدان من زحمة الفيس بوك

--------------------------------------------

أنت الشهيد أبن الشهيد اللى أتولد عشان يكون أبنه شهيد وأبنه شهيد وأبنه شهيد

طب أيه الجديد ربك يريد

وحياة كنايس ردت صوت الأزان

وحياة شجاعة شعب ضد رئيس جبان

وحياة ما دمعنا وكحينا من بقنابل من دخان

وحياة سلاح الأمريكان ضد الشعب

وحياة ما شاف الكون على اديان العجب

وحياة ما قداسنا وصلاتنا وحدوا كل مكان

وجمدوا جرى الزمان

وحياة مازيناك يا سور البرلمان

وحياة جرايت هلست واتريقت




وحياة فدادين الغلابه اللى على أهل القصور اتبعزفت

وحياة اراده اتجرأت

وحياة عنين أنخزفت

وحياة عنين تانيه فى وشوشنا برقت

الثوره دى مش ملكنا

أحنا اللى ملك الثوره يا جدعان

وحياة نومتنا على الرصيف وسط الميدان

دم الشهيد أب الشهيد اللى اكيد ابنه شهيد

لأزم ينور درب مستقبل جديد

---------------------------------------

منصوره بينا يا مصر منصوره

رسمنا ثورتنا بالون العدل

وعملنا ما الدبابه سبوره

نكتب عليها رأينا فى الندل

ونجيب ولادنا لأجل ياخودو جمبها صوره

ماشين بقدرة ربنا على الحبل

مايهمناش السجن ولا القتل

نايمين على الأسفلت شوكه فى حلق أى عصابه محشوره

منصوره بينا يا مصر منصوره




أدوات الموضوع
انواع عرض الموضوع


مواضيع متشابهة مع: قصيدة الشهيد ، اجمل قصيدة حزينة عن الشهيد مكتوبة 2014
قصائد عيد الحب 2017 اجمل واحلى قصيدة عن عيد الحب (الفلانتين) قصيرة كاملة مكتوبة 2018 من قسم منتدى الشعر والخواطر
اسم عبد الشهيد فى المنام ، تفسير معنى إسم عبد الشهيد فى الحلم من قسم تفسير الأحلام والرؤى
معنى الشهيد ، معنى اسم الشهيد ، معنى و تعريف كلمة الشهيد ، معانى اسماء الله الحسنى من قسم القسم الإسلامى العام
قصيدة بمناسبة عيد الاضحى ، اجمل و احلى قصيدة قصيرة لعيد الأضحى المبارك من قسم منتدى الشعر والخواطر
جنازة حسن الحناط الشهيد السادس بنيران إسرائيل.. والد الشهيد سقط فاقدا الوعى.. وأمه لا تصدق وفاته.. وشقيقة المجند: لن يهدأ لى بال حتى أنتقم من القتلة من قسم أخبار مصر Egypt News

الساعة الآن 03:26 PM.


Powered by vBulletin® Copyright ©2000 - 2016, Jelsoft Enterprises Ltd.
Search Engine Optimization by vBSEO ©2011, Crawlability, Inc.
المواد المنشورة فى منتديات المصطبة لا تُعبر بالضرورة عن وجهة نظر إدارة الموقع وإنما تُعبر عن وجهة نظر كاتبها.