العودة   منتديات المصطبة > الأقسام الإخبارية > أخبار مصر Egypt News

أخبار مصر Egypt News آخر اخبار مصر اليوم على مدار 24 ساعة، اخبار عاجلة من الصحف والجرائد المصرية


1 
Ma Ged

Kill Diabetes

جريدة الشروق : حملة ضد التحرش الجنسى فى العيد elmstba.com_1345369597_561.jpg


- انتشرت ملصقات فى شوارع القاهرة ومحطات المترو قبل ساعات من أول أيام العيد تحمل عبارات من بينها «لا للتحرش والمعاكسات، آن الأوان نقضى العيد بأمان، ابتدى بنفسك خليك إيجابى، ماتسكتش على التحرش الجنسى، بلد فيها تحرش.. ماينفعش تبقى مصر».

الملصقات هى جزء من مبادرة «امسك متحرش فى العيد» وتتبناها حملتا «بنات مصر خط أحمر» و«حركة بصمة»، وهدفها توعية المصريين بمساوئ التحرش الجنسى والمعاكسات وبأنهما جريمة يعاقب عليها القانون المصرى. ووصفت الحملة عيد الفطر بأنه «موسم للتحرش»، واستشهدت بعدد حالات التحرش الجماعى «العنيفة» التى حدثت فى عيدى الفطر والأضحى العام الماضى، مشددة على ضرورة أن تشهد مصر عقب الثورة والتغيير، عيدا مختلفا وخاليا من التحرش. واشارت إلى أن العيد فى مصر مرتبط منذ القدم بالخروج والتنزه بالملابس الجديدة فى الحدائق والشوارع والأماكن العامة، وهو ما يسهل جعل أى امرأة أو فتاة فريسة سهلة للتحرش، وقالت الحملة: «أيها المتحرش لبس البنت مش مبرر إنك تتحرش بيها، زى برضه مش مبرر لما تلبس نضيف واحد يثبتك ويسرقك».

وأكدت استمرارها فى رسالتها خاصة بعد فوز «خريطة التحرش الجنسى» التى أسسها عدد من النشطاء لمواجهة التحرش الجنسى فى مصر، بجائزة أفضل موقع إلكترونى فى العالم يستخدم التكنولوجيا فى القضايا الاجتماعية لعام 2012، ضمن مسابقة «البوبز» الألمانية التى تطلقها الإذاعة الألمانية «الدويتش فيلا»، لأفضل المدونات والمواقع الالكترونية فى العالم.

وللمرة الأولى هذا العام، قررت المبادرة تفعيل حملتها خلال أيام عيد الفطر فى محطات مترو الأنفاق، ونشر دوريات لحماية الفتيات بالتنسيق وإخطار الهيئات الثلاث المتحكمة فى شئون المترو (شرطة مترو الأنفاق والشركة المصرية لإدارة وتشغيل مترو الأنفاق وشركة G4S الخاصة بالأمن).

وأعلن عضو حركة «بصمة» عبدالفتاح محمود، عن تشكيل فريق يضم 15 شابا وفتاة من الحملة وحوالى 40 متطوعا لمواجهة المتحرشين فى محطات المترو وأهمها «الشهداء»، و«العتبة»، و«السادات»، وبالقرب ماكينات التذاكر.

وأضاف: «تم الاتفاق على إبلاغ شرطة المترو بحالات التحرش للتعامل معها والقبض على المتحرش واتخاذ اللازم ضده».


وبكدا نرفع شعار «من حق المصرية تعيِّد بحرية» .




2 
aboalhob

والله نسأل الله العزيز ان التحرش يتمنع خالص من مصر

بس الأول المفروض نقول لبناتنا يا جماعة الخير ,,,, ألبسوا حمش شويه وبلاش تجننوا الشباب في الشارع

لان الشاب من دول بيتفرج على التلفزيون وبيشوف الحريم عامل ف نفسه ايه .. وبعدين ينزل الشارع بالتالي تعبان يا عيني من اللي شافه

أكـــــــــــــــــيد المؤدب هيتحرش بلسانه على الأقل ..
يبأه بالذمه و الدين مين ياللي المفروض يدعو نفسه للألتزام قبل ما يطالب بمنع التحرش ؟؟؟؟؟؟؟؟؟؟؟؟؟؟؟


اتكلموا صح يا جمــــــــــــــــــــــــــــاعه !!!!




3 
Ma Ged

انا معاك اني ف بنات بيلبسوا لبس غريب و مستفز .. بس ده مش مبرر ان حد يتحرش بيهم .. و يجيب اللوم ع البنت ،، المهم دينك بيقولك ايه ..؟؟

ومفيش بردو اتنين بيختلفوا ع ان المتحرش دا حيوان ومحدش بيختلف بردو ان البنت اللي تروح الكورنيش او الاماكن اللي معروف بيحصل فيها كدا هي مش صاينة نفسها

واللي مختلف معايا هو حر !!



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.