العودة   منتديات المصطبة > الأقسام العامة > الترحيب والتهانى

الترحيب والتهانى منتدى الترحيب بالأعضــاء الجدد والإهداءات ومشاركـة الأعضــاء فى المناسبـــات


1 
محب الجنة

بسم الله الرحمن الرحيم
والصلاة والسلام على اشرف المرسلين
سيدنا محمد وعلى اله وصحبه اجمعين

أخي الكريم / أختي الكريمة


يارب تكونو كلكوا بخير وفي طاعة وسعادة دايما ورضى من ربنا لا يزول

عايزين نتكلم في موضوع كده مع بعض

من باب" وذكر فان الذكري تنفع المؤمنين "



احنا جايين هنا ليه ؟؟


جايين المنتدى ليه ؟؟


وفي
منا اللي واخد من وقت امور تانية في حياته عشان المنتدى


وفي برده اللي بيقضي ادامه ساعات طويلة




اكيد كلنا عارفين ، ان بعض الامور في حياتنا لما بنتعود عليها ساعات ببنسى نيتنا فيها ، وبنحتاج تذكرة عشان تفضل جوانا مفهوم العادات اللي حولناها لعبادات وطاعات


مش داخل المنتدى اقول جزاكم الله خيرا
واعمل اكثر من مواضيع بها مشاركات وردود

من الاخر كده

:::::: النية ::::::

ايه اخبار نوايانا في دخول المنتدى؟؟ وفي تواجدنا عالنت من اساسه ؟


كلنا عارفين الحديث للحبيب صلى الله عليه وسلم عندما قال " انما الاعمال بالنيات ، وإنما لكل امرئ ما نوى "


وفي تفسير العلماء والمشايخ للحديث


قالوا ان الحديث ده هو ميزان الاعمال الباطنة ، ويعتبر نصف العبادات


اد ايه النية في العمل مهمة ، وتعتبر مقياس للعمل


عشان كده


النية الصالحة وحدها تقدر تحول العمل من واجب أو مندوب أو مباح إلى عبادة وطاعة


فنوايانا تشكل اعمالنا وتوجهها ، لان نيتي في العمل هي اللي بتنبهني ايه مسموح بيه وايه مش مسموح بيه اثناء قيامي بالعمل ده


بمعنى اننا نقدر نعتبر النية هي" البوصلة " اللي بتحدد اتجاه العمل من كونه عادة او روتين او كونه طاعة او عبادة



يعني من غيرها يتوووووووه العمل وسط زحمة المشاغل وتدافع الاعمال الاخرى



ولان النية هي اول خطوة نحو الاخلاااااااااااص لله ، اللي كلنا احنا واللي سبقونا واللي جايين بعدنا بنعيش عمرنا كله ندعي ربنا يرزقنا الاخلاص ويجعل اعمالنا خالصه ابتغاء مرضاته

وقال عليه الصلاة والسلام: ((إن العبد ليعمل أعمالا حسنة فتصعد الملائكة في صحف مختمة فتلقى بين يدي الله فيقول: ألقوا هذه الصحيفة فإنه لم يرد بما فيها وجهي))
البخارى



يا اللـــــــــــــــــــــــــــــه


للدرجة دي النية تحدد هدف العمل ودرجة اخلاصه


ده مش كده بس ، كمان بعض اهل العلم قالو عن النية ، انها روح العمل


وقيل عنها في بعض المواضع ، ان كما الدعاء هو مخ العبادة ، فالنية هي مخ العمل



وقال بعض السلف : " رُبّ عمل صغير تعظمه النية ، وربّ عمل كبير تصغره النية" .


وعن يحيى بن أبي كثير : " تعلمواالنية ، فإنها أبلغ من العمل "


واكيييييييد كلنا بنتمنى تبقي حياتنا لله بجد ، وعشان ده يحصل


ركن اساسي فيه النية اللي بناخدها قبل كل عمل نعمله



انا وغيري بناكل وبنشرب كل يوم ، لكن مش انا وغيري بناخد اجر على الاكل والشرب


ومش بس كده ، ده انا وغيري مش بناخد حتى نفس الاجر ، يعني بدرجات متفاوتة



وكل ده بتحدده النية ودرجة الاخلاص



"
قل إن صلاتي ونسكي ومحياي ومماتي لله رب العالمين، لا شريك له، وبذلك أمرت وأنا أول المسلمين "


ويكفي نعرف ، انه سيدنا ابو بكر الصديق رضى الله عنه ، كان تاااااجرا للنوايا


وفي بعض الاعمال البسيطة جدا ، كان بياخذ لها اكتر من 80 نية


::::::::: ارتباط النية بلذة وروحانية العمل :::::::::::


انظر إلى عملك هل ما زلت تشعر بلذته كما حين شرعت فيه ؟أم أنه صار آليا بلا طعم؟


ورغم ان النية هي ميزان الاعمال ، ساعات لما بنفقد احساسنا بالروحانيات اللي في اعمالنا وعباداتنا بننسى انه ممكن يكون النية ونسيانها عليه عامل كبير في ده


اصلها سهل تتنسي ، احنا دايما مشغولين وورانا بدل الحاجة عشرة



لـــــــــــــــــكن

اللي يفرق صحبتنا الصالحة

اللي دايما لازم تكون هي اللي تنبهنا للامور دي


:::::::: ارتباط النية بالهمة ومدى علوها او انخفاضها ::::::::

ايوووووه ، النية هي اللي بتحدد همتك للعمل شكلها ايه


مش النية محلها القلب ؟؟ ، تمام كده


والهمة اللي هي الاستعداد للتضحية والتحرك في عمل معين


والنية هي اللي بتخلق جوانا مدى اهمية العمل ده لينا ، لانه اكيد لما اعرف ان حضوري المحاضرات مثلا ، مجرد دراسة عشان انجح واخد شهادة واشتغل


يختلف كتيييييير جدا ، عن لما اعرف انه حضوري المحاضرة ، اسمه طلب علم ، وانه الملايكة تضع اجنحتها لطالب العلم وتستغفر له المخلوقات


كل ده بيحدده النية ، وبالتالي الهمة اساسها النية



اما الهمة بقى واهميتها قال ابن القيم عنها

" لذة كل احد على حسب قدره وهمته وشرف نفسه "


اكيييييييييد مش معقول بعد ما نعرف قيمة النية ، اثرها وقدرتها على هدم العمل من اساسه لو كانت غير صالحة ، وقدرتها في نفس الوقت على رفع العمل الى اعلى المراتب لو كانت صالحة


مش ممكن نهملها او نسيب نفسنا ننساها


وعشان يبقي كلامنا عملي


ومش كلام بنقوله وننساه


هنجمع هنا مع بعض نوايا دخول المنتدى

وكل حد فينا عنده نية يقولها لنا

وياريت يبقي دايما اول توبيك ندخله مع دخولنا المنتدى التوبيك ده


مش لازم نشارك بس نذكر نفسنا


وهستاذنكم ابدأ


اشهد الله وملائكته ، واخواني واخواتي من اعضاء المنتدى ، اني اجدد نيتي بين ايديكم يا صحبة الخير ، واسالكم الدعاء لنا جميعا بان يذكرنا الله بها كلما نسيناها
اسئل الله لكم جميعا الهداية والنور والصحبة الصالحة




2 
محب الجنة

ومن النوايا الي ممكن ينويها الشخص الداخل للمنتدى :
1- خدمة الاسلام ولو بشيء بسيط من خلال موضوع انزلته
2-الرد ع المواضيع يكون بنية ادخال السرور ع قلب مسلم
3 - الترويح على النفس بعض الشيئ و دوما في إطارا يرضي الله و رسوله
4 - التفتح على بعض المستجدات يمكن ان تغيب علينا
5 - المحافظه على البيت الذي جمعنا على الخير الا وهو المصطبة
6- يعنى مثلا نرد فى الموضيع كلها..
7-نحاول نكتر من مواضيع تفيد كل الاعضاء فى جميع الاقسام .
8- نتعامل بروح اسره واحده بجد.
9- ننسا كل اللى فات بينا وبين بعض مهما كان .
10-نكمل بيتنا الجميل بالوفاء والحب والتعاون الاسرى .
11- نعمل جديد يرفع من شأن بيتنا.
مش هكتر عليكم اكتر من كده بس بجد انا بتمنى كل خير لكل اعضاء واداره وامشرفين ومراقبيين منتدايا الغالى المصطبة وبتمنى ان يحظى بأجمل صحبه واجمل اسره دائما من الافضل للافضل.



Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.