العودة   منتديات المصطبة > الأقسام الترفيهية > المهيسون فى الأرض

المهيسون فى الأرض إفتكاسات وتهييس "بدون زعل"، شوية فرفشة على شوية نكت على مقالب مضحكة

مشرف راح يخطب

كاتب الموضوع: Mofeed، فى قسم: المهيسون فى الأرض


1 
Mofeed

الحوار بالمصـــرى

"مشرف راح يخطب"


- منور يا ابنى

- ده نورك يا عمى

- اشرب النعناع اللى انت عاوزه

- ميرسى

- كنت عاوزنى فى ايه بئى؟

- يا عمى انا يسعدنى ويشرفنى انى اتقدم واطلب ايد بنتك سوسو

- والله يا محمد ياابنى ده انا اتشرف بس انا معرفش حاجه عنك

- ازاى يا عمى؟ انت مش بتدخل على النت؟ دى قايمه بكل اسماء المواقع اللى انا فيها ممكن حضرتك تسال عنى



- يعنى اسال عليك فى الاماكن دى؟

- طبعا وانا معروف جدا هناك ودى مبتكذبش اسال بس عن تملى معاك

- مين؟

- تملى معاك ........ انا.... ده مفيش حد على النت ميعرفنيش

- طب ياابنى شغلتك ايه؟

- يا عمى انا مشرف

- ايوه يعنى بتشتغل ايه؟

- مشرف قد الدنيا فى قسم (يعنى يا عمى رئيس قسم)انت فاهمنى ؟

- والله كويس جدا كمبيوتر يعنى

- تقدر تقول كده

- طيب حلو اوى مهندس كمبيوتر شغلانه مشرفه طب ماقلتش ليه كده من الاول؟

- اصلى مش مهندس اصلا انا محاسب

- الله .............طب ما علينا بتشتغل فين؟

- على الكمبيوتر بتاعى

- ايوه يعنى فى شركة ايه؟

- لا تبع نفسى

- وماله الشغل الحر مفيش احسن منه طيب شركتك فين ولا فاتح محل؟

- لا فى البيت عندى عادى

- طيب بتقبض كام؟

- لا يا عمى انا مش بقبض انا بتعامل بالموقع مع كل واحد لوحده يعنى مفيش اسعار ثابته

- طب اخر موقع اخدت فيه كام؟

- لا اخر موقع ده كان لواحد صاحبى دخلت فيه مشرف مجامله

- لا حول ولا قوة الا بالله............ طيب معندكش اى املاك اراضى عمارات اى حاجه يعنى؟

- اه طبعا عندى

- ايوه .......... عندك ايه؟

- منتدى يا عمى

- ده ايه ده بئى ان شاء الله؟

- ده برده على النت بس عندى فيه دلوقتى عشرين الف عضو يا عمى

لا مش بيدفعوا ده انا اللى نفسى ادى الناس فلوس عشان تشترك

- لا حول ولا قوة الا بالله طب ليه ياابنى الغرامه دى وعامله ليه؟

- منا هكسب من الاعلانات يا عمى انت مش معايا ولا ايه؟

- حلو اوى المنتدى بتاعك ده يشيل كام اعلان؟

- ممكن لحد عشرين

- طب وبعت الواحد بكام؟

- لا لسه محدش اعلن عندى لسه

- طب ياابنى عايش منين ولا بتصرف منين ولا حتى هتعيش بنتى منين؟

- منين ايه بس يا عمى ده انا معايا فيزا محدش فى كفر البطيخ عاملها

- ياابنى فيزا ايه بس بقولك هتجيب فلوس منين؟

- من شغلتى والمواقع اللى انا بشرف فيها

- وهى فين دى؟

- منا مديلك لسته بيها هنستعبط؟

- لا ياابنى انا مجوزش بنتى لواحد شغلته فى الهوا كده

- هوا ايه بس يا عمى كل المواقع دى على هوستات وواخده رانك كمان انت عارف انا فى خلال سنتين بس

- وله>>> يعنى ياواد انتة خخخ

- نعم

- انت عارف لو غمضت عينى وفتحتها ولقيتك قدامى هعمل فيك ايه؟

- ايه؟

- امشى اخرج بره

"يخرج تملى بره جرى"

- ادى يا ست سوسو جايبالى واحد نصاب والله لاكسرلك الكمبيوتر اللى انتى قاعدالى عليه ليل نهار ده وهتتجوزى الواد حسن النجار اهو واد كسيب واحنا عارفين دكانه فين وبيكسب كام وعايش منين..........عيال نصابه




4 
الرومانسيه الحزينه

هههههههههههههههههههههههههه

لا حول ولا قوه الا بالله
الراجل عنده حق



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.