العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

لما تحب حد حبه زى ما هو

كاتب الموضوع: غــنـــــوه حزيــــــــنه، فى قسم: منتدى النقاش الجاد


1 
غــنـــــوه حزيــــــــنه

لما تحب حد حبه زى ما هو
كله على بعضه بكل تفاصيله
وحياته وروحه
انت مش بتعمل انسان جديد على ايدك
مش هينفع تغير روحه
...
وتغير تفكيره واقتناعاته وعاداته
ازاى اصلا حد يقدر يحب
وهو جواه مخنوق
مخنوق بتصرفات معينه
مجبر عليها
علشان خاطر اللى بيحبه
ده مش حب
ده تغيير للإنسانيه
وكبت لطاقه الروح
الروح لازم تننفس علشان تعيش
وهواء الروح هو الحب
الحب هو ان اتنين يعيشو الدنيا الكبيره الحلوه سوا
ويقسمو الهم والوجع سوا
بس الاولويه للحاجات الحلوه
انهم يكونو بيفهمو بعض من غير ما يتكلمو
متواصلين روحيا وفكريا
روحهم بتحب بعض
مش بس القلب والعقل
طاقه الحب دى رهيبه
مينفعش نكتمها
والا هتنفجر فينا
وساعتها مش هنعرف نحب
اى حد
ولا اى حاجه
وهنخسر احلى احساس
لازم نحافظ عليه
إكنس اى ذكريات وحشه
ومشاعر سلبيه
وكره
وحقد
وسوء نيه
من قلبك وروحك وعقلك
عيش بروح نضيفه
عيش الحياه صح
وأدى دورك المطلوب منك فى الكون
بس أديه ب حب
مش وانت مخنوق
لأنك كده كده
عايش
حب كل الناس
وكل الحاجات
لأنها بتحس بيك
واهم من كل ده
حِب نفسك
ومتقللش من انسانيتها
لانك تستحق كتير


"





2 
ملكة بكبريائى

توبيك ميه ميه ياندوش

ومعاكى حق الى يحب حد اصلا مش بيشوف عيوبه وبتبقى على قلبه زى العسل
ولو قدريحاول يغيرها مش بيكرهها فيه وبيدور على المميزات ويسيب العيوب
او يحاول يتلاشاها ويتجاوب معاها ويتأقلم معاها
لان فعلا يوم ما نحب شخص هنحبه زى ما هو
هو دا معنى الحب


5 
غــنـــــوه حزيــــــــنه

اقتباس: المشاركة الأصلية كتبت بواسطة ملكة بكبريائى  مشاهدة المشاركة
توبيك ميه ميه ياندوش

ومعاكى حق الى يحب حد اصلا مش بيشوف عيوبه وبتبقى على قلبه زى العسل
ولو قدريحاول يغيرها مش بيكرهها فيه وبيدور على المميزات ويسيب العيوب
او يحاول يتلاشاها ويتجاوب معاها ويتأقلم معاها
لان فعلا يوم ما نحب شخص هنحبه زى ما هو
هو دا معنى الحب

ميرســـــــــــــى ليكِ



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.