العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

ليه مش عارفه ???? يمكن انتو تعرفو

كاتب الموضوع: غــنـــــوه حزيــــــــنه، فى قسم: منتدى النقاش الجاد


1 
غــنـــــوه حزيــــــــنه

السلام عليكم ورحمة الله وبركاته
ــــــــــــــــــــــــ
معلش ف الاول استحملونى علشان بجد
الموضوع بيعصــب
ـ

انا مش عارفه ليه
هو الحياه غريبة ولا انا الى غريبه ؟؟؟

هو الشعارات والمسلسلات والافلام والقصص والاساطير الى بتحكى عن انك تقدر تغير مصيرك وان بالاراده تحقق المعجزات حقيقه ام خيال

هو الحب انعدم فى الدنيا ولا احنا الى مش عارفين نحب لا عرفين نحب ربنا ولا نحب حبيبنا ولا نحب بعضنا ولا نحب حتى نفسنا

هو احنا صح ولا غلط ؟؟؟؟

طيب نستسلم للحياه ونعشها زى ما اتفرضت علينا ولا نحاول نغيرها زى ما فى الافلام والقصص الخياليه ولا الاحسن اننا نعيش الوهم ونعيس حياتنا فى الاحلام

على فكره انا مش كاتبه موضوع على المنتدى مجرد موضوع ازود بيه عدد مشاركاتى ولا علشان يكون موضوع مميز

انا بكتب دلوقتى علشان هى دية الوسيله الوحيدة الى قدامى اطلع بيها الى حاسس بيه



عارفين سعات بحس ان انا تفكيرى غريب عن كل البشر ومش عارفه ان كنت صح ولا لا

بس انا عاوزه اسأل كل واحد/هـ انت سعيد ؟؟؟

حاسين بالسعادة ولا واهم نفسك بيها ؟؟ ولا مش عايشها اصلا وايه هو طريقك للسعاده ....

عاوزهـ اسمع مش عاوزه كله يقولى مشكور ندى... فعلا عندك حق... نايس توبك.... تقبل مرورى لالالالالالالالالا

انا عاوزهـ اسمع بجد أنتو حاسين بايه دلوقتى اكيد بتقولو فيه ايه هو انت اتجنيت النهردة ولا ايه ما كنت كويسه انا عن نفسى مش عارفه كتبت الموضوع ده ليه

يمكن علشان افضفض معاكم او علشان اسمع رأيكم ولايمكن

علشان لسه فايقه من صدمه كبيره وزى مايكون كنت واخده بنيج ..


بس بجد مليت ترانى مليت وايد
ليه مش عارفه ???? يمكن انتو تعرفو s13.gifليه مش عارفه ???? يمكن انتو تعرفو s13.gif

مليت من الحياه الى الايام شبه بعضها مليت من الروتين من حتى العجز عن التغيير مليت واتخنقت بس اكيد مش بكتب الموضوع علشان اخنقكم معايا

عارفين ديما كنت بنظر الى البحر فأتزكر الحياه فهى تشبهه كثيرا ونحن فى وسط هاذا البحر وقد انطلقنا من شطأنه كل فى طريقه لا نرى له نهايه ولا نعرف اى طريق نختار

ودائما ما نتسال الى اى اتجاه نسلك الى اى وقت نمضى الى اين تأخذنا الامواج الى اي شاطئ قد نرسى يوما بعد عناء سفر

بس عاوزه اعرف بس من كل واحد/هـ فيكم واقله انت ماسك /هـ مقاديف مركبك فى بحر الحياه وبتقدف بيها فى طريقك ولا مسكهم ومش عارف /هـ تقدف

ولا اساسا مش معاك مقاديف وسايب مركبك تخبطه امواج الزمن فى بحر الحياه

يمكن اكون خنقت بعضكم بالكلام يمكن تكونو مش حاسين بالموضوع ويمكن تكونو حاسين انى بتكلم عنكم ولكل شخص راى

بس انا حبيت افضفض معاكم وعاوزه اسمعكم

طولت عليكم بس مش لاقيه حد اتكلم معاه غيركم

ومستنيــه ردودكم




2 
ابو الوليد النبوى

بصى يا غنوه كل شىء ممكن بحب ربنا وطاعته
وارادتنا القويه
انا فى شهر رمضان اللى فات
خسرت اربعين الف جنيه وشركائى طابونى ان هما يخرجو من الشركه لانى انا اللى بدير كل حاجه وطالبين منى فلوس ما يقارب 200اف جنيه وعليه مديونيات لتجار بحوالى 28 الف جنيه
وكلهم معاهم وصولات امانه
امبارح رحوت الموسكى والعتبه علشان ابيع منتجاتى بخساره والحمد لله
محدش اشترى حاجه
صحيح زعلت
بس علشان عندى اراده قاعد دلوقتى معاكم اتكلم واضحك علشان اعرف احل مشاكلى بكره
وانا فى تالته اعدادى بعد ما نجحت قررت انى ادخ ثانوى فنى علشان المصاريف متبقاش كتير على ابويا وانا فى اولى ثانوى ابويا مات
ساعتها فكرت ان الحياه وقفت
هصرف منين
هدرس ازاى
هتجوز ازاى
هفتح المشروع اللى كان نفسى فيه ازاى
المهم المعاشات صرفولى الف جنيه جبت ب500 منهم مصاحف واشرطه صدقه لابويا
و500 التانيين اشتريت اسدالات زبونه اشترت منى جابتى زبونه تانيه وتالته وعاشره وميه
كنت بروح السوق افرش على الارض جنب بياع خيار فارش اسدالات وعلشان عندى اراده انى ازاكر وانجح
كنت باخد كتبى ومذكراتى معايا واذاكر فى السوق
وطلعت من الاوائل
كان نفسى اكمل بس اخترت طريق تانى وهو
انى اتجوزت وفتحت محل مع اصحابى واتوظفت فى شركة الكهربا وناوى انى اكم تعليمى وادخل كلية هندسه
وكل ده علشان عندى اراده
كل شىء ممكن بالاراده
شكرا


3 
سيمو

انت عندك احساس مخنوقه منه يمكن من مشكله او ظرف معين حسيتى ان الطريق فيه مغلق
بس الحياه عاديه وابسط شئ فى الحياة لما يكون عندك مشكله كبيره مخنوقه منها وملهاش حل
تحس ان الحال اتعقد معااك بالعكس اعرفى ان الفرج قريب واحسن مما تتخيلى كماان
علشان تحلى مشاكلك ارضى ربك واهلك وامشى فى طريقك اللى تقدرى تعمليه ربنا هيوفقك فيه ان شاء الله
واللى متقدريش عليه عاادى مكتوبلك احسن منه

ربنا يوفقك


4 
أحبُكَ ربى

قال الله تعالى :

" وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى
"

صدق الله العظيم



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.