العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
M!ss KarTha

السلام عليكم ورحمة الله

"العيب عليه أصله مدبحلهاش القطة"

كلمه بنسمعها كتير خاصة من العجائز من النساء
حينما تري زوجه متسلطة تكاد تكون مسيطرة علي زوجها

والغلبان يا عيني لا حول له ولا قوة !!!!!!!!

أصل المقوله ديه يرجع الي عادة كانت منتشرة

قديما بين رجال مصر هي أن يحضر الرجل قطة

ويجهزها ويضعها في غرفة النوم,, وفي ليلة الدخله

يدبح القطة المسكينة قدام عين مراته قال يعني عشان يبرهنلها علي

مدي شجاعته التي ليس لها حدود ..(بيتشطر ع القطة يعني)...

بس صراحة كانت بتجيب نتيجة وأدينا كلنا شوفنا

بين القصرين (الفيلم اللي بسببه لسه الرجاله رافعة راسهه لغاية دلوقت ههههههههههه)

"ايه اللي حصلك يا أمينهههه"

"السوارس خبطتني يا سي السيد"

لكن دلوقتي الراجل بقي هوه القطه (الا ما رحم ربي !!!!!!!!!!)

"أحمد, الساعة بقت سابعة قوم يللا حضر الفطارعلي ما آخد الشاور"

"حاضر يا حبيبتي , خلاص بنشر آخر حتة وجاي"

بعد الشاور" أحمد, أنا نازلة الشغل , بليز بلاش آجي من الشغل الاقيك لسه مطبختش,,

وباقي شغلك في البيت بقة انته عارفه,,, باي يا ولاد"

طبعا مقدرش أقوول ان رجالة زمان كلهم كانوا زي سي السيد
ولا أقدر اقول بردو ان رجالة النهارده كلهم زي أحمد
بس احنا بنتكلم علي الغالب......

في النهاية يا ريت كل واحد يخش ويقول مين من الزمنين

كان أحسن,,, وياريت البنات بالذات تقول تحب مين أكتر

سي السيد الراجل المنغلق الرجعي بس (راجل)

وللا أحمد المنفتح التقدمي اللي سبور بس (قطة)

مستنيه آراءكم!!!!!!!!!!!!!!!!!!!!!




2 
وعد الغرام

خـــــــــــير الامور الوسط

وبعدين يعنى هوه هيجيبلى قطه ويدبحها انا هشرب دمها
ههههههههههه


نتكلم جد

خير الامور الوسط بمـــعنى
ان مش لازم يكون سى السيد لى مش هتكلم جنبه نص كلمه بدون استأذان
بغض النظر ان مبقاش فى واحده ترضى تعيش كده
البنات بقم متعلمين

يعنى انا عن نفسى لو هعيش بلوضع ده هقول بناقص الجواز انا عايشه بكرامتى
اتجوز ليه واحس انى متكهربه بواحد عايشه معاه طول الوقت

اعيش معاه يعنى احسن بأمان وهدوء
مش احس طول الوقت بتوتر وخوف منه او من انى اتكلم معاه

يعنى انا رافضه فكره بين القصرين ده


الواد التانى ده طبعا مرفوض بدون تبريرات

الوسط بقى ان يكون محترم ويجبر لى معاه بأسلوبه انها تحترمه وهوه يحترمها
يسمحلها بلكلام وانه يسمع رأيها ويتناقشوا مع بعض

لو هيساعدها ف البيت ف حاجه يبقى من باب حب التعاون او ان يكون عنده نظر وشافها تعبت يساعدها شويه

ومش عيب ابدا انها تشتغل وهوه كمان يكون بيشتغل
بس مسؤليه البيت بلاغلب بتكون ع الزوجه
يعنى هوه لى يرجع من شغله يلاقى الاكل جاهز

يعنى البيت بيبقوا هما الاتنين مشتركين فــ وججوده
مش هوه لى عمله وهيه الخدامه لى فيه

نااايس

ميرسى...


3 
S α ү з D

ممممممممممممممممم

بصراحه احمد الجميل ده مشوفتهوش يمكن موجود او يمكن بتسمعوا عنه من حد مثلا

ممكن موجود بس مش بالدرجة اللى استفزت اهلى دى

اولا الوساطه كويسه لكن مش × كل حاجه

انا بطبعى راجل ولما هتعامل هيكون بالاسلوب ده

فـ اى حاجه

حب , غيرة , تفاهم , عصبيه ونرفزة , تربية , للآخر بقى

يعنى انا لو قومت × يوم مثلا وحضرت لمراتى الفطار ابقى كده زى العسل اللى فوق ده

بالعكس انا بعملها من باب الحب والتقدير

انها تعبانه وانى لازم اشاركها

مش تقليل من شخصيتى او رجولتى × حاجه لا طبعا

دى لما هتشوف كده هتحترمنى وهتحبنى جدا

واجيبلها الفطار كمان × السرير لو حكمت

هساعد اه بس [ متركبش وتدلدل رجليها ]

ساعتها هتشوف اللى عمرها ما شافته

ليها رأيها اللى لازم احترمه واقدره ( من باب الحب )

لينا نقاش والنقاش بيعتمد على التفاهم

لو موضوع انا اخدت قرار فيه قبل ما نتناقش هعرفها وجهة نظرى ايه

وهعرف اقنعها مش بفرض رأى وسيطرة لا بنقاش بردو

ولما يكون وجهة نظرها صح هقبلها بصدر رحب وابتسامه كمان

لازم تراعى انى راجل والرجال قوامون على النساء

مش الحلوة اللى فوق والعسل بتاعها

قوامون بالتفاهم والقوة وبالحب والحنيه وكل حاجه تتخيلوها

لكن مش بالضرب وفرض السيطرة والرأى وهيا [ فردة شراب ]

لا احنا هنتشارك

وهتكون حياة لازم تبقى مبنية ÷ الاحترام

الواد اللى فوق ده مستفز اهلى اوووووووووووووووى

شكرا


4 
s ! l e n c e

انا شايف ان احمد افضل من سيد لانه متقدم وغير راجعي وفي نفس الوقت ميعتبرش قطة اذا كانت زوجته تعمل وتخدم مجتمعها وهو يشاركها .. بدليل ان سيدنما محمد (ص) كان يشارك عائشه في الاعمال المنزليه
زمن سي السيد هو الي صور لنا زمن احمد اهانه واساءة للرجل لانه مسبقاً واذا جاء زمن احمد قبل زمن سي السيد كان صوره لنا في قمة التخلف



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.