العودة   منتديات المصطبة > الأقسام العامة > منتدى المواضيع العامة

منتدى المواضيع العامة أهم المواضيع والقضايا العامة التى تشغل الرأى وتهدف إلى نشر الفائدة للجميع


1 
روفان




الشبوكشي للإنتاج السينمائي almstba.com_1351707337_309.gif

الشبوكشي للإنتاج السينمائي almstba.com_1351707339_387.gif

الشبُوكشي للإنتاج السينمائي !!


الشبوكشي للإنتاج السينمائي almstba.com_1351707311_433.png


التوبيك دا عجبني جدا وحبيت اعرضوا ونتناقش فيه

الشبوكشي للإنتاج السينمائي almstba.com_1351707339_472.gif


مَنْ منّا لا يعرف الشبوكشي المُنتج السينمائي الكبير .. رجُل الفضيله والشرف والأخلاق , النيل رواه .. الخير جواه .. ومصر كلها معاه الشبوكشي للإنتاج السينمائي almstba.com_1351707344_775.gif المساهم الأكبر في توعية شباب مِصر والحفاظ علي أخلاقهم من الضياع , لقد كِدنا ننحرف ولكـن بفضل الله ثـُم الشبوكشي تغيّر حالنا وأصبحنا .. زي الفل - ميّه ميّه - ملوخيه بالأرانب
الشبوكشي للإنتاج السينمائي almstba.com_1351707341_917.jpg
(صوره للشبوكشي لحظـة تفكير وتركيز عميقه )

الشبـوكشي رجـل ناجح , لا يُضيع وقتـه كثيراً .. كل دقيقه بالنسبه لهُ تساوي المال .. كل ثانيه يستفيد منها في جني المال , والشبوكشي ايضاً يعمل في أكثر من مجال , وهو أول مُخترع لـ " استخراج الراقصات " ذلك الإختراع الذي فاز عن طريقه بكثير من الأموال .. فما هـو " استخراج الراقصات ؟ , وكيف يستفيد منه السبـ .. قصدي الشبوكشي الشبوكشي للإنتاج السينمائي almstba.com_1351707344_893.gif

الشبوكشي للإنتاج السينمائي almstba.com_1351707339_142.gif

,, إستخراج الراقصات ،،

إستخراج الراقصات لا يختلف كثيراً عن إستخراج البترول , فكما يقـوم مُهندس البترول بإستخراج البترول يقوم الشبُوكشي أفندي بإستخراج الراقصات وإنتشالهم وإظهارهم في الفيلم , اياً كانت فكره الفيلم , وإليكم شرح بالتفصيل ..

مثال رقم 1 :
الشبوكشي للإنتاج السينمائي almstba.com_1351707341_721.jpg

فيلم عن الطبقه الفقيره وناس طالع عينهم في المُجتمع ومش لاقيين فلوس والكلام اللي إحنا عارفينه ده , طيب إزاي الشبوكشي هيقدر يربط الرقص بالفيلم ده ؟

ببساطه هيخلي بنت جميله من الطبقه الفقيره تلجأ أنها تشتغل رقّاصه عشان تصرف علي أهلها , وبالتالي نجح الشبوكشي بذكاءه وعبقريته إنه يدخل الرقص في فيلم ملوش أي علاقه بالرقص ويستخرج راقصه من هذا الفيلم !! ..


مثال رقم 2 :
الشبوكشي للإنتاج السينمائي almstba.com_1351707341_721.jpg

هنفرض أن الشبوكشي عامل فيلم عن الطبقه الغنيه ! .. أظـن بقي مستحيل يطلّع رقاصه من الطبقه الغنيه .. صح ؟! .. لا مش صح , الشبوكشي هيخلي واحده جميله من الطبقه الغنيه تتخذ الرقص كهوايه هي بتحبها مش مصدر للفلوس ! .. أو ممكن يخلي البنت تنفصل عن أهلها الأغنياء وتحتاج للفلوس وتشتغل رقاصه , أو ممكن البوي فريند الصايع قليل الأدب بتاعها يجبرها تشتغل رقاصه .. وبالتالي نجح الشبوكشي يستخرج راقصه من الطبقه الغنيه !

مثال رقم 3 :
الشبوكشي للإنتاج السينمائي almstba.com_1351707341_721.jpg

فيلم عن دار مسنين الشبوكشي للإنتاج السينمائي almstba.com_1351707343_395.gif ..

انت بتقول في سرّك : مستحيل يطلع رقاصه من دار مسنين ! .. إزاي اصلاً هيعمل كـده ! .. مستحيل طبعاً .
انا بقولك : يبقي إنت متعرفش الشبوكشي , الشبوكشي يا حبيبي عنده حل لكل مشكله .
الشبوكشي هيخلي واحده عجوزه من دار المسنين تشتاق لأيام الشباب والرشاقه والحيويه , وبالتالي هتحاول ترقص وهتحاول تشتغل رقاصه عشان تثبت للعالم كله إنها لسا في عزّ شبابها ,
يا سلام عليك يا شبوكشي .. عبقري من يومـك .
الشبوكشي للإنتاج السينمائي almstba.com_1351707339_142.gif

أنواع أفلام الشبوكشي ؟
الشبوكشي للإنتاج السينمائي almstba.com_1351707334_105.png
الشبوكشي بيقدم كل أنواع الأفلام :-
أكشن : الراقصه تتخطف
كوميدي : الراقصه تسقط أثناء الرقص
دراما : رحله الوصول للكباريه ( قصدي قصتها وهي صغيره وإزاي أصبحت رقاصه ووصلت لطريق المجد )
رعب : الرقاصه تطلع راجل متنكر
غموض : الراقصه ترقص طول الفيلم بقناع وتكشف عن شخصيتها في النهايه
مغامرات : الراقصه تنتقل من كباريه لكباريه آخر .

الشبوكشي للإنتاج السينمائي almstba.com_1351707339_142.gif
نـحـن نعترض !
الشبوكشي للإنتاج السينمائي almstba.com_1351707336_849.png

عايز أتكلم بجد شويه وبعدين نرجع نهزر تاني ,
انا تعبت من كثرة الإعتراضات اللي شوفتها علي " فيسبوك " و "تويتر" وحتي في بعض البرامج التلفزيونيه وأراء الجماهير معظم الناس مُعترضه علي الأفلام دي , بس اللي مش قادر أفهمه .. لما الكل مُعترض .. أمال الأفلام دي بتحقق أرباح إزاي و ومين اللي بيخش يتفرج عليها لما الكل مُعترض ؟ ,وبفرض اننا قدرنا نفسر المشكله دي , هل الناس أصبحت تافهه لدرجة إنها تخش أفلام زي أفلام الشبوكشي وتهتم أنها تضيع ساعه أو ساعتين من وقتهم علي قلة أدب وتفاهه زي دي , أمال فين الشعارات اللي دماغنا صدعت منها .. " الشعب قبل الثوره غير الشعب بعد الثوره " .. " مش هنسمح لحد يستغلنا أو يضحك علينا " .. الشبوكشي للإنتاج السينمائي almstba.com_1351707343_256.gif



الشبوكشي للإنتاج السينمائي almstba.com_1351707339_142.gif

لقاء حصري .. مع الشبوكشي
الشبوكشي للإنتاج السينمائي almstba.com_1351707333_612.png

هولمز : مساء الخير استاذ شبوكشي , صاحب شركة الشبوكشي للإنتاج الرقصمائـي قصدي السينمائي !

الشبوكشي : أهلاً يا حبيبي ! .. إزيك ؟ الشبوكشي للإنتاج السينمائي almstba.com_1351707343_256.gif

هولمز : عايز أبدأ معاك بدايه قويه , إيه رأيك في الإنتقادات اللي بيتم توجيهها للأفلام اللي بتنتجها

الشبوكشي : إنتقادات تافهه ولا أساس لها من الصحه , انا نسبة مشاهده أفلامي عاليه جداً الحمد لله

هولمز : مش يمكن عشان اللي بيتفرجوا عليها تافهين زيك وزي أفلامك ؟

الشبوكشي : نعم ياخويا ؟

هولمز : الشبوكشي للإنتاج السينمائي almstba.com_1351707343_716.gif , لمؤخذه .. قصدي مش يمكن عشان بتستخدم الراقصات في أفلامك وده بيجذب طبقه معينه من الناس وبيرفع نسبة مشاهده افلامك .

الشبوكشي : انا مليش دعوه , المهم إني بكسب فلوس وخلاص والناس مبسوطه

هولمز : طيب مش شايف , إن إستخدام الراقصات حرام وكـده ؟ , ولا مش بياكل معاك الكلام ده ؟ الشبوكشي للإنتاج السينمائي almstba.com_1351707342_369.gif

الشبوكشي : دي حرية إبداااع , إيه فهمك إنت ! .. يعني انت هتفهم أكتر من التيارات العلمانيه والليبراليه ؟! ..

هولمز : ومعانا إتصال هاتفي .. صميده عبد الصمد صميده !!

الشبوكشي للإنتاج السينمائي almstba.com_1351707338_530.gif
صميده : الووووو ! .. معايا الإستاذ هولمز ؟ .. انا عايز أقول للشبوكشي إن بركة السبع كلها بتحبّك وكلنا معاك يا شبوكشي وربنا يحميك ويبعد عنك عين الحسود ! .. ( تمام كده يا شبوكشي بيه , هبقي أعدي عليك أخد باقي حسابي )

الشبوكشي للإنتاج السينمائي almstba.com_1351707338_530.gif

الشبوكشي : مش دلوقتي هتفضحني يابن الـ ..

هولمز : ومعانا إتصال تاني ؟ .. أستاذ علاء ؟!


الشبوكشي للإنتاج السينمائي almstba.com_1351707338_530.gif

علاء : بحبك يا سبكي وملكش دعوه بأعداء النجاح ولاد الـ ..

,, وبعد علاء إتصلت ريهام وساره وهاني ومجدي واحمد ومايكل وسامي ومدحت , وكلها مدح في طيب الذكر الأستاذ شبوكشي وكله بحسابه , وسلملي علي الإعلام ! ,,

الشبوكشي للإنتاج السينمائي almstba.com_1351707338_530.gif

هولمز : تحب تقول إيه في نهاية البرنامج

الشبوكشي : حابب أقول ان كل النجاح اللي حققته بفضل الفن الهادف والرساله اللي بقدمها , وحابب أشكر كل راقصه تعبت وسطها معانا الأيام اللي فاتت عشان الأفلام تنجح وتسمّع وتلعلع وتولع . الشبوكشي للإنتاج السينمائي almstba.com_1351707342_224.gif


الشبوكشي للإنتاج السينمائي almstba.com_1351707339_472.gif


كفايا كـده لأن انا قرفان من الشبوكشي أصلاً ! , بس حابب أقول كلمه في الآخر , إن مفيش إنسان فاسد بينجح في البلد دي بدون مساعدة الشعب , مبارك كان سارق وناهب وناجح في فساده لأن الشعب كان ساكت وكلنا كنا مساعدينه , والشبوكشي برده ناجح في أفلامه بسبب إنهزامية الناس وعدم إتخاذها موقف حازم مع الإفلام دي , بالإضافه للناس اللي بتخش وتشوف الأفلام دي وتضيع وقتها , أتمني كل الرغي بتاعي يجي بفايده والناس تحس بالمصيبه اللي ممكن أفلام الشبوكشي تسببها , نسعي للقضاء علي الشبوكشي وكل أمثاله .. الشبوكشي للإنتاج السينمائي almstba.com_1351707342_954.gif

منقول




2 
ابو الوليد النبوى

بس حابب أقول كلمه في الآخر , إن مفيش إنسان فاسد بينجح في البلد دي بدون مساعدة الشعب , مبارك كان سارق وناهب وناجح في فساده لأن الشعب كان ساكت وكلنا كنا مساعدينه , والشبوكشي برده ناجح في أفلامه بسبب إنهزامية الناس وعدم إتخاذها موقف حازم مع الإفلام دي , بالإضافه للناس اللي بتخش وتشوف الأفلام دي وتضيع وقتها
........
ما اجمل هذه الكلمات
موضوع رائع ويعبر عن واقع للاسف نعيشه جميعا


5 
Immigrant

دا انت وقعتك سوده يا شبوكشى
راجعلك تانى
هههههههههههه
بس قبل ما امشى
اقتباس:
انا عايز أقول للشبوكشي إن بركة السبع كلها بتحبّك وكلنا معاك

دى بركة السبع دى منوفيه اوعى تكونى منوفيه يا روفى

انا راجع تانى للرد



Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.