العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

فينا امل والله :)

كاتب الموضوع: ŞëŋdŗĕľД♥، فى قسم: منتدى النقاش الجاد


1 
ŞëŋdŗĕľД♥

مساء الخير :)

حبيت اتكلم معاكو فى موضوع
يتكون من شويه جوانب كده

*الفرانكو
مبحبوش
نفسى اعرف الناس اللى بتتكلم فرانكو
بتتكلم فرانكو ليه؟؟
ياترى عشان تعرف الناس انك مثقف؟
ولا روش؟
ولا عشان ايييييييييييييييييه؟
~..
انا اه ممكن اكتب انجلش
بس متبقاش لغه حوارى
الانجلش لغه عالميه
احنا لغتنا الاولى عربى
الانجلش ده لغه تانيه المفروض :)
..~
سؤال بس
هما الاجانب بيتكلمو مصرى؟
بيقلدونا؟
بياخدو مننا افكار افلام؟
او بيعملو اى حاجه زينا؟
~..
3/4 برامج اختيار الاصوات دلوقتى
بيغنو انجلش بس تقريبا
اكتر المشتركين بيشتركو باغانى اجنبى
ليه؟
مافى اغانى حلوة عربى كتير والله!
~..
الغريب باه ان الفرانكو ده
اخرنا فى التطور :d
اه والله..
للاسف هو ده اللى قدرنا نعمله وناخده من الاجانب!!
حاجه فعلا تدعو للسخريه بجد :(

ع فكره احنا عمرنا ماهنعلى
غير لما نعلى فى نظر نفسنا الاول
مشكله مصر اه الفلوس, البطاله, الفقر, .......
حجات كتير جدااا
بس بجد اهم حاجه هى احنا
احنا محتاجين نحس بكرامتنا شويه :)
العالم موش هيحترمنا
غير اما احنا نحترم ونقدر نفسنا ونقدر بعض الاول
بلاش نتريق ع نفسنا ونحس اننا زباله العالم :(

لاء احنا فينا امل ع فكره :)
بس لازم نعرف ان المشكله عندنا برده
المشكله موش مشكله رئيس فاسد وحكومه فاسده وبس
لاء!
المشكله فـ شعب نسى كرامته ونسى ان ربنا اللى كرمه
مينفعش نهين حاجه ربنا كرمها فى كتابه :)

ياريت يا جماعه نمنع التريقه والسخريه والاساءه لنفسنا ولبلدنا
ع الفيس بوك وفـ المنتديات!

عملنا من نفسنا نكته نضحك عليها ونضحك العالم علينا :(

الموضوع ده مدايقنى اوى بس عشان مطولش اكتر من كده
عاوزاكم انتو اللى تتكلمو باه واعرف اراءكم :)

تصبحو ع خير :)




2 
Abd-ElrhmaN Hassan

فكره جميله اووووي
بس ياريت التقليد علي قد الفرانكو
احنا بنقلد في طريقة الكلام وفي اللبس
وفي التعامل مابينا بقينا زيهم
بس للاسف مبنلقدش الا التفاهات
ياريتنا نقلدهم في دعهم للعلوم والتكنولوجيا والعلماء
ولا ااقلولك ونقلدهم ليه
كل اللي علينا ننفذ دينا زي مالقران والسنه عرفونا
ساعتها هما اللي هيقلدونا
لاننا الاساس
هما خادو مننا وضافوا علينا
بس هما اخدو الحلو اللي فينا
زي العلوم اللي عندنا
احنا اساس التطور اللي موجود حاليا
لان الخوارزمي هو مخترع الارقام اللي هما بيسختدموها دلوقتي
في المعادلات اللي بتوصلهم لتتطور اكتر
وهما مبيكتبوش عربي لاننا مش متقدمين عنهم
يعني احنا اللي بناخد منهم الابحاث يبقي لازم نخدها بلغتهم
اما لو احنا سبقناهم هيطروا انهم يتعلموا لغتنا
اما بالنسبه للامل فينا
فهو موجود فينا ليوم الدين
لان الرسول صل الله عليه وسلم قال (الخير فيا وفي امتي الي يوم الدين) صدق حبيبي صلي الله عليه وسلم


احي حضرتك علي الطرح الرائع
واسف ع الاطاله
تسلم ايديكي
وادام الله ابداعك


3 
s ! l e n c e


من حوالي 10 سنين كان فيه موقعين للشات واحد اسمه 123سات والتاني اسمه تشاتشي، دول سبب انتشار الفرانكو في مصر لان المغرب والجزائر وتونس كانوا بيتكلمو فرانكو فالمصري بيضطر يتعرف عليها لان فيهم ناس متعرفش تكتب غير فرنساوى وفرانكو واعتقد دي كانت مشكله في الكيبورد عندهم بدليل انهم فاهمين عربي لكن مش عارفين يكتبوه
دا رأي وشايف انه كان سبب في ان المصريين يكتبوا فرانكو لكن الي بشوفه حالياً على الفيس بوك انه موضه وكانه خاص بالمثقفين وولاد الناس يعني اللي ميكتبش فرانكو يبقى جاهل ولا هو لغتنا وزي ما قولتي احنا بنقلد الغرب في حاجة تافه و يارتنا قلدناهم في حاجة كويسه واستفدنا منها

بياخدو مننا افكار افلام؟

الي يسمع افلام اجنبي هيكتشف ان معظم الافلام العربي مقتبسه من الافلام الاجنبي
حاجة تكسف بصراحه !



4 
Immigrant

ههههههه
بجد حاجه تكسف فعلا ههههه
انا مش عارف اقول اية
بس التقليد عموما شئ كويس وبداية لحاجه كويسه بس أقلد الإيجابي وامحي السلبي
يعنى انا مش شايف ان الفرانكو فية ابتكار
دي حاجه تافهه جدا والله
اتمنى دماغنا تكبر شويه
ولما نحاول نقلد نقلد حاجه تفيدنا مش حاجه كول وروشه
احيكي ياقمر


5 
ŞëŋdŗĕľД♥

اقتباس: المشاركة الأصلية كتبت بواسطة ms7wr b aldnya  مشاهدة المشاركة
فكره جميله اووووي
بس ياريت التقليد علي قد الفرانكو
احنا بنقلد في طريقة الكلام وفي اللبس
وفي التعامل مابينا بقينا زيهم
بس للاسف مبنلقدش الا التفاهات
ياريتنا نقلدهم في دعهم للعلوم والتكنولوجيا والعلماء
ولا ااقلولك ونقلدهم ليه
كل اللي علينا ننفذ دينا زي مالقران والسنه عرفونا
ساعتها هما اللي هيقلدونا
لاننا الاساس
هما خادو مننا وضافوا علينا
بس هما اخدو الحلو اللي فينا
زي العلوم اللي عندنا
احنا اساس التطور اللي موجود حاليا
لان الخوارزمي هو مخترع الارقام اللي هما بيسختدموها دلوقتي
في المعادلات اللي بتوصلهم لتتطور اكتر
وهما مبيكتبوش عربي لاننا مش متقدمين عنهم
يعني احنا اللي بناخد منهم الابحاث يبقي لازم نخدها بلغتهم
اما لو احنا سبقناهم هيطروا انهم يتعلموا لغتنا
اما بالنسبه للامل فينا
فهو موجود فينا ليوم الدين
لان الرسول صل الله عليه وسلم قال (الخير فيا وفي امتي الي يوم الدين) صدق حبيبي صلي الله عليه وسلم


احي حضرتك علي الطرح الرائع
واسف ع الاطاله
تسلم ايديكي
وادام الله ابداعك

عندك حق
فعلا الرسول صلى الله عليه وسلم هو اللى قال كده
يعنى ان شاء الله اللى جاى خير اكيد:)

بجد ميرسى اوى ع ردك الجميل
نورتنى :)



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.