العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

مصر راحه بينا على فين ؟

كاتب الموضوع: سندريلا القلوب، فى قسم: منتدى النقاش الجاد


1 
سندريلا القلوب

انا حبيت اسألكم سؤال بسمعه كتير اوى اوى كل ما افتح التليفزيون اسمع الكل بيقول مصر راحه على فين ؟ هى فعلا هتاخدنا على فين؟!!!

حد عنده اجابه للسؤال ده احنا ماشين صح ولا ماشين غلط
اللى بيحصل فينا ده مقصود الحوادث الكتير اللى بتزيد دى طبيعيه اللى بيروح ضحيتها دمنا ولحمنا ولاد البلد دى وفيهم ناس مش ليهم ذنب ف اى حاجه

بجد يهمنى اعرف رأيكم فى اللى بيحصل ف البلد ؟ رأيكم مصر هتروح بينا على فين ؟
حاسين اننا بنقرب من اننا نحل المشاكل اللى فى البلد ؟ ولا بنبعد ؟
واحب اعرف اقترحاتكم اللى يجب على الرئيس مرسى يعملها ف الوقت الحالى ؟

تحياتى




2 
S α ү з D

المواضيع عن البلد كترت اوى ومبقتش عارف ارد فين
بس
ان بعد العسر يسر
ده اللى هقدر اقوله ولا هـ اذم × حق حد ولا اشيل حد حاجه هو ملهوش يد فيها

ربنا يعدينا من المرحلة دى على خير


وبردو بدل ما نقول مصر اللى رايحه بينا
لا احنا اللى رايحين بيها على فين
مصر عمرها ما كانت خراب
بس احنا اللى بنخربها
ومش بقصد عامة الناس
بالعكس انا اقصد الناس الظالمه اللى بيخربوها
احنا لو علينا عايزينها افضل بلد × العالم
بس فى مننا الكويس ومننا الوحش اللى بيشوه صورتها
واللى عاوز مصلحته لنفسه وبس


شكراً


3 
ملكة بكبريائى

والله انا محتارة لحد دلوقتى دا غضب ربنا ولا مدبر من حد
ولا دا قضاء وقدر ولا ايه بالظبط احنا سايبن الامور كلها على الله
وبالنسبه لمصر رايحه فين
اعتقد رايحه على الاحتلال قريب
مصر على وشك الضياع النهائى
وربنا يعديها على خير الى يحرق قلوبنا بس هما شهداءنا ودم المصريين الى كل يوم بالميات فى كل محافظه دا الى يقهر بجد

ربنا يسلم الاحوال



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.