العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

علي يمينك يا اسطي ..لكل اللي ماشي شمال

كاتب الموضوع: محمد احمد بركة، فى قسم: منتدى النقاش الجاد


1 
محمد احمد بركة

أحلى التماسى على أحلى ورد قاعد ع الكراسى
ازيكم يا شبااااااااااااااب ويبناااااااات
عااااااملين ايه
اخبار المذاكرة والامتحانات ايه
بشايرها معاااااااااااكم ازاي
كل سنه وانتم طيبين
بلاش رغي بقي
خش علي المهم

كتير مننا بقى ذى السواق في الدنيا بس للأسف سواق بيكسر الإشارة ديما ماشي عكس الناس
في الشغل ما تلاقيش الجد إلا لما المدير يطب
في البيت ما تلاقيش مذاكرة إلا لما بابا يشرف
في الشارع ما فيش تنظيف إلا لما مسؤول يمر
في المسجد ما يدخلوش إلا لما الدنيا تقفل في وشه
طبعا كل دا ليه إستثناء ودول إلي ربنا رحمهم وإخارهم بفضله
يعني من الآخر تحس إننا إلا القليل مننا ماسكين شمال على طول الخط
فاكرين الصياعة أدب
والمخدرات دليل إن الواد كبر خلاص
الشتايم أخدت مكان كيفك والسلام عليكم
معاكسة البنات شيء طبيعي جدا وإلي ما يعاكس يبقا معقد ومش واثق من نفسه
ولما تمل خالص وتحب تقعد على الشات
تحس إنك دخلت بيت مشبوه
ومعظم الكافتيريات بقت غرز في ثوبها الجديد
إيه الحكاية يا شباب
هنفضل ماسكين الشمال لغاية أمتى بس ؟
هنفوق إمتى
هنبقا شباب يعتمد عليه إزاي وإحنا لسنا معرفناش هدف حقيقي نعيش عشانه !
مش كفايانا بقا

كل نقطة دم في كل بلد عربي وإسلامي غالبا دم مسلم بريء وإحنا ما بنعمل اى حاجة غير اننا نعيط شوية وننسى
إذا كنا لا نعمل إلا لما نحس إن في حد مراقبنا فيكفي إني أقول لك إن ربنا مطلع علينا
وما دمنا عارفين كدا يبقا إمتى السائق في الحياة هيقول :::
على يمينك لو سمحت





Powered by vBulletin® Copyright ©2000 - 2017, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.