العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

هل المجروح يتحول الى شخص جارح؟

كاتب الموضوع: سندريلا القلوب، فى قسم: منتدى النقاش الجاد


1 
سندريلا القلوب

السلام عليكم ورحمة الله وبركاته



أصعب مآ يمرعلى القلب هو" الجرح"
موضوعي يتركز حول سؤآل وآحد فقط...
هل المجروح يتحوّل لشخص جآرح؟
ومن السؤآل ده تتفرع الكثير من الأسئلة

• ليه بيتحوّل لشخص جآرح؟
• ماهي نظرتنآ للشخص ده هل معآه حق ونعذره؟ ولا لأ؟
• وازاى نرجعه لنفسه وشخصيته عشآن مش يضر غيره؟

تحياتى




2 
Immigrant

عاوز اقلك يا ساندى
انا الانسان مش معنى ان انجرح مره او اتنين او حتى 10 انه يبقى بعد كده هو الجانى
والانتقام والكلام دا
الانتقام وليد الشيطان

حاله واحده بس للانتقام
ولكم ف القصاص حياة يا اولى الالباب


مش معنى ان انجرح يبقى اجرح

الانسان من الصعب يغير مبداه
مينفعش ابق طيب وابق شرير بعد كده
مينفعش ابقى مجروح وبعد كده اجرح
المبادئ مبتتجزأش

يعنى هديلك مثال
اللى بيغير مبدا احنا بنقول عليه بيغير مبدا
لكن ف الطبيعه هو اصلا كان كده
بس مجتلوش الفرصه


3 
ملكة بكبريائى

بصى مش دايما المجروح بيبقى جارح
بس في حاجه كدا ممكن تخليه انه يبقى حابب يخلى الى جرحه يدوق من الى دوقهولو ويشرب نفس الكاس
ويعلمه درس مش اكتر مش بنيه انه وحش بس بنيه تعلم الدرس وفى ناس بيبقى الانتقام شديد عندها اوى ممكن يوصل للقتل زى ما بنسمع

بصى على حسب جرحه على حسب انتقامه ممكن شديد وممكن بسيط ولكن الى بيسامح اى حد جرحه بيبقى سازج في حياتنا اوطيب جداااااا
اوك يعتمد على ربنا مقلناش حاجه يعنى لو حد جرحنى ربنا موجود هفضل طول الوقت بحسبن ربنا فيه
وربنا هكون عارفه هياخدلى حقى لو مظلومه او مجروحه بجد
ولكن بتتولد غريزة اسمها الكره ودى بتخلينا نتصرف تصرفات مش من طبيعتنا وتتولد فينا بقى سلبيات وصفات وحشه تخلينا ننتقم او نتصرف تصرف وحش مع الشخص الى جرحنا
وليه بيبقى كدا علشان جرحه كبير وكرهه زاد اوى عن حده
ومفروض اى انسان مجروح مش يرد الاساءه بل يسيبها على ربنا ويسلم اموره لربنا بجد الطريقه دى جميله جداااااااااااااااااا ربنا بياخدلنا حقنا في ثوانى


4 
♥ amr ♥

هل المجروح يتحوّل لشخص جآرح؟
احيانا ... ع حسب ثقته بنفسه

ليه بيتحوّل لشخص جآرح؟
علشان لما بينجرح يبقى مش عايز ينجرح تانى .. فيقرر انه يكون جارح افضل م يكون مجروح

ماهي نظرتنآ للشخص ده هل معآه حق ونعذره؟ ولا لأ؟
ممكن نعذره ف الاول بس ........ عشان ده بيبقى طبيعى اذا كان مجروح جرح كبير

وازاى نرجعه لنفسه وشخصيته عشآن مش يضر غيره ؟

نقوله انت احسن من الشخص اللى جرحك ... ونقوله لازم تكون شخصيتك قويه اوعى تضعف وتتحول لشخص جارح ....... ونرجعله ثقته بنفسه

موضوع جميل

تقييم



5 
S α ү з D

اقتباس:

• ليه بيتحوّل لشخص جآرح؟

حصلت معايا بس متقلبتش عشان انا كده لا
بس وصلت احساس الجرح للى فكر يجرحنى
وبأسلوب مختلف عن اللى عمله معايا


• ماهي نظرتنآ للشخص ده هل معآه حق ونعذره؟ ولا لأ؟

اللى بيجرب الظلم والجرح لازم نعذره
لان اللى جرحه مفكرش فيه ولا فكر فـ الالم اللى هيحسه
وجع القلب وظلم النفس صعبين اوى لاقصى درجة


• وازاى نرجعه لنفسه وشخصيته عشآن مش يضر غيره؟

وغيره مفكرش فيه قبل ما يضره ليه !!
هو مش طبعه كده ولو عمل حاجه زى دى هتبقى موقف معين
مش طبع دايم وهيفضل جواه
لان الظلم ظلمات وده ظلم
ومعتقدش ان × ناس تحب تكون ظالمه
الا لو مكانوش عندهم قلب ولا رحمه بغيرهم




ميرسى للتوبيك



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.