العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

ليه انا وصلت لكده :(

كاتب الموضوع: سندريلا القلوب، فى قسم: منتدى النقاش الجاد


1 
سندريلا القلوب

انا مش عارفه ابدأ ازاى ؟

انا لقيت نفسى عايزه اتكلم عايزه اصرخ باعلى صوتى والاقى حد يسمعنى كل مره بتكلم مع نفسى وبصرخ ومحدش يسمعنى بتوه ومحدش يرجعنى انا مكنتش كده بس مش دى المشكله
المشكله انا بقيت كده ازاى
المشكله المفروض ايه اللى يحصل بعد كده
انا عارفه ان كل اللى فات ده لسه مفيش حد فهم انا بتكلم عن ايه او انا عايزه ايه؟ عارفين ساعات ان مش ببقى قادره احدد انا فيا ايه
ليه كل حاجه حلوه بتخلص بسرعه اوى والحاجات الوحشه بتفضل معانا وعايشينها كتيييبر اوى ؟
ليه فى ناس كتير بتدخل ف حياتنا بمزاجها وتخرج بردو بمزاجها ؟
ليه اى حد قريب منك لو حس ان وجوده فحياتك مهم يبعد والعكس لو حس ان وجوده مش مرغوب فيه يقرب
ليه بنقابل ناس نحترمهم اوى وف الاخر يطلع الاحترام كان كتير عليهم اوى
ليه بنثق ف ناس ويخونوا ثقتنا فيهم
ليه دايما اللى بيحبونا بجد مش بنشوفهم ولا بيقابلونا غير بعد ما نكون فقدنا الثقه فالناس او بعد فوات الاوان
ليه دايما نفضل نعمل الصح وندافع عن الحق وف الاخر نلاقى النتيجه صفر وان كل اللى عملناه راح ف الهوا
ليه كل حاجه حولينا بقت غلط وعملته او مش عملت بردو النتيجه صفر
ليه كل ما بيمر بينا الوقت بيضيع كل حاجه حلوه وتروح ويفضل مكانها كل حاجه وحشه
ليه بنعد نقول قدام العزيمه والصبر مفيش مستحيل ومهما نعمل مش بنوصل للمستحيل
ليه البراءه بتموت فينا واحنا لسه صغيرين اوى كده
ليه الناس بقت قلوبها حجر مع اعتذارى الشديد للحجر
ليه الناس مش بتعمل الخير بدون مقابل
ليه وليه حاجات كتير اوى اوى
انا من النهارده مش هصدق من يدعون الاخلاص والصدق والصداقه والطيبه
واوجهه من التوبيك
تحيه لكثير من الاشخاص
شكر كبييييييير على حاجات كتير اوى انا اتعلمتها





2 
وعد الغرام

بيقولك ظن فــ الناس خير لحين يثبتون الناس العكس

وانا بقولك ظنى فى الناس شر ومتبينيش ظنك لحــين أثباتهم العكس

من كل كلامك فهمتى ان انتى مش عايشه فــ الجنه والحياه الورديه عيشيها جوه نفسك
لاكن كــ دنيا وناس وأفكار الناس وظنون ناس يعنى دنيا فيها لاكويس والوحش وبقى لى بيعم والاغلب هوه الوحش

عيشى لنفسك خافى عـ نفسك اول حاجه خافى عــ سمعتك أحفظى كرامتك
صونى نفسك خافى ع نفسك ومتخليش حد يخافلك عليها ولا يحافظلك عليها لان مفيش حد هيهتم بيكى غيرك!!

الكلام مش ليكى لوحدك بقولك ليكى وليا انا كمان يمكن اسمعه المره دى وافهمه معاكى

مش تعطى لمخلوق أكثر من قدره التراب لحد لما يبان ان أصله ألماس

متهتميش بأنسان أكتر من الازم بكل بساطه لانه واحد زى اى واحد مش نبى منزل ومفيش أحسن منه

أعملى لى يريحك يريح ضميرك
وتحسى انك راضيه ربنا بتصرفاتك
وأعملى لى يخليكى متخافيش من حد لما تعمليه
أتصرفى وكأن مفيش فــ الدنيا غيرك من ناحيه انك تتقى ربنا فــ نفسك

متستنيش من حد المساعده

والمستحيل مش مستحيل لو عملتيه بجد وتعب وأهتمام
لان بكل بساطه ربــنا مش هيضيع تعب مخلوق عــ الفاضى

انا كتبتلك الكلام ده وعندى امتحان بكره
دعوه حلوه منك بقى فــ سرك أن ربنا ينجحنى

بــلتوفيق ربــنا يحميكى




3 
Immigrant

بسم الله الرحمن الرحيم
وافوض امرى اللى الله ان الله بصير بالعباد

بسى يا ساندى
كلنا بيعدى علينا اوقات حزن واوقات فرح كتير
احنا مبنتعلمش حاجه ف دونيتا طول ما الحياه فل وردى احنا عايشنها وخلاص
ولما تبقى ظلمه ونكد وحزن هنا متعة الحياه لان دا اللى بيعرفنا معادن الناس ويعرفنا اد ايه احنا غلطنا

واد ايه احنا ادينى الثقه لناسش متستحقش دا
العيب فينا مش فغيرنا
لاننا معرفناش الناس دى كويــس وامنا ليهم
لما تعاملى الناس بحسن نيه او تعاملى الناس كلها بمبدأ واحد انهم كويسين
يبقى متفتحيش درعاتك ليهم ع الاخـر
خد بردوه حذرك


مش عاوزك تكونى مدايقه عارفه ليه
علشان انتى استفدتى كتير اكيد
ياريت نص حياتنا كلها حزن واختبارات
علشان نتعلم
والحال مبيقاش على نفس الحال


استهدى بالله
وارمى حمولك على الله
وفرفشى كده
بدل ما اعلقك


4 
ملكة بكبريائى

الاول اهدى ومش تدايقى نفسك
وتانيا ياحبيبتى انا بردوا سألت نفسى الاسئله دى كتير وقت لما بنتجرح او بنزعل او بتبقى الدنيا داقت بينا
ولكن لما بلاقى لحظه فرح بمسك فيها بلاقى اد ايه انا الى بجرى ورا الحزن واد ايه عطينا قيمه لناس معدومين القيمه اصلا


يعىن متديش ثقتك في حد لا تهزى ثقتك فيهم
لانك ممكن متديش ثقه لحد هو اكتر انسان جدير بيها وتخسرى فرصه كبيرة عطهالك ربنا
فخير الامور الوسط
انك تتأقلمى والقرب من الله وانان نحمده ربنا لما بيحب عبد بيبتليه ببلاء
بيشوف مدى صبره
مش الحياه كلها وحشه ولا العيب في الحياه العيب دايما في نفوسها وبيرجع لاختيارنا ولقضاء ربنا لان ربنا عامل كل سنه للانسان هيعمل فيها ايه وهيقابل مين ويتعلم من مين درس وينجرح من مين ولربما هيجرح مين
دى دوارة الحياه ودى الى الانسان بيسلكها
يوم حلو ويوم مر
ولو الحلو قصير نقدر بطموحنا واراده ونسيان نطول الفرح لسنين وسنين

وبس الاراده شىء مهم وقضاء ربنا لان لو ربنا مش عايز فرح مش هيكون فيه ابدا


5 
renad rohy

السلام عليكم ورحمه الله وبركاته

حبيبتي طبعا بعد كل المشاركات السابقه اكيد مش هقول اكتر منهم
ولكن تعاملي مع اي شخص بما يرضي الرحمن
واكيد ربنا مش بيدي حاجه لشخص غير انه هيكون قدها وهيستحملها
وتاني حاجه الدنيا بدون مشاكل وآلام ليس لها قيمه واللي حياته كلها وردي
صدقيني بيكون حياته كلها تعاسه بس بشكل مخفي على الآخرين
يعني مثلا واحد ربنا اداله المال والزوجه والذريه والحياه السعيده بين اسرته والناس هتلاقيها بتحسده على اللي هو فيه ولكن لا حدا يعلم ما به من داخله
ونلاقي بقى فين حياته مع الله عز وجل هتلاقيه بقى مهموم مغموم وهكذا
وعلينا ان نثق بكل اللي حوالينا ولكن في حدود يعني بلاش الثقه العمياء
وكل ما نقابل مشكله او صدمه في حياتنا ارجع اراجع نفسي ربنا عمل كدا ليه معايا
اكيد في حكمه فيه رساله معينه عايز يوصلهالي
ابدأ من هنا اراجع علاقتي بالله عز وجل واشوف ايه الرساله اللي ربنا حب يوجهالي
وطبيعي جداااا راح نكون مخنوقين ومهمومين واحيانا مش بنبقى طايقين نفسنا أصلا
ووقتها ممكن نعمل حاجه اولا نغصب ربنا بيها وثانيا نضيع حياتنا بيه
وعليكِ على طول بالحفاظ على صلواتك وقراءه القرآن والنوافل
ومن هنا هتلاقي نفسك مرتاحه
وممكن تتقبلي اي مشكله واجهتك بصدر رحب ومش تعطيها أكبر من حجمها
حبيبتي احنا عايشين في الدنيا عشان نتعلم من تجاربنا وتجارب كل اللي حوالينا
وعلينا ان نأخذ من كل ما بيحصل لنا العبر والعظات لكي نقدر نواجه الحياه بكل ما فيها
ودائما حطي لنفسك حدود في اي علاقه بينك وبين اي شخص الى حين التاكد من سلامه النيه
والتأكد انه مش بيلعب بمشاعرك
يارب يكون رآيي يساعدك ويفيدك
أتمنى من الله التوفيق في حياتك
وتكوني دائما في هنا وسعاده بطاعه الله






Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.