العودة   منتديات المصطبة > الأقسام الأسرية > عالم حواء والزواج

عالم حواء والزواج قسم خاص للمرأة، عالم المرأة، زواج، ثقافة زوجية، مشاكل الزواج، عادات وتقاليد


1 
حبيبى رسول الله

Kill Diabetes

طرق مقابله العريس ، نصائح عند مقابله العريس ، مقابله العريس لاول مره elmstba.com_1360438272_491.gifازاي تقابلي العريس اول مرةطرق مقابله العريس ، نصائح عند مقابله العريس ، مقابله العريس لاول مره elmstba.com_1360438272_491.gif


هناك قاعدة تقول إن "الانطباع الأول يدوم" يعني الفكرة اللي هياخدها عنك الشاب اللي جاي ده في أول لقاء هيترتب عليها حاجات كتير أوووي نفس الشيء بالنسبة ليك الفكرة اللي هتاخديها عنه من أول مرة هيترتب عليها حاجات كتير أوووي
علشان كده عايزك تبقي ناصحة وتقدري بأسلوبك وذكائك وجمالك تتركي انطباع كويس عنك عند الشاب ده حتى لو محصلش نصيب
طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه وحاسة إني هلخبط الدنيا وعمالة أتصل بصاحباتي وكل واحدة تضحك عليّ ومحدش قال لي كلمة مفيدة أقدر أستفيد بيها
ماتخافيش.. إحنا دلوقتي هنمشي معاكي خطوة خطوة ونقول لك تعملي إيه

الخطوة الأولىطرق مقابله العريس ، نصائح عند مقابله العريس ، مقابله العريس لاول مره elmstba.com_1360438272_894.gif
جهزي نفسك نفسيا ومظهريا1-

علشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي العريس يتفرج عليها لأن دي حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك

2-طرق مقابله العريس ، نصائح عند مقابله العريس ، مقابله العريس لاول مره elmstba.com_1360438272_894.gif
حاولي على قد ما تقدري تخلّي أعصابك هادية جدا وتبعدي عن أي مصدر قلق أو توتر.. علشان التوتر ممكن يبان على وشك واحنا مش عايزين كده احنا عايزين عروسة زي القمر وياريت كمان قبل الميعاد ده تاخدي دش دافي

3-طرق مقابله العريس ، نصائح عند مقابله العريس ، مقابله العريس لاول مره elmstba.com_1360438272_894.gif
بعد كده ادخلي الأوضة عندك وابدأي في اختيار لبسك.. وعلى فكرة النقطة دي بتحير بنات كتيييير أووووي لأنهم بيحتاورا يلبسوا كلاسيك ولا لبس عادي
بس بيني وبينك ياريت أول مرة دي تلبسي لبسك العادي اللي انتي بتلبسيه وأنت خارجة.. يعني لو كنت بتلبسي بنطلون وبلوزة البسيهم بس ياريت البنطلون يكون قماش مش جينز أو لو كنت بتلبسي جوب وبلوزة البسيهم برضه وده علشان يشوفك على طبيعتك في اللبس وبلاش موضوع إنك تلبسي بدلة لأن دي هتخلي الحكاية تبقى رسمي أوووي وممكن تبيّنك أكبر من سنك
واوعي تنسي تختاري الألوان اللي تكون مناسبة عليك وتنور وشك


4-طرق مقابله العريس ، نصائح عند مقابله العريس ، مقابله العريس لاول مره elmstba.com_1360438272_894.gif
لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم

5-طرق مقابله العريس ، نصائح عند مقابله العريس ، مقابله العريس لاول مره elmstba.com_1360438272_894.gif
ياريت في اليوم ده ما تكتريش في المكياج علشان ما تبقيش عاملة زي البلياتشو.. وخليك بسيطة جدا في مكياجك يعني كفاية أووي إنك تحطي روج وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي جدا إن وشك هيحمر في اليوم ده فمش هتحتاجي لأحمر الخدود لأنه هيكون موجود طبيعي


6-طرق مقابله العريس ، نصائح عند مقابله العريس ، مقابله العريس لاول مره elmstba.com_1360438272_894.gif
خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي
أعتقد إنك لو عملتي الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده*******



الخطوة التانيةطرق مقابله العريس ، نصائح عند مقابله العريس ، مقابله العريس لاول مره elmstba.com_1360438272_894.gif
أثناء اللقاء نفسه

1-
بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على اللي قاعدين.. كفاية قووي إنك تدخلي بابتسامة بسيطة على شفايفك وتسلمي على كل اللي موجودين وعليه هو كمان.. واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس لأن ده حقك الشرعي وخليكي واثقة من نفسك وخدي الموضوع ببساطة علشان يعدّي


2-

لو مامته جات معاه ياريت تخلّي بالك منها وبلاش تكشّري في وشها وهي قاعدة.. خليكي مبتسمة ليها دايما حتى لو قالت حاجة مش عجباك اوعي تردي عليها رد مش مناسب وكلميها عادي وحاولي تكسبي رضاها وخليكي ذكية وفكري في كل كلمة قبل ماتقوليها

3-
وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيتكلم علشان تقدري تحكمي عليه



4-

لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوووي ابتسامة بسيطة على شفايفك

5-
خليكي جريئة ولو وجه لك الكلام ردي عليه بذوق من غير كسوف
*******



كمان خدي بالك أووويطرق مقابله العريس ، نصائح عند مقابله العريس ، مقابله العريس لاول مره elmstba.com_1360438272_894.gif

1-
لو سمحت الظروف وقعدتوا مع بعض ياريت تتكلمي معاه في أمور عادية جدا.. زي مثلا البرامج اللي بتعجبك في التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي مثلا الكرة والأهلي والزمالك.. ولو تطور الكلام بينكم لأي مواضيع فيها جدل خليكي ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه
واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خاطب قبل كده ولا لأ أو مثلا مرتبه كام؟؟ لأن الأسئلة اللي من النوع ده ما ينفعش تسأليها في أول مقابلة


2-
لو كان اللقاء في مكان عام زي النادي مثلا أو كافيه أو خلال مناسبة ما فحاولي تقللي من نظراتك حول الأشخاص الموجودين في المكان وركزي في الشخص نفسه*******

الخطوة الثالثةطرق مقابله العريس ، نصائح عند مقابله العريس ، مقابله العريس لاول مره elmstba.com_1360438272_894.gif

بعد انتهاء اللقاء
بعد ما يمشوا عايزاكي تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو بسيطة هتكون بانت قدامك ولو مش قادرة تحكمي كويس ياريت تطلبي لقاء تاني علشان تقدري تحكمي على أساس صح.. وربنا يوفقك*******

وعقبال كل بنات المنتدى لما يطبقوا النصائح دى عملى






أدوات الموضوع
انواع عرض الموضوع


مواضيع متشابهة مع: طرق مقابله العريس ، نصائح عند مقابله العريس ، مقابله العريس لاول مره
مقابله العمل ، نصائح لمقابله العمل ، كيف تتم مقابله العمل من قسم عالم حواء والزواج
كيف تصطادى عريس ، طرق اصطياد العريس ، نصائح لاصتياد العريس من قسم عالم حواء والزواج
اتيكيت التعارف على العريس ، اتيكيت استقبال العريس ، اتيكيت التعامل مع العريس من قسم عالم حواء والزواج
إتيكيت الموعد الأول مع العريس ، طريقة التعامل فى اول لقاء مع العريس ، اتيكيت الكلام من قسم عالم حواء والزواج
إستقبال أهل العريس ، اتيكيت إستقبال أهل العريس ، كيفية إستقبال أهل العريس من قسم عالم حواء والزواج

الساعة الآن 01:46 PM.


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.