العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

كل حاجه وليها معاد تبان فيها ......

كاتب الموضوع: ملكة بكبريائى، فى قسم: منتدى الشعر والخواطر


1 
ملكة بكبريائى


مشيت ومشت ورايا اشواقى وحنانى
مشيت وقلبى لسه فاكر ليك حاجه حلوة يفتكرك بيها
مشيت وقلت دى ظروف وهتعدى واكيد هترجع تانى الليالى وحلم الزمان الى حلمنا بيها

قلت كلام وياريته كان حقيقه
يااااه تصدق دا أثر فيا اة
دا كان سر حياتى الى انا كنت عايشه ليها

كلام وفضلت تقوله لقلب حبك
اتارى ياقلبى الغدر في طبعك

لا يوم شوفنا حلاوة في حبه لينا
كنا شايفنا المرار دا احلى ما في حبه
اتارى دا طلع كدبه كبيره
حبناها واتمرع هو فيها

اتارى الى يحب بجد ويقول لحبيبه
يخونه اة ويسيبه
مهو خلاص عرف انه امتلكه ودواه بقى عنده
هيقول ايه غير انه يسيبه

سبت وسبت وراك احزانى
سبت وسبت وراك اشواقى
سبت وسبت وراك كل معانى حلوة كانت في خيالى

اة لو كنا زمان رجعنا لحظه كانت فراق
اة لو كنا بجد حبينا بعض مكنش كان الى كان
اة لو في لحظه حلوة افتكرك بيها
دنا بدور على بذرة
بذرة بس تكون حلوة عملتها افتكرك بيها
وياريت كان في بذور تتحكى وتتقال انك عملتها ليا في يوم
دا طلع انك حطيت الشوك تحت رجليا
علشان معرفش امشى عليها


حتى قلبى واخده معاك
طيب سيبه يشوف نصيبه
دا وقت وهيعدى اكيد
بس مرار الايام مين هيحليها

من غيرك انا لا عارفه ارتاح
والشوق تاعبنى وتاعب الناس حوالينا
عارفين قصه حبى ليك
وشايفين اد ايه الفراق ملينا

لا يوم طلبنا الحب دا
ولا يوم قسينا
كنا في يوم حاجه كبيرة وياريت كان في زكرى جميله
جايز افتكرت حبنا دا حاجه كبيرة
طلع دا وهم اة ياقلبى وهم وعشته
اصل كنت بتمنه اعيشه
اة ياكل عمر عدى على الفاضى

على الرخيص الى خليتو غالى
وخسارة رخصت الغالى
ياخسارة على سنين عمرى الى راحت

سنين متستهلش تبقى فيها
ولا بزكرى حلوة فيها كفايه بقى كلام عليك
دا انت لو كان في عندك ريحه القلب
مكنتش خليت طفله برئيه تبقى حياتها مبنيه على اساس اسمه حبك
وضاع اساسه يوم ما سبتها ودورت ازاى تجرحها وازاى تشوف غيرها وتنسى لياليها
مش زعلانه على الكدب والخداع

يمكن زعلانه على عمر ضاع على فاضى
وكان في ناس قدامى شريانى

ادينا بنتعلم من حياتنا
وادينا بنشوف كل حاجه في صورها
صورها الحقيقه الى مبتتداريش في يوم ولا ليله



........




2 
Immigrant

لا يوم طلبنا الحب دا
ولا يوم قسينا
كنا في يوم حاجه كبيرة وياريت كان في زكرى جميله
جايز افتكرت حبنا دا حاجه كبيرة


جميل اووى يا مونى


تحفه والله
دى سنوج دى



Powered by vBulletin® Copyright ©2000 - 2017, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.