العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
mahna2009

بسم الله الرحمن الرحيم

بداية السلام على من اتبع الهدى

كثير ما تجول فى انفسنا بعض الكلمات نحاول اخراجها
ولكن خوفا من غضب بعض الناس نلجأ الى الكتمان حتى لا نغضب احد منا

وهنا انا اريد التحدث بسعة صدر واتمنى ان ياخذ كل من يمر هنا الموضوع بتلقائية
لانى لا اقصد احد بشخصة ولكنها نظرتى
اريد التعبير عنها
فهل ليا الحق ؟

الموضوع عبارة عن ظاهرة منتشرة بطريقة غريبة على النت وبالذات من جهة الفتيات


تمر بنا الايام نجول فى اركان الاماكن باحثين عن اصدقاء يشاركونا اوقاتنا
اوقات فرح او حزن مهما كان نوعها ولكننا نبحث

او قد نبحث عن علاقات خاصة تحيى بنا بعض الامور التى نتمناها ولكم تحديد العلاقات
كل حسب رغباتة وميولة

بالبلدى بقى ندخل فى الموضوع
بنلاقى كتير علاقات بتنشأ فى المنتديات خصوصا لان دا المكان ال فية تواجد كتير
من كلا الجنسين
بيتكلموا ويتناقشوا فى امور كتير من خلال المواضيع
بيتطور الموضوع الى رسائل زوار تحمل فى مضمونها معنى الشفافية

وممكن يتكلموا برسائل خاصة
ومحدش يقولى دا مش بيحصل
بيزيد الكلام بين الطرفين شوية شوية
يجى بقى سيد الشباب ويطلب من الامورة ال بيحكى معاها وبكل تلقائية
يقولها ممكن نتكلم ميل
ممكن عايز يحب وممكن عايز يتناقش بس بطريقة اسرع من الرسائل
وممكن عشان ينهى المناقشة بشىء من السرعة

وهنا بقى تلاقى الطامة الكبرى
والامورة تقولك
انا آسفة اصلى مش بكلم ولاد
دا على اساس اية ان ال بتكلمية دا بنت فى اسم ولد
والنبى ماتصدعوناش بشعارتكم الكدابة

الخلاصة من ال فات دا كلة لية البنت مش يتكلم ولاد ع الميل
وبتكلمهم ع المنتدى؟

هتقوليلى الميل ممكن نتكلم فية اى كلام
طب ما ممكن الكلام يحصل عن طريق الرسايل


واذا مش بتكلمى ولاد
لية بتتكلمى فى المنتدى ؟
ولو هتقولى دى حرية شخصية فكونى على علم بان
المبدأ لا يتجزا
دا كان الجزء الاول من الموضوع

الجزء التانى
بعض الشباب الحلوين بقى ال بيحبوا على نفسهم
تمشى فى المنتدى تقعد تخبط فى حب طالع من كل حتة
والمشكلة تلاقى اعمارهم حاجة تكسف والله
اكيد واحد هيقولى انا حر وانت اية ال مزعلك
انا مش زعلان يامعلم ولا زعلان من المعلمة
المشكلة انكم صعبانين عليا
وممكن تقولى انت اية ال تاعبك انا مفيش حاجة تعبانى بس اانا بقول ال عندى
المهم بقى
تلاقى الشاب من دول طالع فى المنتدى ومسيط نفسة هو والقطة بتاعتة
وبيكتب لها كلام حب ورومانسية
وهى ما تصدق معقول الكلام دا علشانى لالالالالا
دا كتير عليا مش معقول انت بتحبنى كدا
وهو بقى لا والله صدقى دا ليكى وانتى عندى اغلى من كدا
طب ياعم ما تحافظ علىى البنت وخلوا الكلام بينكم
ولا لازم الامة كلها تعرف
حلاوة الحب انة يكون بين اتنين مفيش بينهم تالت
فاهدى كدا واهدى انتى كمان وخلوا حبكم بينكم عشان دا اكيد هيحصل
وهتسيبوا بعض
ومتقوليش مش هسيبها والله هتسيبها
هيبقى شكلكم اية
هتقولى انت اية غايظك ولية محروق مننا
انا عادى جدا وبحب قوى كمان
بس مش عاملى فيلم زيك انت وهى
ملحوظة يبقى سنك بين 12/ 14 وتتكلم عن الحب وانك بتحب
وانجرحت طب لما تبقى فى السن دا وتنجرح ياترى بقى حبيت وانت عندك كام سنة

وال تلاقيها كاتبة لك عايشة فى بحر الاحزان / وبين الدموع
بعيد عن البشر الخداعين
كلة كدا مجروح مفيش حد فرحان خالص
ربنا معاكم


فى نهاية حديثى ارجو ان لا يغضب احد منى
اقسم بالله الجميع زى اخواتى وال خلانى اقول كدا حبى ليكم
لكم خالص تقديرى واحترامى




3 
Ana B7bk

بصراحــــــــه يا مهنـــا الجزئيــن عندك حــق فيهم

وبالـــذات جزء الشبـــاب عندك حــق حلاوه الحب

ان يــكوون بيـن اتنين ما فيــش ما بينـــهم تالـــــت

بجد روووعه يا مهنــــا تقبلــى مـــــرورى + احلــى تقيـــم


4 
5Lik Fe 7aLk

هههههههههههههه لما قولت سن ال12/14

افتكرت بنت عىل الفيس بوك عندها 8 سنين كاتبه ليه الدنيا وحشه اوى كدا كلها غدر وخيانه

ههههههههههههههههههههه

معلش دا تعقيب بسيط لما ارجع هعلق ع الموضوع لانه مهم اوووووووى وجامد جدا

ليا عوده



Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.