العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

تفتكروا شكله عامل ازاى دلوقتى

كاتب الموضوع: وعد الغرام، فى قسم: منتدى النقاش الجاد


1 
وعد الغرام

مساء الخير

فى سؤال ف بالى بسيييط جدا


تفتكروا الرئيس السابق "محمد حسنى مبارك" ايه وضعه ف لى بيحصل فى البلد ده ؟؟؟

هيصووووا


انا رأى انه هيجيله سكته قلبيه من الضحك

هااا سمعونى رئيكم




2 
S α ү з D

بالعكس الموقف ميستدعيش ضحك اصلا

واذا كان الصور اللى بنشوفها × التلفزيون او عـ النت وتقاليع الجروبات على سبيل الضحك

دى مش تمثل بالمره اللى هو فيه او احساسه

بس ده شخص كان رئيس جمهورية لفترة تعدت الربع قرن

واكيد نظرته للشعب انه فعلا قادر ويعملها زى ما قدر وقومه هو اللى قعد 30 سنه

يقدر يقوم واحد مكملش سنه

النظره دلوقتى بقت مختلفه بالمره

من سكوت تام لصوت محدش قادر يسكته

من خمول لـ هيجان وفيضان ومحدش يقدر يقف قدام اللى بيحصل وقدام الشعب ده

النظره لو كانت سلبيه يبقى محدش فاهم حاجه ولو هو فكر كده يبقى غبى

بس مبارك مش غبى لا ده شخصيه زكيه جدا

واذا كان على وضعه يبقى اكيد مستنى يسمع الحكم × قضايا تخصه وتخص ولاده

تسلم ايديكى يا وعد


3 
وعد الغرام

ههههههههههههه حكم قضيه تخصه وتخص ولاده!!!

انت فاكر ان الازمات لى ف مصر دى زى النور والبنزين والمياه ده من غباء مرسى !!

لا يا سيد ده من زكاء مبارك عارف يولع البلد وهوه قاعد

من امتى مصر عندها ازمه بنزين

لو قولتلى كهربا يمكن اقولك ايوه تكيفات ومولدات كهربا كتير ومفغيش ترشيد استخدام

مبارك عايز يوصل البلد لاننا نقول ولا يوم من ايامه
كان بيسرق ايووه بس كان موفر الامان والمايه والنور والبنزين
مرسى مش يسرق بس مش موفر اى حاجه
حقوق الانسان الاماااان مش متوفر

مقولتليش مبارك تفتكر بيعمل ايه دلوقتى؟؟؟


5 
S α ү з D

اقتباس: المشاركة الأصلية كتبت بواسطة وعد الغرام  مشاهدة المشاركة
ههههههههههههه حكم قضيه تخصه وتخص ولاده!!!

انت فاكر ان الازمات لى ف مصر دى زى النور والبنزين والمياه ده من غباء مرسى !!

لا يا سيد ده من زكاء مبارك عارف يولع البلد وهوه قاعد

من امتى مصر عندها ازمه بنزين

لو قولتلى كهربا يمكن اقولك ايوه تكيفات ومولدات كهربا كتير ومفغيش ترشيد استخدام

مبارك عايز يوصل البلد لاننا نقول ولا يوم من ايامه
كان بيسرق ايووه بس كان موفر الامان والمايه والنور والبنزين
مرسى مش يسرق بس مش موفر اى حاجه
حقوق الانسان الاماااان مش متوفر

مقولتليش مبارك تفتكر بيعمل ايه دلوقتى؟؟؟

بدايةً يعنى انا مش لاقى حاجه تستدعى الضحك اللى فـ اول كلامك !!

بس ما علينا

اذا كان على ازمة البنزين فـ احب اقولك ان الازمه دى كانت موجوده فـ الفترة الاخيره من حكم مبارك وزادت بعدها

الله اعلم هو السبب ولا لأ

لكن لو هنقارن يبقى × الاستقرار نوعاً ما وليس كلياً

واصلا العهدين الفايده فيهم معدومه والسلع فـ نهاية عهد مبارك كانت بتزيد

فترة الركود الاقتصادى بتمر على العالم كله ومش علينا احنا بس

لكن اللى بيفرق الدخل واحنا عندنا الدخل ضعيف عشان كده حاسين اوى بغلاء السلع

الكهربا اللى بتقطع مش هبص لكلام اخينا اللى بيقول عيل وبينزل سكينه وبيرفع مطوه وقعدة القهوة اللى فكر نفسه فيها دى

لكن ترشيد الاستهلاك اللى بتتكلمى عنه ده يعنى انتى × بيتك بيجيلك كهربا وانا كذلك

نقدر نتحكم × استخدامنا ليها ومش محتاجه لشرح

اللى بيحصل ان الحال كان سئ وبقى اسوأ فـ اسوأ

اى حاجه كانت موجوده × عهد مبارك دلوقتى زادت ولو هنتكلم على الاساسيات الاكل والشرب

السلع وكل حاجه غليت وبقى الضعف والشخص الموجود حالياً فكر انه يضحك على الناس بحاجه وانه يقول حد أدني للأجور والضمانات الاجتماعيه والمعاشات

طيب ماهو دى حاجات زيادتها مترتب عليها زيادة السلع اللى بقت فـ السحاب يعنى مش عمل جديد او شئ مميز !!

يعنى المشكله مش مبارك وانه قاعد يلعب يمين وشمال

بصى للموضوع من كل الجوانب ومتفكريش ان مبارك ماسك دراع بلاى استيشن وعمال يحرك يمين وشمال

حتى لو ليه يد × البعض لكن عمره ما هيقدر يتحكم × الكل

والشعب مبقاش غبى لكن بعض البلطجيه المأجورين هما اللى بينصاعوا لانهم مش شافوا غير انهم ياخدوا فلوس كتيره معرفوش يجيبوها بشكل سلمى وشرعى اخدوها عشان يقوموا بمأمورية معينه

وكله × الشعب




Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.