العودة   منتديات المصطبة > الأقسام العامة > منتدى المواضيع العامة

منتدى المواضيع العامة أهم المواضيع والقضايا العامة التى تشغل الرأى وتهدف إلى نشر الفائدة للجميع

حسن أسلوب حوارك مع الناس

كاتب الموضوع: Hinamori Amu، فى قسم: منتدى المواضيع العامة


1 
Hinamori Amu

مشكلة اليومين دول إن الواحد عشان يطلع نفسه الصح بيستخدم أبشع الطرق فى الحوار زى الشتيمة و التريقة و الزعيق و الكذب

مشكلة إن أسلوب حوارنا مع بعض مش بقى أخلاقى و هادف بقى في لغة عنف ما بينا

ماشى كل واحد ليه وجهة نظر و شايف إنها الشمس بالنسباله مش مشكلة
بس كل وجهة نظر تحتمل الصحة من الغلط فمدافعش عنها من غير أدلة تثبت إنها صح وأستخدم أسلوب لبق ف الحوار عشان مش أهين اللى قدامى ويمكن أطلع بدافع عن حاجة غلط

وحتى لو صح !! مش يديك الحق إنك تهين ف اللى حواليك

أنا هكلم عنى كشخص مش كوجهة نظر أو طرف عشان محدش ياخد الكلام على نفسه ويقول إنى بدافع عن رأيى أو عاوزه أثبته وخلاص و أنا هدفى م التوبيك أوضحلكوا أسلوب الحوار ف السياسة أو ف غيرها إنه يكون باحترام ونقد هادف مش جارح
وياريت الرد يكون ف الموضوع مش براه عشان مش عاوزين نقاش سياسى حاد مابينا



بصوا هحكلكوا على موقف بس مش معناه انى بدافع عن رأيى بس يوضحكلكوا الناس بتدافع عن رأيها بغباء إزاى

مرة أختى كانت حطه صورة لمظاهرة ف العباسية من مظاهرات مؤيدى الشرعية اللى كانت ف رمضان
فاحنا ف المظاهرات طبيعى بنجيب أزايز ميه ونرشها على وشنا ودماغنا عشان مناخدش ضربة شمس

فالصورة كانت جايبه الراجل و الازازة جمب وشه فبانت وكإنه هايشرب مع إن كانت واضحة إنها بعيده عن بقه




فمعظم المعارضين لمرسى سابوا الصورة كلها و علقوا " إنتوا واثقين إن الصورة ديه من رمضان أمال إيه الراجل اللى بيشرب وحاطط الإزازة ف بقه ده حتى لو عيان ميصحش يشرب قدام الناس و جابوا حديث بقى عن ان العيان ميصحش يشرب قدام الناس وهما صايمين "وقعدوا يثبتوا رأيهم بأحاديث و آيات وف الآخر اصلن الراجل مش كان بيشرب :\ وطلعوا الراجل كافر والصورة متفبركة وحاجات غريبة



وياريت حاجة تانى مش تدور ف القرآن على حاجة تثبت بيها إن اللى قدامك غلط أو كافر أو إرهابى أو الهبل اللى بنطلعه على بعض ده

يعنى بشوف ناس كتير و سورى لا تفقه ف الدين حاجة بس ع الفيس النت موجود و تقدر تجيب أى آية يقوموا كل رد يجيبوا آية أو حديث يردوا بيه

طب إنت إيه اللى فهمك إن الآية ديه على الزمن ده حسن أسلوب حوارك مع الناس s08.gif

وبيقولوا ربنا قال كذا و الرسول قال كذا عشان كده لو الإسلاميين مسكوا الحكم لازم نعترض
يعنى أى إسلاميين هيمسكوا الحكم هنعترض
:\ كنت رديت مرة على واحدة بتقول كده فقلتلها إن السبب اللى وصل البلاد الإسلامية لكده
هوا إن حكامهما ما كانوش بيلتزموا بالدين و إن كلنا بعدنا عن الدين و أصلا الرسول و الخلفاء كانوا كلهم مسلمين يعنى سورى مش هنجيب واحد علمانى أو ليبرالى و سورى لو حتى مسيحى برده يحكم البلد أو واحد مش مصرى أو واحد أجنبى يعنى مستحيييييلة فيكون الرد يعنى إحنا كفرة :\
ومن حد تانى متقارنيش الرسول والخلفاء بجربوع زى مرسى
طب مانتى قارنتى الآيات اللى نزلت أيام الرسول باللى بيحصل دلوقتى :(

طب أنا هقول إيه ؟؟

بصوا مش هنختلف إننا لو مؤيدين أو معارضين فيه فئة شغالة شتيمة عشان تدافع عن رأيها

أنا اعتراضى ع الناس دول
اللى كنت أعرف عنهم قبل احداث البلد ان لا ليهم ف سياسة ولا ف غيرها وطريقة كلامهم همجية من الأصل


فمستخدمش السياسة ك كلمتين تحفظهم تحدفهم ف وش الناس عشان تبين إنك فاهم وتحط كلمة على شتيمة على تريقة .... مش نافع كده حسن أسلوب حوارك مع الناس s11.gif

لو عاوز تثبت وجهة نظرك اثبتها بلين لاتكن فظًا غليظ القول فينفض الناس من حولك

وهوضحلكوا بحوار حصل مابينى و مابين معارضة من أيام مذبحة الحرس الجمهورى أو أيا كان اسم الحادثة بالنسبة للكل
ويحق ليكوا انتقاد الطرفين بس بدون أى كلام جارح

حسن أسلوب حوارك مع الناس 1002515_1381753688717108_632098324_n.jpg
حسن أسلوب حوارك مع الناس 945763_1381753742050436_65512125_n.jpg
حسن أسلوب حوارك مع الناس 557900_1381753885383755_1172316020_n.jpg
حسن أسلوب حوارك مع الناس 1098137_1381764642049346_459323854_n.jpg

حسن أسلوب حوارك مع الناس 225211_1381753975383746_695294974_n.jpg
حسن أسلوب حوارك مع الناس 998759_1381754098717067_177038289_n.jpg
حسن أسلوب حوارك مع الناس 999726_1381754115383732_392086481_n.jpg
حسن أسلوب حوارك مع الناس 934647_1381754292050381_2142048967_n.jpg
حسن أسلوب حوارك مع الناس 547148_1381754348717042_62111049_n.jpg
حسن أسلوب حوارك مع الناس 1012238_1381764545382689_1195830661_n.jpg

أنا هزود النقطة ديه عشان مبقاش حيادية ف موضوعى و كتير فهم غلط إنى بدافع عن وجهة نظر

بس ديه صور بتبين الاهانات المتبادلة من الطرفين

حسن أسلوب حوارك مع الناس 999080_1382935165265627_1514856737_n.jpg
حسن أسلوب حوارك مع الناس 543772_1382935185265625_841181126_n.jpg

حسن أسلوب حوارك مع الناس 1012431_1382935148598962_1903018719_n.jpg

حسن أسلوب حوارك مع الناس 999845_1382935228598954_601065400_n.jpg


ولكم حرية التعليق حسن أسلوب حوارك مع الناس s12.gif




2 
Immigrant

اينعم انا مش فاهم حاجه من الحوار

بس فهمت ايه الغرض من الموضوع


بصي يا اسمك ايه
سواء النقاش ف السياسه او ف اي موضوع ف حياتنا
لازم يحصل اثناء النقاش مشادات وشد وجذب
هو دا البني ادم وهي دي طبيعه البشر


خلاصه الموضوع
كان ممكن تكتبي الموضوع بطريقه تانيه غير طريقه الاخوان والمعارضين
وقتها كنت هعرف ارد عليككي

بس طول ما الموضوع بيكلم فسياسه ف انا احب اختصر ف الكلام


اه صحيح
انا من النوع ال بحب دايما ف اي نقاش ان احاول ارطب الجو بهزار علشان يبق نقاش لذيذ

متشكرا جدا ع الموضوع
وجمعه مباركه عليكي


3 
Hinamori Amu

اقتباس: المشاركة الأصلية كتبت بواسطة immigrant  مشاهدة المشاركة
اينعم انا مش فاهم حاجه من الحوار

بس فهمت ايه الغرض من الموضوع


بصي يا اسمك ايه
سواء النقاش ف السياسه او ف اي موضوع ف حياتنا
لازم يحصل اثناء النقاش مشادات وشد وجذب
هو دا البني ادم وهي دي طبيعه البشر


خلاصه الموضوع
كان ممكن تكتبي الموضوع بطريقه تانيه غير طريقه الاخوان والمعارضين
وقتها كنت هعرف ارد عليككي

بس طول ما الموضوع بيكلم فسياسه ف انا احب اختصر ف الكلام


اه صحيح
انا من النوع ال بحب دايما ف اي نقاش ان احاول ارطب الجو بهزار علشان يبق نقاش لذيذ

متشكرا جدا ع الموضوع
وجمعه مباركه عليكي

لأ أنا كنت بوضح رأيى ف الموضوع بالسياسة لإنها أكتر حاجة بتحصل فيها خناقات
لكن عندك حاجات تانية مثلا لو قاعدة ف قاعدة كلها بنات و بيكلموا غن الولد بتاعهم وحاجات من ديه ولو نصحتهم بده غلط هيبصولى بأرف ويقولوا مأفورة وهذار وضحك ومش هيقبلوا قاعدتى معاهم
يعنى ف كذا حاجة مش ف السياسة بس بس أنا لقيت السياسة أكبر توضيح
وأنا كنت بقول سواء مؤيد أو معارض هتلاقى ناس كتير بتنتقدك من الطرف الآخر بطريقة مش مهذبة
يعنى كان عندى صاحبتى من المؤيدين للانقلاب ومن معارضى مرسى بتشتكى إنها اتشتمت من الطرف الآخر
فأنا بوضح رأيى كشخص وبقول إيه اللى حصل معايا ف الحوارات وكان الحوار اللى حطاه دليل على إن البعض مش بيوضح رأيه باحترام التانى و كان فيه حوارات تانية كتير ع النمط ده
و نورتنى بمشاركتك


4 
Immigrant

معاكي حق
وبالنسبه للمواضيع ال محتاجه نقاش
لازم نكلم ع موضوع النقاش بكافه جوانبه
وبعده كده ندي امثله للتوضيح
انما ادي المثال سبب للنقاش فدا ف حد ذاته بينهي الحوار قبل ما يبتدي

نورتي انتي


5 
alromancy ahmed

اول الموضوع تمام اوى وانا معاكى فيه



وكنت فاكرك انك هتبقى فى الحياد بس للاسف زيك زى اى حد

من المؤيد او المعارض ماحدش بيلتزم الحياد فى موضوعه

ومع انى مش بحب او نفسى ما اردش على مواضيع سياسيه تانى

بس لازم ارد هنا

اولا من الكلام الى مش عجبنى ف موضوعك

طب إنت إيه اللى فهمك إن الآية ديه على الزمن ده
الجمله ديه مش تنفع لان القران نزل لكل زمان ولكل مكان


وبيقولوا ربنا قال كذا و الرسول قال كذا عشان كده لو الإسلاميين مسكوا الحكم لازم نعترض
الاسلاميين يعنى الى كانوا بيمسكوا الحكم زمان دول

كفار السادات الى اغتيل من الجماعه الارهابيه دا كافر

جمال عبد الناصر كافر دا

حتى محمد حسنى مبارك الى قتل الشعب انتى مش تقدرى
تحكمى عليه وتقولى عليه مش اسلامى
يعنى أى إسلاميين هيمسكوا الحكم هنعترض
:\ كنت رديت مرة على واحدة بتقول كده فقلتلها إن السبب اللى وصل البلاد الإسلامية لكده
هوا إن حكامهما ما كانوش بيلتزموا بالدين و إن كلنا بعدنا عن الدين و أصلا الرسول و الخلفاء كانوا كلهم مسلمين يعنى سورى مش هنجيب واحد علمانى أو ليبرالى و سورى لو حتى مسيحى برده يحكم البلد أو واحد مش مصرى أو واحد أجنبى يعنى مستحيييييلة فيكون الرد يعنى إحنا كفرة :\
وانتى شايفه ان الى بيمسكوا البلد علمانيين وليبراليين ومسيحين ومحمد مرسى هو الاسلامى وهو الى بيطبق شرع ربنا وبيمشى البلد بالدين طيب يا ستى اعتبرينى جاهل وقوليلى محمد مرسى عمل ايه فى البلد بيطبق فيه الدين او حاجه مرتبطه بالاسلام والشريعه والدين
ومن حد تانى متقارنيش الرسول والخلفاء بجربوع زى مرسى
يانهار ابيض طيب لو انتى ترضى انك تحطى الخلفاء والرسول فى كفه ومحمد مرسى فى كفه وتعملى مقارنه بنهم يبقى براحتك

ومش هرد عليك فى الحته ديه لانها مش تستاهل الرد
لان مفيش مقاااااااااارنه تماما بين الرسول صلى الله عليه وسلم ومحمد مرسى
طب مانتى قارنتى الآيات اللى نزلت أيام الرسول باللى بيحصل دلوقتى :(
انا رديت عليكى فى الحته ديه فوق

بم انك معاهم ومؤيده للرئيس عشان الناس الى ماتوا

طيب ما تفتكرى الناس الى ماتوا من المعارضين

لالالا صح اصل احنا مش ولاد ناس وهما ولاد ناس

موضوع جميل

تسلم الايادى



Powered by vBulletin® Copyright ©2000 - 2017, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.