العودة   منتديات المصطبة > الأقسام الترفيهية > المهيسون فى الأرض

المهيسون فى الأرض إفتكاسات وتهييس "بدون زعل"، شوية فرفشة على شوية نكت على مقالب مضحكة

مميزات انك تكون ولد

كاتب الموضوع: بحبك يا زمالك، فى قسم: المهيسون فى الأرض


1 
بحبك يا زمالك

مميزات انك تكون ولــــــد
.
.
.
.
...




1- باشا .. خروج براحتك .. تأخير براحتك .. عايش بلطجي كدة.

2- واكل شارب نايم من غير ما تعمل حاجة .. زي ما تكون وريث العرش.

3- بتتعلم من الحياة أكتر بكتير من البنت بحكم احتكاكك الأكتر بالشارع و الناس.

4- عقلك بيستمر في النضج لمراحل بعد ما يكون عقل البنت توقف عند مرحلة معينة و شطب .. فماتضايقش إذا حسيت في مرحلة من مراحل عمرك إنك غبي أو أهبل بالنسبة للبنت اللي في نفس سنّك .. اصبر .. هييجي الوقت اللي هتبقى فيه عاقل و زي الفل.

5- معندكش سن يأس زي الستات!

6- الشرع مخلي نصيبك في الميراث ضعف نصيب البنت .. بس ما تقلقش .. بنت تانية (مراتك) هتاخد ده!

7- المجتمع مش بيحاسبك على أخطاءك .. باعتبارها حق مكتسب ليك كراجل!

8- دماغك في العلالي .. ممكن الدنيا تتشال و تتهبد حواليك و انت مفيش أي مشاكل خالص .. المشاكل و الفسافس اللي في الدنيا دي آخرها أكلة محترمة و تروح تنام و كل حاجة تهون.

9- ممكن تذاكر الربع ساعة اللي بين شوطين ماتش .. و لا فترة الإعلان اللي في وسط الفيلم .. و تنجح برضه .. لا و كمان ممكن تجيب مجموع .. يعني تروح تلعب كام ماتش كورة و تيجي البيت تاخد دش و تاكل و تفتح الكتاب (أو ما تفتحوش حتى) و تروح الامتحان تكتب وجهة نظرك و بتنجح .. و لحد دلوقتي محدش عارف ده بيحصل إزاي .. يمكن الحاسة السابعة!

10- مش شاغل نفسك طول النهار و بتدوّر على حقوقك (زي ما المرأة بتدور على حقوقها) .. انت راجل عاقل .. و ما بتشغلش نفسك بمنافسة الستات في الشغل عشان عارف حدود امكانياتك! .. و ما بتشغلش نفسك فلان عمل و فلان سوّى .. ما دام أكلت و شبعت و مليت التنك هتعوز إيه تاني من الدنيا.........




3 
الدرة المصونة

باشا .. خروج براحتك .. تأخير براحتك .. عايش بلطجي كدة.يعنى باختصار محدش عايزك ههههه
2-واكل شارب نايم من غير ما تعمل حاجة .. زي ما تكون وريث العرش.يعنى تنابلة السلطان هههه كل وانتخ هههههههه
دماغك في العلالي .. ممكن الدنيا تتشال و تتهبد حواليك و انت مفيش أي مشاكل خالص .. المشاكل و الفسافس اللي في الدنيا دي آخرها أكلة محترمة و تروح تنام و كل حاجة تهون.ياسلام ههههه هى الحياة سهلة كده
ما دام أكلت و شبعت و مليت التنك هتعوز إيه تاني من الدنيا........هههههههه انت جعان علطول بقى

موضوع جميل هههههههه
نورت انا صح




Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.