العودة   منتديات المصطبة > الأقسام الترفيهية > المهيسون فى الأرض

المهيسون فى الأرض إفتكاسات وتهييس "بدون زعل"، شوية فرفشة على شوية نكت على مقالب مضحكة


1 
Abo3li

سلامه عليكو

اهلا بكل المهيسيين البشوات والهوانم

فكرة الموضوع د باختصار وبساطة

اني هعمل حلقة يومية ان شاء الله

اكتب فيها مشكلة اناقش فيها عصر الثورة او ما قبلها
بطريقة هزلية تهييس يعني

ولو ف حد مفهمش حاجة يحاول يضحك وخلاص
كداكدا تهييس اوك ؟

نبدأ الحلقات

صبرني يارب




2 
Abo3li

السلام عليكم ورحمة الله وبركاته

اعزائي عزيزاتي اعضاء وعضوات المنتدي
(( الراجل فرست ))

اقدم لسيادتكم اولي اخبار المصطبة دوت كوم

قرر السيد المسئول \ البرنس مهيطل سطل
انه لابد من تغيير عملة مصر
من الجنيه



للقرش


وحين سأله مراسل نشترنا عن الاسباب

أجاب :

القرش دلوقتي عامل ف رنج كدا بتاع تقريبا متهيألي
150 جنيه

تخيل بقي لو معاك جنيه (( 100 قرش يعني ))

وحيث ان الجنيه المصري الحالي مش بيعمل حاجة ولا مشوار تك تك حتي

انت لما تدي سواق التك تك نص قرش بس هيبوس ايدك شعر ودقن وممكن يوديك زحل لو عايز

ومن ناحية تانية
القرش ليه فوايد كتير

تخيل عملة لو ممكن تفردها وممكن تلفها
وبدل الحصالات ممكن كبايات

تخيل

تخيل مدي السعادة اللي الناس هتعيش فيها

ومن ناحية تانية القرش هيخلينا نرجع لايام الاشتراكية
اكيد محدش هيقعد يصرف قرش بحاله لوحده
لازم صحبه وشلة فلة شمعة منورة

اسف سيدي للمقاطعة معنا الان خبر عاجل :

مراسلنا التاني بقي يتحدث :

من اعلي برج الجيزة ف مواطن واقف (( من غير هدوم ))

وعمال يزعق يقول :


كنا مش لاقيين رغيف العيش
كنا مش عارفين نعيش
دلوقتي كل المشاكل اتحلت مع قرش حشيش
عيش وسبني اعيش



انتظرونا بنشرة اخبار نهاية الساعة

راجع راجع




4 
Abo3li




الشارع المصري



(( حادث مؤسف في جمهورية وانا مالي الشعبية ))






حادث غريب من نوعه جعلني اتوقف عن نقل خبر جديد لكم

وانما انا هنا اليوم لاخبركم بحادث مؤسف حدث بالأمس مع مراسلنا


فاترككم معه لتسمعوا منه ما يروي بلسانه




امس كنت بزيارة سريعة لجمهورة وانا مالي الشعبية

وكانت زيارة في غاية الاسف والندم عليها

حقيقة كل ما استفدته هو ان تلوثت عيني بمناظر لا تليق بادميين


بداية احكي لكم موقف صغير:


كنت بتمشي في الشوارع ادور علي خبر اجيبهلكم

وبعدين لقيت ان الشارع ذات نفسه موضوع مهم مش هينفع اسيبه يعدي كدا

وبالصدفة اشتريت كيس بسكوت من احد اكشاك السجاير هناك والتي نراها جميعا اذا مشينا باحد الشوارع هناك

وبعد ان انتهيت من اكل محتويات الكيس رحت ادور علي سلة قمامة ارمي فيها الكيس

فضلت ماشي يجي ساعة ادور ومش لاقي وده كله وانا حاسس ان في واحد ماشي ورايا بيراقبني باستغراب

المهم فضلت ماشي والكيس مش لاقيله صرفة ولاني متحضر من بلد متحضره مش هينفع ارميه علي الارض

حطيت الكيس فس جيبي وقلت اقضي مشاويري عادي

ولما تقابلني سلة ارميه فيها

وبرده لسا حاسس اني متراقب

فوقفت وقلت لازم افهم اللي ماشي ورايا ده عايز ايه مني

ولما وقفت جاني سالني ليه انا عملت كدا

قلتله عملت ايه

قالي الكيس ليه مرمتهوش علي الارض والسلام

قلتله عشان النظافة العامة والمنظر الجمالي ومن ناحية تانية عشان اقتصاد البلد

قالي اقتصاد البلد ايه يا عم انت عبيط ولا ايه

قلتله لا

حضرتك لما ترمي وانا ارمي يبقي لازم حد يشيل وطبعا كلنا بنرمي ومحدش بيشيل

يبقي لازم الدولة تعين ناس تشيل ولا ايه

قال بعد ما احتار شوية

طيب الدولة مش بتبعت حد

قلت وماله

خلاص نعيش انا وانت في (( مزبلة )) والسلام

قالي اه وماله كدا ريحتني وريحت نفسك

لان احنا عشوائيين مش بنحب النظام


وبس علي كدا


بجد احنا في رحمة والحمد لله ان الكلام ده مش بيحصل عندنا

الناس هناك بتكره الشغل ومش بتعرف نظام

همها تاكل وتنام وخلاص


الحمد لله

والبقية ف الرحلة الحلقة الجاية .. انتظروها



Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.