العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
Layla

السلام عليكم و رحمة الله و بركاته



للانسان مننا معايير و مقاييس

على اساسها

بيحدد تعاملاته و توجهاته

و المعايير دى بيكون ليها اكثر من مرجعية

مرجعية دينية

او اجتماعية

او حتى نفسية


المهم


ممكن فى حياتك تشوف اختلال المعايير

لبعض الناس

و تشوف احكام ليهم و تصرفات

هما نفسهم شايفنها صح

لكن انت شايفها قمة الغلط


فأنا عايز افهم


ازاى فى ناس الى الان بتدافع عن مبارك


دى حاجة


الحاجة التانية


ازاى فى ناس صعبان عليهم الي بيحصل في مبارك


============


انا شايفة ان ده اختلال معايير

لما يكون فى مجرم

قتل و سرق

و بعدين تلاقى حد يدافع عنه

!!!!!!!!!!!!!


و تلاقى فى ناس تانية

صعبان عليهم المجرم نفسه

اللى قتل و سرق

!!!!!!!!!!!!!


بالله عليكم

اى حد عنده تفسير يجاوبنى


لانى بجد اتخنقت

و بدأت احس باليأس

لانى وجود ناس تفكيرها كده

بيقولى انه مفيش امل ننجح فى حاجة


ما هو انت لما تدافع عن مجرم

و مش عايزه يتحاسب

و كمان يصعب عليك

و تقول ده كبير فى السن


بجد مش قادرة افهم ازاى كده


هل كان لازم ابوهم و لا امهم

و لا اخوهم او اختهم

او حد من عليتهم يموت

عشان يفهموا حقيقته


ولو فى حد بيدافع عنه

ممكن تشرح لى وجهة نظرك

و لو حد صعبان عليه

ممكن تقولى صعبان عليك ليه


طبعا حتلاقى واحد بيقول


هو انت محموق اوى كده ليه


محموق المليجى


حقول لسيادتك


انه لما يبقى فى مجرم قتل و سرق

و بعدين ادافع عنه و يصعب عليا

يبقى انا ساويت المجرم بالضحية


و اظن ان ده لا يجوز ابدا

فى اى شرع او دين او ملة

ده الكفرة مبيعملوش كده


المجرم مجرم و يروح فى ستين داهية


و الضحية ده هو اللى يستحق الحزن عليه

و الترحم عليه


الوضع بالنسبة ليا

طفلة عندها 10 سنين

و جه مجرم اغتصبها

و بعدين عذبها

و قتلها

و فوق كل ده شوه جثتها


و فى الاخر

الاقى ناس بتدافع عن المجرم ده

و ناس تانية صعبان عليها

( حرام ده كبير فى السن )


بجد ده اختلال معايير حقيقى

و مش لاقى له اى تفسير

و لو حد عنده تفسير

يا ريت يقولى


يقولى ازاى نساوى المجرم بالضحية

و ندافع عنه

و يصعب علينا




و كفاية كده




- اختكم ليلى-




2 
Layla

و احب اقول انو حقيقة بالرغم اني مش مصرية لكن مش بقيت طايقة اى بنى ادم
لازال الى الان
بيدافع عن مبارك

و بقوله حسبى الله و نعم الوكيل فيك


تعددت اسباب الدفاع عن مبارك
و منها

ارحموا عزيز قوم ذل
و ليس منا من لم يحترم كبيرنا

و غيرها من الجمل
و التى لها وقع دينى

ايضا
يقول البعض
حسابه عند ربنا

و البعض الاخر يقول
نسيبنا بقى من اللى عمله
ماهو لو غلط ربنا حيحاسبه

الخلاصة
ان كتير جدا من الناس
بتحاول بغباء انها تدافع عنه


و بيتكلموا بمنطلق دينى
يأسر عقول الشعب الغلبان

و نسيوا حديث سيدنا محمد
صلى الله عليه وسلم

انما اهلك من قبلكم انهم اذا سرق فيهم الشريف تركوه
و اذا سرق فيهم الضعيف اقاموا عليه الحد
و ايم الله لو ان فاطمة بنت محمد سرقت لقطع محمد يدها
او كما قال صلى الله عليه و سلم

و اظن ان الحديث ده فعلا يوفر الرد الامثل
على كل بنى ادم فاسد
بيقولك مبارك مش يتحاسب
عشان خاطر هو كبير و لازم نحترمه
او عشان هو خدم البلد !!!!!!!
او عشان هو رمز و العالم حيضحك عليكم !!!!!!!!

واحد سرق
يبقى يتحاكم
الا لو كان مبارك عندكم
يا اصحاب الفضل و الكرامة
اشرف من فاطمة بنت رسول الله

طبعا لازم يثبت انه سرق
و لو طلع برىء

خلاص
نعتذر كلنا و انا اول واحد

انما كان لازم يتحاكم و نشوف سرق ولا لا
و لو سرق فعلا يبقى يتعاقب
و ياخد جزاؤه

و كفاية بقى حجج حقيرة

اما بالنسبة لمسئوليته عن قتل المتظاهرين
فخلونا نفتكر سيدنا عمر بن الخطاب
لما كان خايف ان بقرة تتعثر فى العراق
فيسأله الله عنها
لم لم تمهد لها الطريق

بقرة !!!!!!
حيوان !!!!!!!!

ما بالكم بانسان !!!!!!!!



و طبعا بقى نقطة اصله ميعرفش
لا اظن محتاجة كلام
لانه حاكم و مسئول عن البلد كلها
و اذا مكانش قادر يتابع
و مكانش قادر يختار مساعدين محترمين
يبقى مينفعش يحكم من الاساس
و زى ما بيقولوا
القانون لا يحمى المغفلين

طبعا الموضوع كله
نتيجة الخطاب الاهبل اللى طلع بيه عليكم
و اللى للأسف فى ناس اقتنعت بيه !!!!!!!

زى بالظبط المساكين
اصحاب القلوب الرحيمة
الطاهرة البريئة
اللى صعب عليهم بعد الخطاب التانى
ايام الثورة
و مجاش ابدا فى دماغهم الناس اللى ماتت

كل اللى اهتموا بيه
( يحز فى نفسى )


بجد انا مش لاقى ليهم وصف

بس عمتا
بس الحق ظهر و اثبت بالدليل
و خلصتو منو
واستريحتو من باب شر
كان مفتوح عليكم من فترة طويلة
بس ما تفتكروش انكم فعلا افقلتوه
طلع لسه موارب
و بيدخل سموم عليكم
و بيحاول يزرع فتنة بين الشعب و الجيش
عشان البلد تنهار
اخيرا

الخطر كل الخطر
بيبقى من المنافقين
لانك مش تعرفهم
زى ما انت عارف عدوك

فياريت كل واحد ياخد باله
و لو لقى حد بيزرع فتن يقف له
و لو شاف واحد عايز يولع الدنيا
يولع هو فيه
لان خلاص
دا هو وقت الخطر الحقيقى
خطر الفتنة بين الشعب و الجيش
اخر خط دفاع لمصر و اهلها


ههههههههههههههه
اتمنى الموضوع يعجبكم
و تاخدوش الامر بتعصب


5 
Abo3li

السلام عليكم ورحمة الله وبركاته

بغض النظر عن وجهة نظري
بس انا حابب اوضح لحضرتك حاجة

انا مش زيك ولا انتي زيي
لو ليكي أخ او أخت اكيد مش بتتفقوا علي كل حاجة

كل واحد ف الدنيا دي مختلف وليه شخصية مختلفة زي البصمات كدا
حتي الصوابع ف الانسان الواحد بتختلف وبتختلف بصمتها

ازاي الناس هتتفق علي انسان أو هتختلف عليه

الديموقراطية لازم تخلي ناس تقول كدا
ولازم تخلينا نسمع كلام الناس دي ونفكر فيه ونحترمه حتي لو شايفينه قمة الغلط

اتمني كدا اني اكون جاوبت علي اهم تساؤل عندك

وشكرا



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.