العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

انا الراجل هنا يابت

كاتب الموضوع: احساس ملاكـ !، فى قسم: منتدى النقاش الجاد


1 
احساس ملاكـ !

طبعا كلنا بنسمع الكلمه دي كتير جدااااا
انا الراجل انتي لا
واعمل الي انا عايزو





اناراجل اسهر براحتي لكن انتي اخرك المغرب

انا الراجل عادي احب لوانتي عملتي كده هموتك

انا الراجل ليا اصحاب بنات لكن انتي اصحابك البنات بس ومفيش ولاد ومتكلميش ابن عمك
وبلا ش تمشي مع صحبتك دي عشان مش بتعجبني


انا الراجل ليا حق اني اضرب مراتي محدش يدخل بينا

انا الراجل اعمل الي انا عايزه محدش ليه دعوه



كل شويه انا الراجل انا الراجل
طيب عرفنا خلاص

ارحمو ياجدعان
بس لما بتحتجونا بنبقي عسل

طب ليه منبقاش عسل علي طول؟


لازم تفهمو ان احنا بردو لينا حقوق وحاجات كتير زيكم

اشمعنه العنصريه فكل حاجه
اشمعنه الولد يعمل الي عوزه واحنا لا
حتي لو الي هنعملو مش غلط يقولو حرام
بالزمه ده يرضي حد

ولا هو الراجل راجل بالزعاق والشتيمه والاهانه لا طبعا

ولا انو يفهم المرأه ويبقي حنين عليها
دي المرأه تكسبها بكلمه واحده حلوه

يبقي ليه كل ده ؟؟؟؟




انا عرضت عليكم مشكله بقت موجوده كتير
ومش عايزه توبيك جميل وكده والنبي
لا انا عايزه نقاش ورايكم




2 
*منه*

ايه دا تصدقي والله معاكي حق

بس بالنسبه ليا
احنا مش عندنا في البيت كدا خالص انا االراجل وانتي البنت والكلام دا
او يمكن عشان اخوايا مش اكبر مني فمش بيقول الكلام دا ممكن برده

بس بجد الراجل مش من حقه يقول الكلام دا خالص لان معدش دلوقتي في فرق بين الراجل والست
التعليم بقي واحد والشغل كمان ومصروف البيت كل حاجه بقت بالمشاركه

فليه بقي انا الراجل وانتي البنت

اما بقي بالنسبه لتصحبي كذا ومتخرجيش ومتحبيش ومتكلميش
البنت لو اتبعت تعاليم دينها كويس واتربت صح من الاول
مش هتكون محتاجه اصلا يتقلها الكلام دا
وفي ايديها هي بس تخلي ثقه اهلها فيها كبيره


مقولتش جميل ونايس والكلام دا اهو
هههههههههههههه
حلو الدش دا

لا بجد موضوع جميل
تسلم ايدك ياقمر



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.