العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

من اغرب شروط البنات !!!!

كاتب الموضوع: قلب برئ، فى قسم: منتدى النقاش الجاد


1 
قلب برئ

السلام عليكم ورحمة الله وبركاته






كلنا عارفين شروط البنوتات القمرات في فارس الاحلام
زي


التدين والالتزام ويكون بيحبها ويراعي ربنا فيها


ويحترمها ويخاف عليها وكل المميزات دي




لكن في شرط بعض البنات مش بتتنازل عنه



الشرط هو العريس يكون مقطوع من شجرة



الصراحة اول مرة اعرف ان الشجرة بيتقطع منها رجالةمن اغرب شروط البنات !!!! s04.gif



المهم تيجي تسال البنوتة العسولة ليه يعني الشرط ده



تقولك اصلي مش عايزة دوشة مامته او اخته او باباه او اخوه


باختصار عايزاه وحيد خالص عشان ارتاح في عيشتي معاه




طب وهو مامته او اخته واهله بصفة عامة



هيعملولك ايه ؟ ايه الازعاج الي انتي مش عايزاه اوخايفة منه ؟



ليه مش تحبي يكون له اهل وتعتبريهم زي اهلك ؟


بجد بحاول افهم التفكير ده بتاع بعض البنات


ومش بلاقي اجابة مقنعة ولا حتى منطقية



للبنات

بكل صدق هل تفكيرك مشابه للفكرة الي طرحتها ؟؟


لو بنت صحبتك او قريبتك سمعتيها بتقول الشرط ده
هتكون نصيحتك ليها ايه ؟؟




للشباب

لو صدفة سمعت حبيبتك او البنت الي انت ناوي تخطبها
بتقول لصحبتها ياريته كان مقطوع من شجرة
هيكون رد فعلك ايه ؟ هتكمل ولا هتنسحب ؟؟



وايه وجهة نظرك في الموضوع ككل ؟؟



للجميع

الفكرة دي تندرج تحت أي بند
الانانية ولا وجهة نظر تعبر عن حرية شخصية
ولا حاجة ما يعلم بيها الا ربنا ؟؟




من اغرب شروط البنات !!!! qatarw_pFuihQ898X.gif




2 
habeb2011

بصراحه انا أؤيد هذا الرئ بشده طبعا هتستغربي

اني ولد وبقول كدا

طبعا مش معني ذلك يقطع اهله لا انا اقصد انه لما يتزوج يسكن لوحده مش مع اهله

الله لا يوريكي بعد الزواج بيحصل ايه بين اهله وبينها علي ما اسمع يعني ههههههههههههه

تحياتي علي موضوعك الاكثر من رائع

أخوك حبيب


3 
قلب برئ

اقتباس: المشاركة الأصلية كتبت بواسطة habeb2011  مشاهدة المشاركة
بصراحه انا أؤيد هذا الرئ بشده طبعا هتستغربي

اني ولد وبقول كدا

طبعا مش معني ذلك يقطع اهله لا انا اقصد انه لما يتزوج يسكن لوحده مش مع اهله

الله لا يوريكي بعد الزواج بيحصل ايه بين اهله وبينها علي ما اسمع يعني ههههههههههههه

تحياتي علي موضوعك الاكثر من رائع

أخوك حبيب

هههههههههه ماشى يا جميل منورنى والله وردك حلو كتير


4 
يحيى طه

بصراحه انا أؤيد هذا الرئ بشده طبعا هتستغربي
تسلم ايدك


 من مواضيع يحيى طه

5 
احساس ملاكـ !

لا خالص انا ضد الفكرة دى
انا نفسى يبقى عنده خوات كتير واهله موجودين
عشان احس بالدافئ معاهم وحبى لاهله هيحببه فيا اكتر
وزى انا ماهعامل اهله هيعامل اهلى اكيد
وبعدين عيالى لما يطلعوا يلاقوا لبهم اهل كتير عمام وعمات
وعيالهم يحسوا بدافئ العيله وكدا
بس بشرط يكونوا مش عايشين معابا ف نفس البيت
من بعيد لبعيد كدا
ههههههههههههههههههه
عشان نبقى حبابيب وحلوين مع بعض انما لو عايشين مع بعض يبقى مقطوع من شجرة احسن
يسلمو يا جميل توبيكـ مميز



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.