العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

ناديه سهوكه وسيد انتكا

كاتب الموضوع: احساس ملاكـ !، فى قسم: منتدى النقاش الجاد


1 
احساس ملاكـ !

الواد سيد واد كسيب بس بيحب يملى الفراغ العاتفى اللى عنده بانه يعلق البنات وطبعا اللى على الشكل ده لازم يقع فى حد شكله

سيد انتكه علق البنت ناديه سهوكه

ومع شويه سهوكه ومع شويه كلام حلو من الواد سيد

الاتنين انتموا مع بعضناديه سهوكه وسيد انتكا s04.gif

المهم ناديه كل همها انها تحس بانوثتها مع الواد سيد

والواد سيد علشان كان كسيب كان بيصرف بعبط علشان يعجبها

والبنت ناديه علشان كانت فاضيه ومسهوكه كانت بتحب الدلع مع سيد

وفى يوم اخدها معاه وقالها هافسحك على الكورنيش يا ناديه

ركبت معاه التوك توك بتاعه وطلعوا على الكورنيش

وشغلوا اغنيه لو مكنتش انت تدلعنى مين هايدلعنى


وفى عز الانبساط

ناديه قالت لسيد يا سيد انت بتحبنى

قالها طبعا طبعا بحبك

وطبعا سيد كان حبها فعلا

قالت له طيب تعمل ايه لو انا بعدت عنك

قال لها من بعدك حياتى مش هاتبقى حياه


قالت له طيب

تتجوزنى يا سيد


سيد فكر وفكر وفكر



قال فى باله ناديه دى للخروج وللدلع والفرفشه وتقضيه الوقتناديه سهوكه وسيد انتكا s06.gif



بس هل ناديه دى تنفع تكون زوجتى وام عيالى

تنفع تكون حد اعتمد عليه

.. .. .. ..

ومن يوميها وهوه بدا يتهرب من ناديه سهوكه وناديه سهوكه حست انها ضيعت عمرها فى السهوكه والدلع والكلام ده اثر على سمعتها



بزمتكوا كده فيه كام سيد وكام ناديه

؟؟؟؟

وهنا السؤال



هوه فية بنات للتسليه وبنات للزواج ؟



وهل فيه بنت تنفع تكون صديقه بس متنفعش تكون زوجه وبنت تنفع تكون حبيبه ومينفعش تكون زوجه


وهل انت ايها الشااب المحترم ممكن تمشى مع واحده لمجرد التسليه بس ؟؟



وايه اللى بتكسبيه عزيزتى الفتاه لما بتتسهوكى والناس تقول عليكى دلوعه ومع الاسف مش بتسوى بصله فى سوق الزواج ...




2 
الرجل الغامض بسلامته

هههههههههههههههههه
هوه فية بنات للتسليه وبنات للزواج ؟
منقدرش نعمم والله حسب الشخص اللى هى بتمشي معاه ده هو بيحبها فعلا وهيتزوجها او هو بيمشي معاها وبيحبها عشان يتسلي لكن منقدرش نقول البت دى بتاعت تسالى لو عاوز تتفسح روح خدها
وهل فيه بنت تنفع تكون صديقه بس متنفعش تكون زوجه وبنت تنفع تكون حبيبه ومينفعش تكون زوجه
معتقدش والله كله بيتزوج زى ما قولت على حسب الشخص نفسه

وهل انت ايها الشااب المحترم ممكن تمشى مع واحده لمجرد التسليه بس ؟؟

عن نفسي لا تسلية ايه؟ احنا لينا اخوات بنات برضو
تسلم ايدك ع الطرح المميز


4 
فاطمة الزهراء

انا شايفه ان معظم الشباب بتفكر التفكير ده وبرضه زي ما في بنات للتسليه في شباب للتسليه
مع اني مش فاهمه ايه المغزي من التسليه دي بس عامتا
تسلم الايادي علي الموضوع الجميل


5 
shere

هوه فية بنات للتسليه وبنات للزواج ؟
البنت اللى بتعمل نفسها تسليه للشاب لما بتسلمله نفسها وياخد اللى عايزه كده بقت البنت مجرد تسلية ف ايده
انما لو حافظت ع نفسها ومغلطتش عمرها ما هتبقى تسليه


وهل فيه بنت تنفع تكون صديقه بس متنفعش تكون زوجه وبنت تنفع تكون حبيبه ومينفعش تكون زوجه
اكيد طبعا
الصداقة شئ والحب شئ آخر

انا مثلا عاندى اصحاب بنات وجدعان جدا معايا ويقفى جنبى لو فى محنة واقف جنبهم برده
عمرنا ما فكرنا اننا فى يوم من الايام ان حد فينا يبص للتانى بصه حب وكلام من ده
كل اللى بينا حب اخوه وصداقة
هيه دى البنت اللى
ب 100 راجل هيه دى

وهل انت ايها الشااب المحترم ممكن تمشى مع واحده لمجرد التسليه بس ؟؟

والله دى بتفرق من شاب لشاب آخر
مثلا ممكن امشى معاها وهيه عارفه ان انا مش ها ابفى ليها واحنا ماشيين مع بعض مجرج تسليه او تضييع وقت ف الحاله دى عادى
انما باه لما اكدب عليها واقولها افضلى معايا دا انا بحبك وها اتجوزك والكلام ده
وفى الاخر معبرهاش دا اللى مينفعش
طولت شويه ... مش مشكلة
تسلم ايدك ع التوبيك




Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.