العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

لازم نسمع بعض يا شباب ويا بنات مصر

كاتب الموضوع: عضة اسد ولا نظرة حسد، فى قسم: منتدى النقاش الجاد


1 
عضة اسد ولا نظرة حسد

السلام عليكم ورحمة الله وبركاته

بسم الله الرحمن الرحيم


بقينا فى زمن الغنى بيدوس على الفقير والفقير يا عينى لازم يستحمل ويقول الحمد لله على كل شئ

بقينا فى زمن النهب علنى يعنى عينى عينك انا شايفك وانت بتسرقنى وغصب عنى ساكت لانى ايدى تحت درسك

بقينا فى زمن الى بينضرب يقول عايز تانى وميقولش لا لانه لو قال لا اهله وحرمة بيته هيتشردوا وهيحصلهم حجات هو فى غنى عنها

بقينا فى زمن ابن البلد بقا غريب يعنى مكانك مش بلدك لانى مصر مش ام حد مصر ده ام الناس كلها

يعنى متقولش عايز اشتغل ده انت ابنها الى المفروض تشوف كده وتسكت مش بلدك وتسيب فرصة عملك للى جي من بره علشان يعرف انى مصر مليانه خير ولا ايه يا عم المصرى

بقينا فى زمن الاب بيبع ابنه ومراته وبنته علشان الفلوس ربنا يحرقها الفلوس الى جابت البشر كلها لورا

انا شاب مصرى وبقول كفايه بقا عايزين نعيش عايزين نشتغل مبنقولش عايزنها بالساهل عايزين نتعب وناخد على قد تعبنا عايزين نحس انى ده بلدنا مش بلد حد تانى عايزين ولو لمره واحده نحس انى حكومة بلدنا علشان امننا احنا مش امان لحد تانى عايزين شقق لكل واحد مننا هندفع فيها لانى برده مش عايزينها بالساهل بس مش بالمبالغ المهوله الى بتقولوا عليها وهنجبها منين والحمد لله على كل حال بجد تعب والله تعبت وبجد ولا ثوره نفعت ولا اى حاجه لما يا عينى اشوف واحد شغال على عربيه بياكل منها عيش ويطلع شوية بلطجيه وانا راكب معاه وعينى عينك عايزين يسرقوا منه الحاجه ده يبقا امان بلدنا الى احنا طلبينه يبقا هو ده الشعب الى محتاج تغير بجد

مبقتش فاهم مين الى يتحاسب من مين الى ميتحاسبش ؟؟؟؟؟؟؟؟؟؟؟؟؟؟؟؟؟؟؟؟؟




2 
فاطمة الزهراء

اولا احيك علي موضوعك
ثانيا/لا يغير الله قوما حتي يغيروا ما بأنفسهم عشان نوصل للي انت بتطالب بيه لازم نعمل جاهدين عشان نحققه مع بعض بتعاوننا مع بعض انت شايف ان الثوره محققتش حاجه وانا شايفه انا الثوره لسه مانتهتش عشان تحكم عليها لسه كام مصري الي الان في التحرير عشان يحققوا كل طلابتنا كام شب زي الورد راح ضحيه الفساد عشان خاطري وخاطرك كام ام صحيت مالقتش ابنها في الدنيا كام ابن عنيه فتحت بقا من غير اب كام شاب اتكتب علي جبينه انا فداكي يا مصر وانكتب عليه يعيش بعاهه او اصابه قلب كام مصري اتحرق علي وردنا اللي فتح وفي عز زهوه مات الثوره لسه مانتهتش ومش هتنتهي الا بحقوقنا اقف موقف اجابي وانزل قول انا عايز حقي واقهر الظلم والفاسدين كمل مشوار الشهيد قوله دمك مرحش هدر



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.