العودة   منتديات المصطبة > الأقسام العامة > الترحيب والتهانى

الترحيب والتهانى منتدى الترحيب بالأعضــاء الجدد والإهداءات ومشاركـة الأعضــاء فى المناسبـــات


1 
Abo3li

السلام عليكم ورحمة الله وبركاته

مش عارف ابدأ كلامي منين
ولا عارف اقول ايه بالضبط

بس انا حابب اقول للكل شكرا
وحابب اقول لاي حد زعل مني سواء كان فهمني صح او غلط انا اسف اني اسأت لحضرتك

وحابب اقول للكل يارب تدوم الحب والمحبة وروح الود بينكم
وللافضل والاحسن دايما يارب

بصراحة انا مش عارف اقولكم ايه
بس يمكن العملية مغلبطة معايا حبتين اليومين دول
والمشاكل والضغوط كترت بطريقة غريبة ..مش مهم
بس انا يمكن مدخلش تاني ولو دخلت هيبقي حاجة بسيطة اطمن ع اخباركم وكدا يعني
اشوف الكل عامل ايه
واشوف المنتدي اخباره ايه
من فترة للتانية باذن الله واتمني انه كل يوم مرة يكون افضل

انا ممكن الايام الجاية د ادخل ف كام عملية جراحية كدا
فادعولي بقي ربنا يشفي
ويهدي

وانا اكيد ان شاء الله هديعلكم

ف الآخر حابب اقولكم
بغض النظر عن طريقة تفكير كل انسان او كل عضو هنا
وبغض النظر عن قدراته الذهنية
وبغض النظر عن الفروق والاختلافات الشخصية
واكيد ان كل واحد ليه وجهة نظره
سواء ف تواجده ف المنتدي او ف الحياة عموما يعني

بس اهم حاجة هنا هي الحب والمودة بين الاعضاء
رجاء حافظوا عليها
تقبلوا بعض بصدر اوسع واكثر ترحيبا
يعني بلاش نقف لبعض ع الوحدة
وبلاش ناخد الامور بحساسية دايما
واهم اهم حاجة نحاول نفرض النية الحسنة للطرف الآخر

دا تقريبا كل الكلام اللي عايز اقولهلكم

اترككم ف رعاية الله وامنه
السلام عليكم ورحمة الله وبركاته

اه حاجة اخيرة معلش :
لو حصلت اني مت او غبت عنكم لفترة طويلة او مهما حصل
حاولي تفتكروا ليا الحاجة الكويسة مني بس
ولو مش لقيتكم حاولوا تنسوني (( واكيد د سهلة عند ناس كتير ))
وياريت ياريت لو اي حد زعلان مني ف اي حاجة يسامحني

والسلام عليكم ورحمة الله وبركاته




3 
*منه*

باذن الله ترجع بالسلامه ياابو علي
وباذن الله ديما هنكون فاكرينك بالخير
والمنتدي اكيد ميستغناش عنك ولا عن الموضيعك اللي بجد مفيده والله وكمان ارائك

وربنا مايجيب زعل ابدا



4 
عيون حائره

وعليكم السلام ورحمه الله وبركاته
ربنا يشفيك ويقومك بالسلامه
ان شاء الله خير
وان شاء الله ميكونش حد زعلان منك في حاجه
واكيد هتنور المنتدي في اي وقت



Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.