العودة   منتديات المصطبة > الأقسام الإخبارية > أخبار الرياضة Sports

أخبار الرياضة Sports اخبار رياضية على مدار 24 ساعة ومتابعة أهم البطولات المحلية والعربية والعالمية


1 
الرجل الغامض بسلامته

Kill Diabetes

مران الأحد : غياب متعب .. عبدالله السعيد يتألق ويحرز هاتريك .. إصابة نجيب .. جوزيه يعالج اللاعبين نفسياً 1316334643.jpg



استأنف الفريق الأول لكرة القدم بالنادى الأهلى تدريباته الجماعية استعداداً لمباراة إنبى فى كأس مصر يوم الأربعاء القادم .

بدا المران فى التاسعة صباحاً بمحاضرة طويلة من جوزيه للاعبين سعى من خلالها لإخراج اللاعبين من الحالة التفسية السيئة التى يعانون منها بعد الخروج الأفريقى .

بعدها ادى لاعبو الفريق الذين شاركوا فى مباراة الترجى التونسي تدريبات بدنية مع البرتغالى فيدالجو اشتملت على جرى وإطالات واحماءات .

بينما أدى باقى اللاعبون تدريبات خفيفة بالكرة بحيث يتبادلونها مع بعضهم فى شكل (ون - تو) .

بعدها أجرى جوزيه تقسيمةبلونين (أحمر وفوسفورى) بين اللاعبين بحارسي مرمى هما محمود أبوالسعود ومؤمن جابر .

وضم الفريق الأحمر كلاً من : محمود أبوالسعود ومحمد نجيب ودمينيك وشريف عبدالفضيل وشهاب أحمد وحسام غالى وأحمد شديد قناوى وجونيور ومحمد عبدالفتاح (تاحا) .

بينما ضم الفريق الفوسفورى كلاً من : مؤمن جابر وأحمد السيد والسيد حمدى وأحمد نبيل مانجا وعبدالله السعيد ومعتز إينو ومحمد فضل ووليد سليمان وأيمن أشرف وأحمد العش .

وأوقف جوزيه المران أكثر من مرة لعدم تنفيذ اللاعبين التعليمات الفنية بشكل صحيح, وظهر على اللاعبين الندية والجدية والحماس الشديد للتركيز فى بطولتى كأس مصر والدورى بعد ضياع الحلم الأفريقى .

من ناحية أخرى أدى الثنائى أحمد عادل عبدالمنعم وشريف إكرامى تدريبات خاصة مع أحمد ناجى, ولكنه انفرد مطولاً بعبدالمنعم لتهيئته نفسياً بعد الهجوم الذى تعرض له عقب تعادل الفريق أمام الترجى التونسي .

وفى إطار آخر أدى حسين غنيم لاعب الأهلى الشاب جرياً منفرداً حول الملعب فى إطار برنامجه التأهيلى, بعدها أدى تدريبات خفيفة بالكرة .

وشهد المران غياب عماد متعب مهاجم الفريق, وتألق عبدالله السعيد بشكل لافت للنظر وأحرز هاتريك , كما تعرض محمد نجيب لكدمة فى صدره بعد تدخل قوى من تاحا .



2 
5Lik Fe 7aLk

ياعم بلا تدريبات بلا قرف ونبى دى لعيبه بتاخد ملايين وكل واحد يطلب الى عايزه ومش عارفين نكسب الترجى بعد هديه المولوديه لينا

مش عارفين نجيب جون واحد ولاعيبه بتاخد ملايين الملايين ومش هامهم اى حاجه

بلا قرف

يروحوا يجيبوا شويه لاعيبه من اى نادى مغمور والله العظيم هيأدوا احسن من الاعيبه الى بياكلوا فلوس دول


حرام عليهم حرقه دم الجمهور الغلبان دا والله الى بيدفع فى التذكره فلوس اد كدا وبيتبهدل والاخر لاعيبه تحرق دمه ع الفاضى


4 
5Lik Fe 7aLk

اقتباس: المشاركة الأصلية كتبت بواسطة ahmed.abotrika  مشاهدة المشاركة
اانا مقدر شعورك بس مش متفق معاك خالص
اصلا مين كان متوقع ان الاهلى هيصعد ؟؟
كلنا كنا بنعشم نفسنا وعارفين ان الاهلى لسه مش رجع مستواه
بس مش ننكر ان المستوى بيزيد مرة في التانية
وبعدين البطولة دى مش هتزود الاهلى في حاجة ولا نقصته حاجة


ياعم تريكه دا الاهلللللللللللللللللى بطل القرن وافريقيا

ازاى مش عارف يجيب جون وعلى ارضه وسط جمهوره ومعاه كل اللعيبه دى

يبنى اقسم بالله لو جبنا فريق ملوش فيها وقولناله لو كسبت الماتش دا هنديلك مكافاه 20 الف جنيه واقسم بالله هينزل ياكل النجيله

انما دى لعيبه بتاكل فلوس مش هامهما ماتش ولا بطوله مش هتنقصه فعلا زى ماقولت لانه بيقبض ملاييين ايه يعنى لما يخسر ماتش ويدفع غرامه 10 الف جنيه عادى ويحرق دم جمهوره الى بيدفع 5 ج تذكره وممكن مايكلش عشان يروح يتفرج ع الماتش عشان يجيب تذكره واللعيبه عادى جدا

6 ماتشات كسبنا ماتش واحد فقط خرسنا 1 واتعالدنا فى 4

ونبى دا فريق افريقيا والقرن؟

بلاش نضحك ع بعض

دا فريق عايز الحرق

عارف لو كان الاسماعيلى والله العظيم كان صعد من اول ماتشين انما احنا مش عارفين نكسب فى ارضنا بلا وكسه


5 
الرجل الغامض بسلامته

منا قولتلك المستوى مش اللى هو لكن مينفعش نقول عاوز الحرق
ومتنساش الترجى فرقه كويسة وشوفناها بتكسب برا ارضها 4 و 5
وكانوا عاملين رقابة جامدة على ابو تريكة اللى هو بيوصل الكورة للهجوم
وانا شايف الاهلى لعب كويس الشوط التانى بعد التغييرات
وفي الاخر انا هقولك انا مضايق وزعلان جدا ان الاهلى خسر
بس برضو هفضل اشجع الاهلى طول العمر مهما حصل ولا هقول عليه كلمة ابدا



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.