العودة   منتديات المصطبة > الأقسام العامة > منتدى المواضيع العامة

منتدى المواضيع العامة أهم المواضيع والقضايا العامة التى تشغل الرأى وتهدف إلى نشر الفائدة للجميع


1 
عاشق فن إرتواء العقل

بسم الله الرحمن الرحيم

مفاجأة لأسرة المنتدى

هنا فى مفاجأة لأسرة المنتدى / بقلم : عاشق فن إرتواء العقل get-10-2008-y2o20cts.jpg

نصحونى الناس وقالوا الحياة جميلة

نصيحة حلوة برغم أنى عارفها

ونصحت الناس وقولتلهم الحياة أحلى

هتكون أحلى الحياة لو حسيناها

من غير أساليب نمشى عليها ولا نظم

ولا حتى مبادئ ثابتة الحياة مش صعبة كده

الحياة سهلة للى يحسها ويحبها ويفهمها

والحياة أصيلة مع الإنسان الأصيل

الحياة فكرة وبعقولنا هنكمل كل الأفكار

ونرسم بقلوبنا أعمالنا وتصرفاتنا

ونفضل ذاكرين الله فى حياتنا

علشان نفوز بحياة كريمة فى دنيتنا

وبعد ما نصحت وقولت أن الحياة أحلى

بشكر اللى نصحنى وقال أن الحياة جميلة

ولازم نقول لبعضنا فى كل وقت

أن الدنيا لسه بخير للى عايز يشوفها بخير

وهتفضل بخير بينا طول ما أحنا كويسين مع بعضنا



حابب أقول كلمة فى نهاية كلامى

أنا كتبت الموضوع ده لأن فى ناس فعلا نصحتنى من أسرة المنتدى

لما شافت موضوعين لى

أنفاسى ضائعة و أنا ندمان أوى أنى عرفتك



أولا أنا بشكر كل اللى وقف جنبى بعد كتابة الموضوعين دول

ونصحنى وقالى الحياة حلوة ولسه فيها ناس حلوة كتير



وزى ما وعدت الناس الحلوة اللى نصحتنى أنى هقول حاجة

تعتبر مفاجأة للجميع




95 فى المائة من مؤلفاتى وكتاباتى خيال % خيال

ليس لها صلة بالواقع اللى أنا عايشه

وبالنسبة للموضوعين أنفاسى ضائعة و أنا ندمان أوى أنى عرفتك

فهما خيال وليس واقع



أنا بتخيل نفسى عايش فى واقع معين وبعيشه بطريقتى وبعبر عنه



وأى حد فيكم قرأ لى موضوع وشاكك فى أمره يبلغنى بأسمه وهقوله إن كان خيال أم واقع لأن زى ما قولت 95 % من مؤلفاتى خيال % خيال يعنى مش كله خيال بس النسبة الأكبر خيال



وأوعدكم أنى من بداية عيد ميلادى الحادى والثلاثون فى 12 أكتوبر 2011 ميلادية القادم سأقدم لكم مؤلفات من واقع حياتى وليست خيال % خيال وحضروا دموعكم لأنها هتنزل بغزارة



*** ملحوظة هامة للغاية ***



ياريت بعد إذنكم اللى قرأ موضوعى هذا يبلغنى فى رده هل المفاجأة صدمته أم لا ؟؟؟ وهل المفاجأة حلوة أم لا ؟؟؟ وأكون شاكر ليكم لو جاوبتونى بمنتهى الصراحة والشفافية



والسلام عليكم ورحمة الله وبركاته



والسلام ختام

ويارب حسن الختام لكل مسلم ومسلمة فى شتى بقاع الأرض



بقلم : عاشق فن إرتواء العقل

خالد نور الدين






2 
Abo3li

السلام عليكم ورحمة الله وبركاته

اولا : انا للاسف لم يحالفني الحظ لقرائة الموضوع السابقين لحضرتك
لكن باين ان حضرتك انسان يمتلك حس الابداع
والجميل جدا كمان ان حضرتك خيالك حاضر
وافقك واسع
لكن من الناحية الادبية او الشعرية في كلام حضرتك انا شايف ان حضرتك محدد هدفك كويس
ودا في حد ذاته حاجة جميلة
بس اسمحلي بقي اقدم لحضرتك نصيحة بس لو تتقبلها يعني
حضرتك لما تكتب حاول يكون هدفك في واضح طول الكاتبه
وتاخد ليه سكة مباشرة ويا سلام بقي لو تلعب بالتشبيهات والتمثل والاستعارات
بجد مع الخيال دا يكون مشروع فنااااااااان حقيقي
اتمني اني اكون مطولتش علي حضرتك
ومعلش انا بالنسبة ليا مفيش مفاجئة لان دا اول موضوع اقرأه لحضرتك

وفي النهاية لك مني خير تحية وتقدير
والسلام



Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.