العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
5Lik Fe 7aLk

بسم الله الرحمن الرحيم

حابب اتكلم عن حاجه بنشوفها علطول ادامنا فى كل حته

يمكن المشكله دى بتظهر فى الشعب المصرى بالتحديد هيا اكيد فى شعوب كتيره بس اوفر اوى هنا

ندخل فى الموضوع علطول

من كام يوم وانا بتفرج على برنامج القاهره اليوم

لقيت عمرواديب بيقول خبر كان ع اليوم السابع

الشيخ المحلاوى بيقول لحازم صلاح ابو اسماعيل احنا مستخسرينك فى حكم مصر

بجد وقفت عند الخبر دا كتيييييييير اوى

وعلطول جه فى بالى سؤال واحد بس

هو ايه الى عمله حازم صلاح ابو اسماعيل لمصر عشان المحلاوى يقوله كدا؟

هل دا رفع اقتصادنا ولا رجع السياحه ولا حل ازمه البنزين ولا رفع الاجور ولا هدى الاوضاع ولا ولا.....؟

عمل ايه الراجل

دا حتى لسه مبقاش رئيس وبدأوا
ينفخوا فيه امال لما يبقى رئيس هيعمل ايه فينا؟

مش يستنوا شويه بس لما الناس تنتخبه الاول وبعدين يمجدوا فيه براحتهم

قال ايه
مستخسرينه فى حكم مصر

الراجل ملاك ياعينى لدرجه ان مصر دى مش من مستواه ووهو كبير على مصر

نفسى حد يقولى بس حاجه وحده عملها للبلد تخلينا نقوله كدا

وانا والله لو حد قالى سبب انا اول واحد هديله صوتى المشكله ان الراجل معملش اى مصلحه حتى

فكرت شويه كدا لقيت سياسه
النفخ فى دم الشعب المصرى

تلاقى واحد عارف امين شرطه يفضل يقوله
يا سعاده الباشا يا سيادة اللوا يا مش عارف ايه

وهو امين شرطه معاه
دبلوم

وتلاقى واحد من الى قرفونا اليومين دول ملوش اى لزمه يطلع فى اى قناه ولا جريده يقولك عليه
الناشط السياسى مع انه اصلا مبيعرفش يكتب اسمه بس خلاص بقى ناشط سياسى والى يقربله الدنيا تقوم ومتقعدش

وتلاقى واحد يطلع ع الفضائيات يقولك والثوره والحكم والسلطه ومجلس الشعب والعسكر والحكومه والاخر تلاقيه يقولك انا
الدكتور فلانى

مش معاه اعداديه وبقى دكتور واكبر مثال الحاج توفيق عكاشه

والامثله كتييييييييييييره

اتضح فى الاخر ان سياسه النفخ فى دمنا نقول للوزير يا باشا مع انه موظف فى الدوله ونقول للمخبر يا باشا ونقول للظباط يا باشا ونقول للمهندس يا سياده المهندس وغيره وغيره

بجد حاجه مستفزه اوى ويحسسك انك ملكش اى لزمه كل البلد بقت بهوات وباشوات واحنا العبيد بتوعهم والمشكله ان دا مش غلط فيهم لا غلط فينا احنا الناس العاديين

تلاقى موظف يفضل يقول للمدير بتاعه شعر فيه ويمجد ويعظم فيه عشان يرقيه ولا يبقى حبيبه ويظبطه وتلاقى العيل يفضل يقول لابوه بحبك وانت ابويا وانت امى والاخر بيضحك عليه عشان عايز مصروفه يزيد

تلاقى الوزير فى مكتبه 200 موظف تحت ايده الى بيسرحله شعره والى بيمسحله الشوز والى بيهرشله والى والى.......

بجد الموضوع دا مدايقنى جداااااااا



والاخر بقى طلعت بنظريه
انفخ الشعب المصرى ينفخك والاخر الشعب بيقلب على الى عمال ينفخ فيه دا بس للاسف بعد فوات الاوان

لازم نتنفخ الاول ونتاكل على قفانا عشان نمشى صح والاخر نثور ونحلم ببلد جديده لحد دلوقتى لسه مظهرتش

حد عنده بلد سلف؟




3 
koko17

عندك حق هو الشعب المصري كدة لازم ينفخوا في اللي ميستاهلش
وبالنسبة لحازم صلاح ابو اسماعيل دة بقي مش عارفة اقولك علية اية بس انا معاك في اللي انت بتقولة جداااااااااااا وارجع تاني واقول هو الشعب المصري كدة لازم يضرب علي قفاة
وميرسي علي الموضوع وتسلم ايدك بجد موضوع مهم


4 
5Lik Fe 7aLk

اقتباس: المشاركة الأصلية كتبت بواسطة koko17  مشاهدة المشاركة
عندك حق هو الشعب المصري كدة لازم ينفخوا في اللي ميستاهلش
وبالنسبة لحازم صلاح ابو اسماعيل دة بقي مش عارفة اقولك علية اية بس انا معاك في اللي انت بتقولة جداااااااااااا وارجع تاني واقول هو الشعب المصري كدة لازم يضرب علي قفاة
وميرسي علي الموضوع وتسلم ايدك بجد موضوع مهم


منوووره ياقمر

شرفنى مرورك


5 
روفان

ههههههههههههههه لا شكلك منفوخ منهم جامد

هي المجامله مطلوبه لحد ما لان دا نوع من الزكاء الاجتماعي لكن بصراحه في مصر هي زياده عن اللوزم مووووت يعني لدرجه انها وصلت للنفاق

حازم صلاح ابو اسماعيل مش شوفتله اي مواقف اقدر اقول بعدها انو فعلا خساره يعني وحتي لو عمل حاجه كويسه دي بلده وكمان هنشكره لكن مش نمجد فيه زياده عن الزوم ونرجع نندم بعد كدا زى ماعملو مع ال قبله

مبارك المخلوع الحاشيه ال حوليه كانت بتمجد فيه بطريقه فوق الوصف لدرجه انو ذل فينا بعد كدا

لسبب دا بدايق من نوعيه من الناس بتمجد اوى في المجلس العسكري والجيش بلاش نزود في النفخ فيهم كدا عملو حاجه كويسه هنشكرهم عملو غلط يتعاقبو بلاش نجمد فيهم ونحسسهم انهم من المقدسات وخط احمر


لازم نتنفخ الاول ونتاكل على قفانا عشان نمشى صح والاخر نثور ونحلم ببلد جديده

مش معاك في الجمله دي لان لكل فعل رد فعل مش معقول هنكون عاشيين في رخاء وعداله وهنثور والا نبقي بنستعبط لكن يمكن قصدك اننا اتأخرنا شويتين

ميرسي محمود علي التوبيك

تسلم ايدك



Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.