العودة   منتديات المصطبة > الطريق إلى الله > القسم الإسلامى العام

القسم الإسلامى العام خاص بالمواضيع الإسلامية العامة المكتوبة التى لا تحتوى على صوتيات ومرئيات دينية

نفسك تصوم كل يوم ومش قادر

كاتب الموضوع: الزهرة البريئة، فى قسم: القسم الإسلامى العام


1 
الزهرة البريئة

نفسك تصوم كل يوم ومش قادر

بتبقي في الشغل طور النهار
وبترجع البيت مش قادر تسهر علشان تقيم الليل
طب واللي يجبلك حل بسيط اووووووي :)
تاخد بيه اجر صيام سنه كامله :)

وكمان تاخد بيه اجر قيام 365 ليله :)

الحل بسيط اووووي وهو موجود في حديث لرسولنا الكريم ( صل الله عليه وسلم )


قال فيه

( من غسَّل يوم الجمعة واغتسل وبكر وابتكر، ومشى ولم يركب، ودنا من
الإمام فاستمع ولم يلغ؛ كان له بكل خطوة عمل سنة أجر صيامها وقيامها ) رواه أحمد


اكيد برضه فيه ناس لسه مفهمتش حاجه من الكلام الكبير ده


يعني ببساطه هنعمل حوالي خمس حاجات قبل ما نروح الجمعه وهما





1- الاغتسال : يعني ببساطه استحمي قبل ما تروح تصلي وبلاش
تروح وانت شكلك وهدومك ( معفنين ) لاني عارف اني فيه ناس ما شاء الله نظيفه وبتستحمي في الاعياد بس :) :d


2 - المشي : بمعني انك هتروح المسجد وانت ماشي علي رجلك وبلاش تركب عربيتك :)


3 - يبكر : يعني تخش المسجد قبل ما يخش الامام
لاني عند كل باب من ابواب المسجد ملائكه تكتب اسماء من يدخل الاول فالاول :)


4 - دنا من الامام : يعني تكون موجود قريب من الخطيب علشان تقدر تفهم وتستوعب الخطبه كويس

وبلاش تروح اخر حته في المسجد زي ناس كتير اووووي علشان تسند علي الحيطه وتستريح عليها وتروح عليك نومه يا كسلان :) :d


5 - لم يلغ :يعني متقعدش تتكلم مع اللي جنبك وتحسسني انك داخل الجامع علشان تتعرف علي الناس :) :d



دول الــــــ 5 حاجات باختصار اللي لو عملناهم قبل ما نروح صلاه الجمعه هيكون اجرنا


صيام سنه كامله وكمان اجر قيام سنه كامله :) :)


بالله عليكم مين فينا ميقدرش يعمل الحاجات البسيطه دي قبل ما يروح صلاه الجمعه


اكيد كلنا هنعملها بعد ما عرفنا ثوابها الكبير اووووي ده


ومتنسوش النهارده تكثروا من الصلاه علي سيدنا محمد صل الله عليه وسلم :)



وكمان عاوزين نكثر من الدعاء
لاني يوم الجمعه فيه ساعه اجابه
وانا واثق انكم هتدعولي بظهر الغيب ومش هتنسوني :)


يارب اكون قدرت اوصل ليكم المعلومه ببساطه ومش اكون صعبتها اكتر :)

وانا استخدمت بعض الالفاظ المضحكه علشان محدش يمل من طول المقال :)



ايه الرغي الكتير اللي انا صدعتكم بيه ده ( ده انا طلعت رغاي اووووووووووووي ) . :) :d


جزاكم الله كل خير :)
واكرمكم الله بالفردوس الاعلي :)




4 
هادى الحياة

اللهم صلى وسلم وزد وبارك على سيدنا محمد
اللهم اغفر لصاحب هذا الموضوع وبارك له واجله فى ميزان حسناته
اللهم اغفر للمسلمين والمسلمات المؤمنين والمؤمنات
الاحياء منهم والأموات
إنك يا ربنا سميع مجيب الدعوات يا ارحم الراحمين



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.