العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
Bent Dalooha

السلام عليكم ورحمه الله وبركاته


هل فعلاً الاكثر ضحكاً هم الاكثر حزناً ؟؟

الضحك قد بات ليس إلا قناعاً يحاول الجميع اخفاء المستور كما يقال من ورائه.....!!!!
لم نعد نرى الضحكة و الابتسامة الحقيقية النابعة من قلوبنا ....إنمااصبحنا نرى ....مجرد ابتسامات لا طعم ولا لون لها ....ترتسم عنوة على وجوهنا ....نخفي من وراءها مشاعر الحزن و الأسى واليأس التي نمر بها .... !!!!
هل اصبح الضحك حقاً قناعاً نواجه به الأشخاص ....نلبسه كل صباح .... و نخلعه كل مساء مثقلاً بالابتسامات المزيفة ....؟؟؟؟؟
ترى هل نحاول خداع أنفسنا أم خداع الآخرين .....؟؟؟؟
هل أصبح زمننا الذي نعيشه يفرض علينا التحايل حتى بالابتسامة و الضحك ...؟؟؟؟
هل تعايشنا مع قناع الضحك ....كي لا نشعر الآخرين بمآسينا .... أم أنه الحال كي نستطيع التعايش مع الآخرين و يتقبلوننا كنوع من المجاملات ...؟؟؟؟

و السؤال الاهم :
هل فعلاً الناس الأكثر ضحكاً هم الأكثر حزناً ….؟؟؟؟؟




4 
ملكة بكبريائى

فعلا الناس الاكثر ضحكا هم الاكثر هما وحزنا وحتى العلماء اكتشفوا ذللك فى العلم النفسى
ان الناس الى بتضحك كثير هم اكثر الناس حزن

تسلمى ياقمر على التوبيك


5 
The Mechanic

سؤال جميل جدا احييكي عليه
بس الاجابة : لا طبعا وتماما ومطلقا كمان :D
اكثر الناس ضحكا هم اكثرهم سعادة اغلبا

انا عايز اقرب الموضوع اكتر بس هوضح شوية حاجات كدا اتمني انها تكون واضحة للكل

عقل البني ادم بيتسقم لعقلين في الحقيقة
واحد واعي ودا المسئول عن التعامل مع الواقع وبيفصل اول ما ننام
وعقل لا واعي ودا مخزن كبير جدا بيخزن كل حاجة وبيشتغل كانه برنامج لانه بينظم وظائف اعضاء الجسم كله
وبيخزن كل اللي بنشوفه بس فيه مشكلة واحدة انه بيتعامل مع كل حاجة علي انها حقيقة
يعني مثلا لو حد قالك نكتة عقلك اللاواعي بيخزنها علي انها حقيقة فعلا
يعني بمعني اوضح مش بيقبل اي شيء خيالي

وفي تشبيهين كويسين جدا
الاول : جبل الثلج ودا المثال اللي بيستخدمه معظم دكاترة الطب النفسي
لان غالبا ما بيكون ارتفاع جبل الثلج فوق سطح الماء بطعة امتار
انما تحت السطح قد يتعدي الكيلومترات
فهم يشبهون ما فوق الماء بالواعي وما تحته باللاواعي

الثاني : المنزل والبوابة
فالمنزل هو اللاواعي والبوابة هي العقل الواعي
الذي لا بد ان تمر منه اي معلومة او ملاحظة او حقيقة الي داخل اللاوعي

دي كانت مقدمة بسيطة عشان احاول اشرح يعني ايه عقل واعي ولاواعي

نيجي بقي للسؤال :

العقل اللاواعي زي ما قولنا بياخد كل حاجة علي انها حقيقة وكمان هو مسئول عن تنظيم المشاعر
يعني انا لو بضحك مثلا هو بيترجم ع طول علي اني فرحان وسعيد
وبيبدأ يدي الأوامر المختلفة للعضلات والاعصاب ... الخ بانها تتماشي مع وضع السعادة او الضحك

في لعبة حلوة بلعبها مع نفسي كدا لما اكون مخنوق

بغمض عيني وبتخيل او افتكر اي موقف في ابتسامة من القلب بجد
وابتسم
او حتي مش شرط افتكر او اتخيل
ابتسم بس وبدون اي سبب

ثواني وبلاقي مودي اتعدل وكله بدأ يرجع لوضعه التمام جدا الطبيعي يعني :D

خلاصة الكلام بقي عشان انا طولت اوي

الانسان مننا هو اللي بيحدد اذا كان هيكون سعيد او شقي تعيس
كل اللي محتاجينه روح مرحة او رياضية مع شوية رضا والاهم قناعة وامل
وبكدا عمري ما هكون بوشين واضحك وانا زعلان

والله انا عندي كلام كتير جدا في الموضوع دا بس انا طولت كدا اوي
شكرا ليكي
وياريت الكل يوصل للحقيقة دي




Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.