العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

فضفضه من نوع اخر

كاتب الموضوع: غــنـــــوه حزيــــــــنه، فى قسم: منتدى الحب والرومانسية


1 
غــنـــــوه حزيــــــــنه

فضفضه من نوع اخر 393533_305091909533361_209432822432604_875256_2125807099_n.jpg

وانا قاعده دلوقتى قولت ان بقالى كتير اوى مكتبتش فعلشان متخنقش لازم افضفض
فعدت ادور على المصطبه اى قسم اكتب فيه مشيت شويه ف شويه لقيت نفسى بكتب
فى القسم ده مهو من ضمن ان الواحد لازم يفضفض
وعذرا لانى لااتحدث باللغه العربيه الفصحى

رُحت لك علشان أفرحك، وسبت كل اللي ورايا، مقابلتكش ، رجعت ومعايا الدنيا كلها في جيبي إلا أنت
كلاكيت تاني مرة:

جيت لك سلمت عليك وفرحتك ،بس سبتني أروح لوحدي، شايلة الوحدة والبرد والأسى ويأس السنين على كتف واحد ،طبيعي..كان لازم يجيلي كرامب من تُقل الحمل عليا..

....

تصدق...كنت محتاجة أجيب شنطة أغلى شوية..يمكن تخليني اتماسك لمدة أطول
بس السعادة مش بنشتريها ..مهما الراجل الأجنبي قال لك إننا بنشتري لحاجات نفسية.

....

تعرف كمان، ديه مش مشكلة أي حاجة ،ولا أي حد ،
ديه روح العالم الشريرة مهنش عليها تسيبني مبسوطة...اليوم كان باين من أوله
بس أنا صمدت بقدر الإمكان، حاولت والله بس اتكسرت اوي على آخره.معلشي

...

بجد ظلم...إنك تختار تستنى وتستنى وتستنى كل الناس....ولما تحتاجهم يستنوك مش بتلاقيهم
وتقف تسأل نفسك...هو أنت ساذج اوي كده، ولا مجرد كومبارس كويس في حياتهم اللعينة وهم مش شايفينك أصلاً.

....

ملعون ده مجتمع اللي يخليك تُحبط كل ما تفكر في عاداته وعادات ناسُه اللي بتمثل قمة الغلط
ملعون ده مجتمع عنصري خلاني أكره إني بنت بدل المرة ألف مرة...كأني إنسانة درجة تانية

جواه حاجات كتير تستحق اللعنات مش هقدر أجمعها دلوقتي.


دكتور طارق ابن خالتى اكن لك كل الاحترام برضوا من ضمن الفضفضه لانك ممكن تدخل ع المصطبه باى وقت وتشوف كلامى ليك
شكرا لانك وقفت جمبى فى محنتى ورفعت راسى لفوق اوى


ربنا..أنا طلبت منك إشارات تدلني ع الصح كتير، ولما الإشارات جت عملت نفسي مش شايفة وفضلت أبرر حاجات مبتتبررش ،أخطاء مش عارفة أحسنها ،ودلوقتي مش عارفة مفروض إيه اللي يحصل نيكست؟ ممكن مساعدة ؟

بس حاسه انى عامله زى فيلم 8 جيجا مبرجه دماغى ع الكمبيوتر

وفى لاحظه البرمجه دى هتنتهى وانا هتنهى معاها

بس عندى امل وتفاؤل




4 
تقى القلوب

بنتى حبيبتى

معلش اذا كنت باقولك بنتى ...بس انا عندى قدك
عايزة اقولك وصدقينى هتلاقى الراحة فى كلامى
قال تعالى بسم الله الرحمن الرحيم

"الا بذكر الله تطمئن القلوب"
عارفة يعنى ايه؟؟؟
يعنى الزمى الذكر...والاستغفار...وصلى الوقت بوقته
واسجدى وادعيله بدموع عنيكى ...صدقينى سيجيب
انا متأكدة لانه قال"قل لعبادى الذين اسرفوا على انفسهم لاتقنطوا من رحمة الله" وقال "ادعونى استجب لكم"
عايزة ايه اكتر من كدا
تحياتى لك


5 
تقى القلوب

كل " شيء " هبــاء " ،،، " إلا " ذكــر " اللــه " بقــاء " " وكل " حب " سقم " وبلاء " ،،، " إلا " الحب " في " اللــه " دواء " " وكل " شغل " عنــاء " ،،، " إلا " الشغل " بطاعة " اللـــه " راحة " وهنــاء " " وكل " القلوب " تتفــرق " ،،، " إلا " قلوب " جمعها " حب " الله " وصدق " الإخــاء



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.