العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات


1 
غــنـــــوه حزيــــــــنه

مش عارفه اكتب ايه ولاايه اهو شويه شخابيط حسيت بيها
معرفش اكتبها فين ولالمين ملقتش الا نفسى بتكتبها ف قسم الحب والرومانسيه


عمرك تخيلت فى يوم ان فى انسان حتى وان كنت متعرفوش

بيتصرف نفس تصرفاتك [:)]

نفس افعالك , ضحكاتك , حزنك , حيرتك .. ؟

فكر فيها كدة

ربنا خلق كل حاجة فى الانسان اتنين

عندك عدد 2 ايد , و 2 عيون و2 حواجب ^^ .. ألخ

بس خلقك بقلب واحد ..... , ليه ؟؟



عشان فى قلب تانى مستنى يكمل قلبك [♥]

من زمان وانا عندى افكار مريحانى جدا

لو مشيت فى طريق وبصيت على خطاوى رجلى وانا بمد وانا بجرى او حتى ماشيه مع زميلاتى

على طوول كان ينط فى مخى انه بيعمل نفس الحكايه بنفس الحركات فى نفس الوقت دة

ووقت ما ازعل او يعكنن عليا موقف معين .. كنت اقول لنفسى معلش [:)]

ما هو كمان حصل فيه كدة دلوقتى وفى نفس اللحظة ابتسامتى تلزق فى ودانى ^^"

حتى فى وقت فرحك .. تحس انه مشاركك الفرحه وقلبه مرتاح

اوقات كتير تحس ان قلبك مرتاح من غير سبب !

حاسس ان الدنيا واسعه اووى .. وفرحتك اكبر منها

وفى الحقيقه الوقت ده اتاكد , ان فى انسان افتكرك وأبتسم

أو حصله موقف وفكر فيك حتى وان كنت مش موجود فى حياته دلوقت

حتى وان كان الانسان ده متعرفوش ولا يعرفك بس هوا فرح .. فقلبك فرح معاه

وهى دى الحقيقه فعلا .. فى انسان فى الدنيا موجود

عشان يقسم حزنك على اتنين , ويضرب فرحك فى اتنين [:)] [♥]

بس مش شرط تكون كل حاجة مظبوطة بلـ ملى

يعنى مثلا مش عشان شاف برنامج [ البرنامج ] بتاع د/ باسم يوسف

يبقى انت كمان فى نفس التوقيت لازم تبقى شايفه

عادى جدا ^^"

وحتى وان طال الوقت ولسه مظهرش , لازم ربنا يعلمك الاول

يعلمك تصبر لحد ما يجيلك القلب المناسب .. القلب الـ على مقــــاسك [:)]

يمكن سمعت زمان ان الانسان الى يحبك بيكملك !

وفى ناس تانيه بتقول ان الانسان الـ هيحبك لازم يشبهك فى كل حاجة

الجمله دى او دى كل واحدة فيهم بالنسبالى ناقصه ..

الصح فى الجملتين انهم بيكملوا بعض

يعنى الانسان الـ قلبى بقى ملك قلبه والعكس , لازم ابقى متأكد انه شبهى ومكمل النقط الناقصه فيا [:)]
والعكس برضه صحيح [:)]

وسلامى لمجهول .. لا أعلمه ولاكنى أشعر بوجودة ♥

سلام عليكو [:)]






2 
mido

انا لو قولتلك انى ببقى عايز اقول نفس الكلام يمكن تقولى عليا بكذب بس عايز اقولك انه انا بيحصل معايا كده
بس انا بشكرك بجد على الموضوع الممتاز ده
بس طبعا انتى معودانا على كده يا قمرايه
تسلم ايدك


3 
غــنـــــوه حزيــــــــنه

اقتباس: المشاركة الأصلية كتبت بواسطة ahmed hosny thabet  مشاهدة المشاركة
انا لو قولتلك انى ببقى عايز اقول نفس الكلام يمكن تقولى عليا بكذب بس عايز اقولك انه انا بيحصل معايا كده
بس انا بشكرك بجد على الموضوع الممتاز ده
بس طبعا انتى معودانا على كده يا قمرايه
تسلم ايدك

ربنا يكرمك يااحمد ويحمييك تشرفت بتواجدك



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.