العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

يوميات احمد وايمي

كاتب الموضوع: روفان، فى قسم: منتدى الحب والرومانسية


1 
روفان



ازيكم يا احسن واحلي اعضاء

النهارده هعمل يوميات متجدده

كل يوم يوم من اليوميات احمد ايمي

اليوم الاول


الساعه 3 بعد الظهر. احمد لسه صاحي من النوم عنيه نص مغمضه.. و شعره منكوش..فتح البلكونه و هو بيتمطع و بيتاوب بصوت زي الحمار
و يهرش في دماغه.. لقى في البلكونه الي قصاده بنت زي القمر عماله بتبص عليه
باستغراب
احمد -صباح الخير يا بت
طبعا ايمي مردتش عليه خالص بس دورت وشها بقرف لما سمعت بت دي


-انتى مين ؟؟؟ سكنتي هنا امتى ؟؟
بردو مبتردش ....


- ايه الناس دي ؟؟؟. عنك مرديتي تلاقيكي خرسه اصلا


و قفل البلكونه و راح ياخد شاور و هو بيقول في عقل باله بنت زي القمر بس باين عليها مغروره طحن



الساعه 5.00 احمد اخر شياكه نازل من بيتهم حاطط جل بقى و برفان و كده .. لقى البنت بتاعت البلكونه واقفه مع دينا جزيره ...< البت دينا دي عندها اخبار العالم كله > احمد لقاها فرصه عشان يغلس على البنت المغروره حبتين فراح سلم على دينا و هي قامت بالواجب دينا= هاي يا كينج ازيك تعالى اقدم لك ايمان جارتنا الجديده .. الي سكنت النهارده في بيت ابو فرحه ربنا ياخده .. راجل زفت اخر حاجه ده الاستاذ ابراهيم عزل من عمايله فيه..........


احمد= بس يا دينا انتى رغايه اوى كده ليه ؟ تشرفنا يا ايمان
ايمي= ميرسي يا احمد

احمد بقى حب يعمل فيها انه مش سائل فيهم و لا مهتم فقال


- يلا
اسيبكم انا بقى.. معلش اصلي مشغول
شويه ... سلام
اول مراح ايمان و دينا بقى هات يا رغي
ايمي= مش هو ده بردو الواد الي ساكن في البيت الي قصادنا؟؟؟
دينا=ايوه هو ده احمد على فكره عنده بلكونه قصاد بلكونك على طول


ايمي= بس شكله غريب انا شفته من شويه كان شكله قرف اخر حاجه
دينا= قرف ايه يا بنتي ؟ احمد ده ولد عسول و روش و امور اوى كمان بس ساعات بيغلس ههههه
ايمي= عامة هو ولا امور و لا حاجه ..عادي يعني .. يلا انا هروح بيتنا دلوقتي اشوفك بكره بقى في الجامعه

دينا= ماشي.. على فكره احمد معانا في نفس السيكشن


ايمي= كويس اوى ...... قصدي عادي انا مالي بيه
لو عجبتكم قولوا


وبقي انزل الباقي





Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.