العودة   منتديات المصطبة > الأقسام العامة > منتدى المواضيع العامة

منتدى المواضيع العامة أهم المواضيع والقضايا العامة التى تشغل الرأى وتهدف إلى نشر الفائدة للجميع

فى السكه و ( دفا الشتا)

كاتب الموضوع: غــنـــــوه حزيــــــــنه، فى قسم: منتدى المواضيع العامة


1 
غــنـــــوه حزيــــــــنه

فى السكه و ( دفا الشتا) Dunbo (240).jpg

ولد شقى بينده اخوه
بيقوله اجرى
الدنيا بتشتى
تعالى حتى شوف بنفسك
مدو ايديهم تحت الشتا
وكأن عينيهم مش شايفاه

لا شايفاه بس مش حاساه
لازم الشتا يلمس ايديهم
ويضحكو
ويصرخو
ويرفعو وشوشهم لفوق
وكإن الشتا بيرويهم
بيحييهم

بيخلى قلوبهم الخضرا تنبت من جديد

وأمهم تزعق بصوت حنين
ادخلو
هتبردو
والبرد برضه مقدرش يملى القلوب

وتبتسم وتقولهم يابختكو
ياريتنا نرجع قدكو

ويدخلو ويقفلو كل البيبان
ويلبسو هدوم كتير
ويرجعو يتفرجو على الشتا

وبخار هوا على الازاز
ل عيال بترسم حلمها
وعيال بتكتب اسمها
ويمسحو ويكتبو
متكلفتين وسط الهدوم
والبسمه ماليه الشفايف والعيون
وبيوت دفا وقلوب عمار
رغم الشوارع اللى ماليها الشتا

فى السكه و ( دفا الشتا) Dunbo (284).jpg





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.