العودة   منتديات المصطبة > الأقسام الترفيهية > المهيسون فى الأرض

المهيسون فى الأرض إفتكاسات وتهييس "بدون زعل"، شوية فرفشة على شوية نكت على مقالب مضحكة

زوجه ظريفه

كاتب الموضوع: dreams_boy، فى قسم: المهيسون فى الأرض


1 
dreams_boy

حوار لطيف بين زوج مع زوجته

هو:

حبيبتي أنا حأطلب بيتزا ، عايزة حاجة ؟



هي:

لا يا حبيبي



هو :

اوكي



هي:

ولا اقولك ..؟



هو:

ها ، أطلب لك كمان ؟



هي:

مش عارفة



هو :

مش عارفة اذا كنتي عايزة ؟



هي:

لا



هو:

انتي جعانة ؟



هي:

يعني



هو :

يعني إيه يعني...؟



هي:

يعني مش متأكدة اذا كنت جعانة ولا لأ.



هو:

الواحد لما بيكون جعان بيعرف



هي :

لأ بس يمكن اجوع بعدين



هو:

يعني اطلب لك بيتزا؟



هي:

طيب واذا ما كنتش جعانة وقتها..؟



هو :

ما تاكليش



هي :

بس ده كدة يبقى تبذير



هو:

خلاص ، تبقي تاكليها بكرة



هي:

و اذا ما كانش لي نفس آكل بيتزا بكرة؟



هو :

مش محتاجة نفس ، الواحد عادي ممكن ياكل بيتزا كل يوم



هي:

انا لا .. أنا مش باكل بيتزا الا لما يكون عندي نفس للبيتزا



هو:

طيب بلاش ، أطلب لك حاجة تانية؟



هي:

بس أنا مش عايزة حاجة تانية



هو:

يعني عايزة بيتزا؟



هي :

لا



هو:

يعني مش عايزة حاجة؟



هي:

لأ برضه



هو :

جننتيني ، طب أعمل إيه؟



هي:

اطلب انت لنفسك



هو:

الحمد لله ، اخيرا .. ماشي ..



هي :

بس اطلب بيتزا بالتونة



هو:

نعم ؟ انا مش بحب البيتزا التونة



هي:

بس انا بحبها



هو:

وانتي مالك ؟ هو انا حاطلب ليا ولا ليكي



هي:

ليك طبعا



هو:

طيب أطلبها ليه بأة بالتونة...؟



هي:

يمكن اجوع لما يوصل الاكل



هو :

وبعدين؟



هي:

يا سلام ، يعني تفتكر آكل حاجة مش عاجباني؟



هو:

ليه هو انتي – أصلاً - عايزة تاكلي؟



هي :

ليه لأ ؟



هو:

يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟



هي:

بالضبط



هو:

وأنا بلاش آكل؟



هي:
يمكن وقتها أكون مش جعانة فتاكلها انت







ملاحظة



محكمة الجنايات قررت تبرئة الزوج من تهمة

"قتل الزوجة مع سبق الإصرار والترصد"

وتحويل التهمة إلى ..

"قتل الزوجة دفاعاً عن النفس"




4 
dreams_boy

هههههههههههههههههههههههههههههههههه
لا مهو الرجل اتصرف وقتلها وريح دماغه بقى
انا اتشليت سلف ليه
وبعدين لو مكنش قتلها كنت قتلتهم الاتنين انا
ههههههههههه


5 
dreams_boy

ههههههههههههههههههههههههههههههههههههههه طب والله زوجة جميلة ودمها خفيف حرام تتشنق
يسلموو على البسمة والضحكة

زوجه جميله
طيب اللهى اشوفك زيها
ههههههههههههههههههههههه



Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.