العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
محمد احمد بركة

مسلـــــم ::  مسيـــحى ::  حقــــــ أراء ـــائق :: ادخل وقول رأيك 13659_186771648844_178693348844_2954945_3718911_n.jpg

مسلم ومسيحى

كتير اوى بنشوف ناس من المسلمين بترفض التعامل مع المسيحين ...لمجرد انهم مسيحين

وبردو كتير مسيحين بيرفضو يتعاملو مع المسلمين...... لمجرد انهم مسلمين


حتى فى المناسبات او الافراح بيكونو قلقانين جدا ويقولو لأ الناس دول وحشين

دول هيأكلونا اكل مش كويس

بلاش تاكل معاهم

بلاش تمشى معاهم

وكلام كتير من دا


هل فى تعامل بينك وبين اى حد مسيحى وكان انطباعك عنه ايه بعد ما تتعامل معاه وانطباعك بعد التعامل معاه

ولما حد يشوفك بتتعامل معاه بيقولك ايه

باختصار عاوزكم تتكلمو عن كل حاجة فى الموضوع دا

واية رأيكم فى الصداقة والمودة بين المسلم والمسيحى

هل هى صح ولا غلط

مستنيكوو مسلـــــم ::  مسيـــحى ::  حقــــــ أراء ـــائق :: ادخل وقول رأيك wink.gif




2 
BaNoTa ZaMaLKawYa

بص والله انا كتير من صحابى مسيحين وانا مسلمة
بجد دول ناس فى قمة الروعة ادب واخلاق مشوفتش منهم
حاجة وحشة انا بتكلم على المسحين اللى اتعاملت معاهم
واكيد ف المسيحين فى الحلو والوحش والمسلمين كذلك
وحكاية التعامل عادى انا لو حوقف ادنيا عشان دة مسيحى
ولا دة مسلم مش حننجز حاجة ف دنيتنا

توبيك جميل تسلم ايدك يامحمد......


3 
سـفـيـر الـمـحـبـه



موضوع جميل جدا منك يا محمد .... اشكرك عليه

وانا ليا كتير اصحاب مسحيين وفي ليا تعامل كبير معاهم
وفي بينا كمان تعامل في الشغل عندي وكلهم حب وذوق واحترام
وانا عمري ما كنت افرررررف بعاملتي ما بين مسلم ومسيحي
وانا اعتبر ذلك انه كلنا اخوه وكلنا متحابين مع بعض وكلنا
يد وحده وفي بلد واحد وما يصحش نقول لا ده مسلم وده
مسيحي وانا مش بحب ده وبكره ده .. وكل ده كلاااام
فاااااضي ولا له معنى ولا اساس في حياتنا وديننا
وكلنا يجب ان نكون مع بعضنا بالحب والخير
والاحترام ولا نضع عداوه بيننا ابدا
ودمتم بكل خير اينما كنتم
اخاكم محمد


4 
bono

موضوع جميل او يا محمد ويستحق المناقشه
بس يعنى ايه مسلم ومسيحى
لكم دينكم ولى دينى
انا عن نفسى بتعامل معاهم عاتى وفى منهم ناس محترمه جدا
ومعاملتهم جميله اوى
وليا جيران منهم كويسين وبيقفو معانا وقت الشده
يعنى لما نكون ف حرب مش هنحارب سوا
تب ايه الفرق بقى كلنا بنى ادمين زى بعض
المهم اننا نعاملهم بالمعروف عشان نكون قدوه حسنه للمسلمين ونحبببهم ف الاسلام


5 
اهلاويه متعصبه

انا ليا اصحاب كتير مسحيين وبتعامل معاهم فى الجامعة وجيران ناس كويسين جدا وطيبين اوى وملهمش دعوة باى حد ولا ليهم فى المشاكل
ولا عمرى شوفت منهم حاجه وحشة خالص
بس انطباع الناس عليهم لما امشى معاهم بيبصلهم نظره وحشه معرفش لية
واحنا اخوات ومفيش بينا حاجه بس فى ناس مش بتحب تتعامل معاهم
تسلم يابركة



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.