العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
eslam

السلام عليكــم ورحمـة الله وبركاتــه،،


لا تدعى المثاليه ... ولا تبحث عندها ...



زمان كنت بفتكرنى وانا اصحابي وعيلتى _مجتمعى يعنى _



مثاليين وطيبين و اللى هو المجتمع الصغير المثالى يسود الحب والعطاء والايثار


وبالتالى كان مفهومى عن الاخريين انهم كمان مثاليين وبيتعاملوا بتلقائيه وود وتسامح

لكن للأسف اكتشفت ان المثاليه اللى بحلم بيها دى مجرد حلم فى خيالى

كنت بنتظر من الناس تعاملتهم على اساس انطباعى المسبق بمثاليه الجميع

وللأسف فى كل مره كنت بتصطدم جامد اوووى ...


حاليا اكتشفت ان مافيش حد مثالى


حتى انا مش مثالي

لانى أكيد فيـا عيوب .. قد يكون ستر الله ليها بيدى انطباع للناس انى اقترب للمثاليه

بس لم اصل اليها...والمسافه بينا بعيده


حتى تعاملتى اللى بحاول اوصل بيها لدرجه ارضاء الله وارضاء الاخرين

مش مثاليى برضة


يبقي بالتالى حكمى على الاشخاص و تعاملتهم كان من مقياس خاطئ

كان من مقياس مثالى يتعامل مع مثالى

مقياس يفترض الحب والتسامح والموده والايثار وحب الاخرين التى لا مثيل لها

ودا مقياس مش واقعى ... مش لان الناس مش كويسة

لأ لانهم مش مثاليين .... لانهم بشر

يحملون قلوب بشر تحب وتكره...تود ..وتحقد

يحملون عقول بشر ...تحسن التفكير احيانا ...وتسيئه احيانا

يحملون داخلهم نفوس احبت انفسهم ..فاصبحت لا ترى سواها



اذا لا داعى ان نضع تصرفات الناس و شخصياتهم على مسطره المثاليه

فقط فلنتعامل كمان نحب ان يتعاملوا معنا

ايضا ليس لا ارضاءهم فقط ...وانما لارضاء شعورنا الداخلى بالاقتراب من المثاليه


علشان كدة انا مش بحب الناس تشوفنى مثالى علشان محدش هنا مثالى


مهما حولت تبين انك احسن انسان فى الوجود بردو فيك عيوب


السؤال هنا


هل انت مثالى ؟



من هو مثلك الاعلى ؟








Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.