العودة   منتديات المصطبة > الأقسام الإخبارية > أخبار مصر Egypt News

أخبار مصر Egypt News آخر اخبار مصر اليوم على مدار 24 ساعة، اخبار عاجلة من الصحف والجرائد المصرية

دعوه للم الشمل (كلنا ايد واحده)

كاتب الموضوع: 5Lik Fe 7aLk، فى قسم: أخبار مصر Egypt News


1 
5Lik Fe 7aLk

صور حب وغرام

بسم الله الرحمن الرحيم

وقل اعملوا فسيرى الله عملكم ورسوله والمؤمنون

اولا

الف مبرووووووك لرئيس مصر محمد مرسى فوزه فى الانتخابات

ثانيا

الف شكر وتحيه لقضاه مصر الشرفاء بعد حمله التخوين الى اتعرضوا لها ناس تعمل بجد فى ظروف عصيبه

شكر وتحيه وتقدير لقواتنا المسلحه والمجلس العسكرى الى وعد فأوفى والى تعرض لحمله شرسه بتقول تزوير الانتخابات ورئيس هما عاوزينه ولكن المجلس المحترم الى وعد فأوفى ضرب مثل ان القوات المسلحه ومجلسها العسكرى نتفق او نختلف معاه هما دول الى وصلونا لليوم الى احنا فيه دا ولاولهم مكنش حققنا حاجه فكل الشكر والتحيه للدرع الواقى القوات المسلحه

شكر وحب واحترام لقوات الجيش والشرطه والداخليه والشرطه العسكريه على مدار عام ونص

تحيه لافراد القوات المسلحه ولامناء الشرطه ولعساكر الداخليه

لازم نرفع القبعه للناس دى الى يعتبر مكنتش بتنام ولا بتاكل وسهرانين طول اليوم عشان انا وانتم نرتاح وننام أمنين ومكنوش عاوزين الا المصلحه العامه

والى تعرضوا لسخافات وهتاتفات تسىء ليهم مع ان لولا فضل الله الاول وفضلهم تانى حاجه كان زمنا زى سوريا او ليبيا ومكناش بنتحفل برئيسنا الجديد


ثالثا

الموضوع دا عملته عشان يبقى فى مصالحه وحب مننا كلنا وننسى الى فات ونبص ع المستقبل الى كانت اول خطوه فيه هيا انتخاب الرئيس

عايزين كلنا ننسى الى فات ونقف ورا الرئيس الجديد نديله فرصه يشتغل ونقف وراه ونكون معاه عشان رفعه بلدنا وعشان نخلى بلدنا دى احسن بلد فى الدنيا كلها

محدش يقول دا اخوانى ودا فلول ودا علمانى ودا ليبرالى ودا سلفى

كلنا مصريين كلنا بنحب بلدنا مهما اختلفنا كلنا فى الاخر بنحب بلدنا وعايزينها احسن بلد فى العالم

الفتره الى فاتت كان فيها تجاوزات كتيره اوى مننا كلنا

والى وصف الفلول انهم مش مصريين وخونه وعملاء والى وصف الاخوان انهم خاينين والى والى

ال 12 ونص مليون مش خاينين ولا عملاء وايضا الاقباط ليسوا عملاء لانتخابهم الفريق شفيق ولكنها الديمقراطيه يا عزيزى...!

ونسينا ان كلنا مصريين بنشرب من ميه وحدا كلنا طالعين من تراب البلد دى بنحبها اوى عشان كدا لازم لازم ننسى الى فات وبدون اقصاء لاى حد مش نقول لا الفلول محدش يتكلم فيهم الاخوان مش يفتحوا بوقهم الكلام دا انتهى

لازم كلنا نصارح نفسنا ونصارح ضميرنا الاول عشان نعرف ان كلنا مصريين والميادين مش بتاعت ناس على حساب ناس كلنا مصريين والميادين دى كلها بتاعتنا احنا كلنا مش بتاعت الثوار ومش بتاعت الى مش ثوار


فياريت يا جماعه نشتغل ونعمل عشان رفعة بلدنا وكلنا ورا الدكتور مرسى رئيس مصر الى لما يعمل للصالح العام كلنا هنشد على ايده وهنقف جنبه ونشجعه ولما يعمل الغلط هنقوله الصح فين بدون اقصاء لفصيل على حساب اخر

دى دعوه منى فكرت فيها وعملتها بعد لما شوفت الاعلام الرياضى عملها انهارده علطول والى مكنتش اتوقع ابدا ان استيدو واحد يجمعهم كلهم بيتصلوا ببعض وكلهم هيتجمعوا عشان كلنا مصريين ولازم نسنى خلافتنا مع بعض ونفكر فى الى جاى الى ان شاء الله هيكون احسن

ومحدش ينسى

ان كلنا مصريين

وكلنا ( مسلم + سلفى + مسيحى + اخوانى + ليبرالى + علمانى + صوفى + سنى + شيعى + فلول + مش فلول + ثوار + مش ثوار + داخليه + جيش + قضاء + حكومه + رئيس ) كلنا كلنا ايد واحده


دعوه للم الشمل (كلنا ايد واحده) almstba.com_1340584151_170.gif

3 
ندى عبدالمجيد

مبادرة رائعة فى ان نكون جميعا ايد واحدة

لكن الا الفلول طبعا فهم كانو ولا زالو يعملون على هدم البلد وسيكملون مسيرتهم

وهذا دليل بسيط :

http://www.almstba.com/vb/t86082.html

التربص ومحاولة تضليل الشعب المصرى الحر الابى

معا جميعا ايد واحدة ضد الفلول

مبارك واتباعه واعوانه وعبيده لابد من اجل بلد قوى التخلص من هؤلاء

4 
5Lik Fe 7aLk

اقتباس: المشاركة الأصلية كتبت بواسطة ندى عبدالمجيد  مشاهدة المشاركة
مبادرة رائعة فى ان نكون جميعا ايد واحدة

لكن الا الفلول طبعا فهم كانو ولا زالو يعملون على هدم البلد وسيكملون مسيرتهم

وهذا دليل بسيط :

http://www.almstba.com/vb/t86082.html

التربص ومحاولة تضليل الشعب المصرى الحر الابى

معا جميعا ايد واحدة ضد الفلول

مبارك واتباعه واعوانه وعبيده لابد من اجل بلد قوى التخلص من هؤلاء

ايه الكلام دا

لا اقصاااااء لاحد

الفلول مصريين ولهم رايك زيهم زيك بالظبط

فين الديمقراطيه الى بنطالب بيها ليه ديما رايك هو الى صح وغيرك رايه غلط؟

الفلول دول من سويسرا ؟

هما مصريين ومحدش اسمه فلول وناس ثوار مش فلول

كلنا مصرين بدون اقصاااء لاى فصيل

بنقول هنقف ورا رئيسنا الجديد ولما يعمل غلط هنقول دا غلط واظن ان الثوار مش هيقبلوا بالغلط مهما كان

هل لما الثوار يقولوا ان الرئيس عمل حاجه غلط ساعتها هنقول عليهم فلول؟

لا اقصاء لاى حد كلنا مصريين التوبيك عملته عشان كلنا نتجمع مش عشان نسمع كلام ملوش اى معنى زى بتاع حضرتك دا

مفيش حاجه اسمهم اتباع مبارك واتباع مرسى واتباع محمد واتباع احمد

كلنا مصريين نختلف اه بس كلنا بنحب بلدنا ومش معنى ان ناس معينه ليهم رايى يبقى لابد التخلص منهم
دا كلام مش منطقى بالمره ومحدش يقوله اصلا

على كدا لابد قتل ال12 ونص مليون مواطن مصرى حر شريف ادى صوته لشفيق

الديمقراطيه بتقول ان الراى والراى الاخر نختلف ماشى انما كلنا متفقين على حب البلد دى بدون اقصاء لاحد

الرئيس بتاعنا كلنا مش بتاع الى انتخبه بس

هيعمل كويس كلنا هنبقى وراه هيعمل الغلط كلنا هنقومه وهنقوله دا غلط

ومحدش فى مصر بقى بيسكت عن اى حاجه كل الناس بتتكلم وكل الناس بتقول

يبقى بلاش اقصاء لاحد وبلاش فتنه اكتر من كدا

الموضوع هدفه لم الشمل

عندك حاجه كويسه اتفضلى قوليها مش عندك ياريت بلاش نقول لابد من التخلص منهم والكلام دا

وحاجه اخيره ياريت تقرأى التوبيك من تانى كويس



Powered by vBulletin® Copyright ©2000 - 2017, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.