العودة   منتديات المصطبة > الأقسام الترفيهية > المهيسون فى الأرض

المهيسون فى الأرض إفتكاسات وتهييس "بدون زعل"، شوية فرفشة على شوية نكت على مقالب مضحكة

دعاء مواطن مصرى أصيل>>>

كاتب الموضوع: RoMaNt!C♥AnGeL، فى قسم: المهيسون فى الأرض


1 
RoMaNt!C♥AnGeL

اللهم أنقذنا من نفسنه الزملاء.. وغباء الأصدقاء ومفاجأة الأعداء




اللهم ارحمنا من استبياع الجيل الجديد.. وحرائق السكة الحديد


واستقصاد كل مدير.. ونداله القرايب الصغير منهم والكبير


اللهم أغثنا من كل عميل.. ومن فواتير موبينيل


اللهم أرحمنا من تشريفه عربيات المسئولين، وزحمة الشوارع في كل حين


وسحب الرخص في كل كمين.. من الغلبان مش م المتين


اللهم اهدى لنا سواقين الميكروباص


ومدير الشركة البصباص


اللهم ارحمنا من الشئون القانونية وشئون العاملين


واللي بيقفوا فـ وسط الشارع فجأة وبدون إشارة يمين


اللهم قنا شر الكليبات..


وشر شلل البنات.. ولؤم الستات وغباوة الحموات


والمينيمم تشارج كافيهات..


وهيافة الصحف والمجلات


وقطع الحرارة فجأة عن التليفونات وقت الزنقات


والمدارس اللي بتطلب تبرعات بالألافات


ووقوع السيرفر وقفلة السايتات



اللهم افتح لجيلنا القديم الطريق الفسيح



حتى ننظف انتخابات البلد من لعبة المراجيح



اللهم ارحمنا من الاكتئاب مرض العصر والشباب



واحمي يارب سماء مصر من سحابة الهباب



واكفنا شر صاحب الدقن الكداب



وصاحب التصريحات النصاب



يا رب العالمين ارزق كل بنت بعريس هدية..




وكل شاب بعروسة ووظيفة وشقة وعربية



اللهم أحرق الـ0900


وكل بالحرامية



ونجح أي طالب في أي كلية


حتى ولو كان في التربية الموسيقية


آمين يارب



دعاء مواطن مصرى أصيل>>> s12.gif





Powered by vBulletin® Copyright ©2000 - 2017, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.